Jæja.

Jæja já nú má segja að formlegri sumarlínuvertíð hjá okkur sé lokið komnir í heimahöfn og búnir þrífa bátinn hátt og lágt, búnir vaska línuna og fleira og fleira. Þetta gekk bara vel og fyrstu sumarvertíð lokið hjá mér frá Finnmörku og maður er reynslunni ríkari og á maður að segja maður er strax farinn að hlakka til næstu (kannski ekki alveg) Svo er það bara Íslandið á þriðjudaginn.

 

 

 

Línan þrifin og vöskuð og að sjálfsögðu notað íslenskt línuvask.

 

 

 

 

 

 

 

 

 

 

 

Straumeyjarstrákurinn ( Strömoygutt ) bara ánægður að vera kominn í heimahöfn.

 

 

 

 

 

 

 

 

 

 

 

Heimahöfnin heilsaði okkur með þessari rjómablíðu

 

 

 

 

 

 

 

 

Þessi bátur renndi sér framhjá okkur á leiðinni Íslensk smíði við vorum á 7,9 sjm hann fór framúr okkur á rétt rúmum 14 sjm.

 

 

 

Cleópatra 36.

 

 

 

 

 

 

 

 

 

 

 

 

 

 

 

 

 

 

 

 

 

 

 

Bless bless Strömoygutt en eins og stundum gerist verða þeir síðustu fyrstir og þannig var það hjá okkur líka því þegar við komum í Vestfjorden leitaði þessi vars en við strákarnir létum okkur hafa það og héldum áfram í vestankaldanum.

 

 

 

 

 

 

 

Kíkt í vitann gætu þessar myndir heitið.

 

 

 

 

 

 

 

 

 

 

 

 

 

 

 

Ferðalagið gengur vel.

Heimferðin gengur vel hjá okkur félögunum nú höfum við verið á siglingu síðan kl 0900 á þriðjudagsmorgun og erum komnir langleiðina aðeins 150 sjm eftir stoppuðum aðeins í Tromsö til að ath með olíu á vél og gír og svo fórum við og fengum okkur Burger King. Samkvæmt leiðarreikingi verðum við í heimahöfn kl 0147 þann 30 ágúst, það gæti nú breyst því við fáum sennilega vestankalda í neppann þegar við komum í Vestfjorden. Núna erum við með Harstad á stjórnborðsíðu.

 

 

 

 

Þessi bókstaflega flaug fram úr okkur rétt áður en komið var til Tromsö

 

 

 

 

 

 

 

 

 

 

 

 

 

 

 

 

 

 

 

 

Artic Swan

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Svo í Tromsö varð ég að taka mynd af nýjasta togaranum hans Rökke. Gadus Poseidon það var reyndar grenjandi riging í Tromsö þannig að hann myndaðist ekki vel.

 

 

 

Veit ekki hvort ég get sagt hann sé flottur en mikið skip er hann og sennilega öflugur.

 

Í þennan þurfti að dæla 150 tonnum til að hann færi ekki á hliðina þegar hann var tilbúin held það hafi verið setur undir hann extrakjölur samt ekki 100% viss.

 

 

 

 

 

 

 

 

 

 

 

 

Prufaði aðra stillingu á vélinni.

 

 

 

 

 

 

 

 

 

 

 

 

 

 

 

 

 

 

 

 

 

 

Birkeland við bryggju í Tromsö. 

Á heimleið.

Já nú í þessum töluðum orðum erum við strákarnar á Stromoygutt á sigling heim á leið ekki til Íslands heldur í heimahöfn Örnes. Framundan er 2 1/2 sólarhringja stím og þegar þetta er skrifað eru 233 sjm til Tromso og svo er eitthvað svipað frá Tromsö til Örnes. Við lögðum af stað rétt fyrir níu í morgun og erum því búnir að vera á siglingu í rétt tæpa fjóra tíma  og erum í þessum töluðu orðum þvert útaf Tanafjord og ekki langt til Gamvikur þar sem Perlufisksmenn eru búnir að setja sig niður með verkun og útgerð. Veður er bara logn.

 

Þessi vertíð gekk held ég bara þokkalega miðað við allt við fiskuðum upp kvótann og ekki með svo miklum tilkostnaði mér reiknast til að við höfum verið með 233 kg að meðaltali á hvern beitann bala, þrátt fyrir að kallinn búmaði þrisvar sinnum. Margt hefur síast inn í viskubrunninn þessa veríð varðandi flotlínu og nú getur maður hlegið af þeim mistökum sem maður gerði í upphafi en eins og maður segir maður lærir allt eitthvað nýtt vonandi allt lífið " lærir meðan maður lifir " vona þetta sé rétt.

Í gær fengum við köku frá Batfjordbruket svona í tilefni af deginum.

