Nú bloggað á hverjum degi

Ferðin hjá okkur á Andra gekk bara eins og í sögu og komum við Ísafjarðar kl 2200 og lögðum Esther þar, við yfirgáfum svo Ísafjörð kl 2300 og vorum komnir til Bíldudals kl 0700 í morgun. 

 

Andri að leggja í hann með Pétur Þór í drætti.

 

 

 

 

 

 

 

 

 

 

 

 

Þarna siglum við með Esther út úr höfninni má segja að Bíldudalur og Arnarfjörður hafi skartað sínu fegursta.

 

 

 

 

 

 

 

 

 

Svo hófst ferðalagið.

 

 

 

 

 

 

 

 

 

 

 

Farið fyrir Barða, var þetta í fyrsta sinn sem við á Andra BA-101 sigldum fyrir Barða á þeim fjórum árum sem hann hefur verið í okkar eigu.

 

 

 

 

 

 

 

Í Arnarfirði var Egill ÍS á veiðum og tókum við þessar af honum

 

 

Þarna er hann að koma í baujuna

 

 

 

 

 

 

 

 

 

 

 

 

 

 

 

 

 

 

 

 

 

 

 

Esther ( ex Pétur Þór BA-44 Hringur BA-165)

Í dag er ég í dálítið sérkennilegu verkefni og þó því ég er að draga 1491 Esther til 'Isafjarðar. Þar sem báturinn mun hafa viðkomu á leið sinni til Akureyrar þar sem hann mun ganga í endurnýjun undirleiðsögn Lárusar List núverandi eiganda.

 

Þessi bátur var fyrst keyptur til Bíldudals 1978 af föður mínum og tveimur vinum hans Pétri Þór Elíasyni og Jörundi Bjarnasyni þá var báturinn rétt rúmlega eins árs. Annað hvort árið 1980 eða 81 selja þeir bátinn þá orðnir tveir því Pétur hafði fallið frá. Árið 1984 er báturinn aftur keyptur til Bíldudals og hefur verið þar síðan þá var reyndar seldur eða leigður til Tálknafjarðar í stutta stund. Þegar hann kom til Bíldudals aftur fær hann nafnið Pétur Þór sem hefur fylgt honum alla tíð þangað til nú.

 

 

 

Arnarfjörður kvaddi þennan mikla höfðinga með sinni rjómablíðu.

 

 

 

 

 

 

 

 

 

 

 

 

 

 

 

 

 

 

 

 

 

 

Pabbi hafði alltaf taugar til þessa báts. Enda var þetta búið að vera draumur þeirra félaga í dálítinn tíma að fara saman í útgerð.

 

Kannski fylgjast þeir vinirnir Pétur og Pabbi með þessum aðgerðum í dag hver veit. 

Málað málað.

Eftir slipptöku Andra BA á dögunum var síðasta vika notuð hjá undirrituðum með hjálp annara í fjölskyldunni að mála skipið í höfninni á Bíldudal.

 

Já skipið var málað hátt og lágt og svo var skipt um rauðann lit á skrokknum farið í rauðari lit.

 

 

 

 

 

 

 

 

 

Svo er bara að vona að báturinn fái að hreyfa sig eitthvað í haust, en hafró er væntanleg hér 8. okt og ætti allt að vera orðið ljóst 12 okt hvort stofninn þoli veiði að mati S.A.S. Við erum allavega bjartsýnir báturinn tekinn slipp og í bígerð að kaupa ný veiðafæri en þessi óvissa ár eftir ár hvort veiðar verða leyfðar eður ei hvort við fáum stórann kvóta eða lítinn er orðinn dálítið pirrandi og ef ég er orðinn pirraður yfir þessari veiðistjórnun á Arnarfjarðarrækju eftir 5.ár hvernig ætli þetta sé hjá kollegum mínum sem hafa stundað þetta mun lengur en ég. Það eru svo margar óvissur í þessu á þessum 5. árum hefur heildarkvótinn sveiflaðst frá því að vera 500 tonn niður í 200 tonn. Að stofninn geti minnkað og stækkað í svona mikilli sveiflu á milli ára finnst mér bara fjarstæðukennt.

En að einhverju skemmtilegra Andri nýmálaður.

 

 

 

Eftir mikla málingavinnu er Andrinn kominn með nýja litinn, nú er aðeins dekkið eftir

 

 

 

 

 

 

 

 

 

 

 

 

 

 

 

 

 

 

 

 

 

 

Bakkað upp að flotbryggjunni til að taka seinni umferðina á rauðalitnum.

 

 

 

 

 

 

 

 

 

Það voru fleiri rækjukallar að sniglast í kringum bátana sína þessa daga Ýmir BA - 32 var einnig í málingu. Var það kannski ekki að ástæðulausu sem við vorum spurðir hvort væri ekki að koma haust ekki vor því hér áður fyrr á Bíldudal voru rækjubátarnir gerðir fínir eftir rækjuvertíð þ.e.a.s á vorin. Svona breytast tímarnir.

 

Hér eru þeir komnir með Ýmir í fjöru að botnmála og láta botnskoða.

Þetta var nú algeng sjón hérna á Bíldudal þegar undirritaður var pjakkur þá voru oft upp í þrír bátar í fjöru í einu.

 

 

 

 

 

 

 

 

 

 Ýmir í prufusiglingu ( Þarna er Volvoinn greinilega kaldur) 

 

 

 

 

 

 

 

 

 

 

Get bara ekki hætt að setja inn myndir af Andra er svo stoltur af sjálfum mér

 

 

 

 

 

 

 

 

 

 

 

 

 

 

 

 

 

Slippur.

Eftir að undirritaður kom heim (eða í heimsókn til íslands) frá