 

 

 Þarna er ég sjálfur og Jaro búnir að taka stórt stykki úr blessaðri kökunni.

 

 

 

 

 

 

 

 

 

 

Jaro ánægður að fá kökuna.

 

 

 

 

 

 

 

 

 

 

 

 

Beitingarliðið að stokka upp í gær.

 

 

 

 

 

 

 

 

 

 

 

Þessi fékk flækju ekki sú fyrsta en sú síðasta á þessari vertíð.

 

 

 

 

 

 

 

 

 

Svo næst á dagskrá er að fá sér að borða í Tromsö ef við verðum þar á góðum tíma.

 

Færð ekki betra ferðaveður en þetta. 

Bræla

Já auðvita er bræla þegar maður er að hætta og koma sér heim, en vonandi komust við á sjó snemma í fyrramálið. Við eigum eftir að fara eiga við ekki segja 1,5 ferð. 30 bala með botnlínu og svo 10 bala með flotlínu ef allt gengur upp ættum við að vera búnir á mánudagskvöld og jafnvel komast á stað til Örnes þriðjudagskvöld eða miðvikudagsmorgun. En ekkert er öruggt í þessum heimi svo við sjáum til. 

 

Fiskerí hefur verið gott tildæmis á miðvikudag fengum við 6,3 tonn á 20 bala og fórum svo strax aftur með 10 bala og fengum á þá 2,3 tonn en síðan kom brælan.

 

 

Svo að allt öðru það eru tveir bræður hérna frá Sund í Lofoten að róa á trillunum sínum það Kjell sem er 65 ára og svo Sven sem er 68 ára þeir eru að róa á flotlínu og botnlínu og það er alls ekki að sjá að þeir séu að fara hætta.

 

 

 

Þeir bræður róa á bátnum Minibanken (Sven) og Ny-Kvikk (Kjell). á fimmtudaginn lenti Kjell i smá vandræðum og þá var stóri bróðir strax kominn til hjálpar.

 

 

 

 

 

 

 

 

 

 

 

 

 

 

 

 

 

Hér Sven.

 

 

 

 

 

 

 

 

 

 

 

 

 

 

 

 

 

 

 

 

 

 

Og hér Kjell.

 

 

 

 

 

 

 

 

 

 

 

 

 

 

 

 

 

 

 

Þeir bræður áttu áður stærri báta sinn hvorn svona 30 tonna bát en fyrir þremur árum seldu þeir bátana og róa nú á þessum trillum. Þeir hafa eingöngu róið með línu og alltaf komið hingað upp eftir á sumrin og svo aftur á haustin og svo er róið í Lofoten á vertíðinni.

 

 

 

Minibanken og Ny-Kvikk

 

 

 

 

 

 

 

 

 

 

 

 

 

 

 

 

 

 

 

 

Hér í Finnmörku má segja að séu nóg tækifæri fyrir unga menn sem hafa áhuga og vilja byrja í útgerð kannski öfugt miðað við heima þá vantar fólk hérna sem vil byrja í útgerð. Kvótar eru ekki á þessu brjálaðisverði eins og heima og fjármögnun mikið auðveldari vextir miklu lægri, en þar með er ekki sagt að þetta sé auðvelt þ.e.a.s peningarnir koma bara siglandi til þín. Að sjálfsögðu verður þú að róa og fiska og fiska og hér má segja að fyrir smábáta er nánast frítt fiskerí allt árið og ekkert held sem kemur til með breyta því, svo þú sleppur við allt kvótabrask. Það grátlega er að þrátt fyrir þessa möguleika vantar fólk sem hefur áhugann. 

Svona er það!

Já svona er þetta þegar búið er að ákveða eitthvað þá fer allt úrskeiðis sem getur farið úrskeiðis. Á Föstudaginn síðasta var ákveðið að þessi vika sem nú er að líða skildi verða sú síðasta í þessi úthaldi í bili kvótinn að verða búinn og myndi alveg örugglega klárast í þessari viku í sex róðrum, en þá gerðist það auðvita að það bilaði alternatorinn hjá okkur en allt í lagi mjög vel útbúinn bátur með tvo alternatora þannig þegar bilar þá er einn til vara. Svo undirritaður skipti auðvita yfir á vara alernatorinn allt gekk ágætlega og ég hugsaði með mér hann hlýtur að hanga þessa nokkra daga en þegar átti að fara á föstudagskvöldið þá hlóð helvítið ekki (úps má ekki blóta honum) svona hann var rifinn frá og bilunin greind kolin búin. Seint á Laugardaginn lánaði einn mér kol og við skiptum um þau og vitir menn hann hlóð og nógur straumur var og allir ánægðir þá var haldið í róður á sunnudaginn og allt eins og það átti að vera 3,8 tonn lágu á 16 bala og áhöfnin bara nokkuð lukkulega. Á mánudaginn allt í lagi og við tökum 20 bala og förum á stað en þegar við erum að klára að leggja fara bara legurnar í helvítinu, við án straumhleðslu með 20 bala í hafinu rekandi því flotlína fer bara eftir straumnum. Það var ekkert annað gera en að byrja draga og vona að hleðslan á rafgeymunum myndi duga. En til vonar og vara höfðum við samband við Soloy sem var akkúrat að klára draga og hann var til í að bíða hjá okkur því það er ekkert grín að skilja flotlínu eftir. Þegar búið var að draga 12 bala var það orðið ljóst að við myndum ekki hafa rafmagn til að klára og þá tók hann við og dróg restina af línunni fyrir okkur.

Þar sem undirritaður var orðinn nett pirraður á þessu öllu saman fékk hann rafvirkja um borð í morgun með nýjan alterntor og var honum komið fyrir og fúnkera enda alveg glænýr og svo á morgun fáum við við svo nýjan vara alterntor. En auðvita í öllum látunum brutum við nippill á lensudæla þann nippill fáum við ekki fyrr en á morgun svo þetta ætlar að vera sagan endalausa þetta hættir kannski ef ég hætti við að hætta.

 

Nú eigum við eftir að fara þrjá róðra og vonandi komust við á morgun og á fimmtudaginn og svo síðasti róðurinn á föstudaginn. Það er byrjað að stokka upp línuna og ef allt gengur upp ættum við að geta farið að sigla heim á leið í byrjun næstu viku. 7-9-13.

 

 

 

Kallinn sjálfur að græja færi eitt af mörgum á flotlínu

 

 

 

 

 

 

 

 

 

 

 

 

 

 

 

 

 

 

 

 

Farið með tóma bala fram dekkið

 

 

 

 

 

 

 

 

 

 

 

 

 

 

 

 

 

 

 

 

 

Línan að renna út.

 

 

 

 

 

 

 

 

 

 

 

 

 

 

 

 

 

 

 

 

 

Set þessa af því mér finnst hún flott þessi.

 

 

 

 

 

 

 

 

 

 

 

 

 

 

 

 

 

 

 

Svo að lokum einn mynd af belssuðum rafalnum sem brann yfir og fyrir einhverja tilviljun átti rafvirkinn hérna alveg eins á lager alveg ótrúleg heppni og við fengum hann á gömlu verði 12000 norskar krónur en nýr kostar 27000 þúsund.

 

 

Ekki bloggað síðan 29. júli

Og nú er kominn 15 ágúst. Allt hefur verið með það sama við höfum verið að róa og erum farnir að sjá fyrir endann á kvótanum en það er alltaf svoleiðis þegar maður sér fyrir endann á einhverju þá gengur ekki neitt en við lönduðum 1,3 tonn í morgun á 16 bala og ef fiskeri verður áfram svona þá er nokkrir dagar til að klára kvótann. Ég held samt að ég taki mér frí mjög fljótlega orðinn drulluleiður á þessu.

 

Ásgeir sem hefur róið með mér er farinn og í staðinn er kominn meistari Jaro frá Póllandi. Núna erum við á leiðinni í 5. róðurinn í þessari viku aflabrögð hafa svo sem verið ágæt nema í gær þá var bara algjört búmm. Við erum búnir að vera akkúrat mánuð á veiðum frá Batsfirði en það eru komnir rúmir tveir mánuðir síðan við sigldum á stað upp eftir en fyrsti mánuðurinn fór bara í rugl því miður.

 

 Haldið í róður í svarta þoku. Sólrún tók þessa þegar hún var heimsækja mig í síðustu viku.

 

 

 

 

 

 

 

 

 

 

 Balarnir teknir á Sólskinsdegi en þeir hafa verið margir hérna í sumar búið að vera ótrúlega gott sumar.

 

 

 

 

 

 

 

 

 

 

 

Og en og aftur haldið í róður.

 

 

 

 

 

 

 

 

 

 

 

Þessi íslensk ættaði bátur Hafdis sem gerður er út frá Gamvik er búin að vera í dágóða stund upp á kaja skrúfu og öxullaus en það fór að leka hjá með skutpípunni. En Hafdis kom strax á eftir Aldisi Lind sem er gerð út af sömu aðilum.

 

 

 

 

 

 

 

 

Gömul fiskverkun í Syltefjord en það er gamall útgerðarstaður sem lagðist í eyði í kringum 1980. Það voru mest fiskkaupendur frá Lofoten sem komum upp eftir á vorin og keyptu fisk af heimamönnum og hengdu hann upp í skreið en síðan lagðist byggð af hérna en í dag er Syltefjord vinsæll meðal sumarbústaðaeigenda margir sumarbústaðir og staðurinn iðar af lífi á sumrin.

 

 

 

 

 

 

Hér sjáum við svo yfir það sem var þorpið í Syltefjorden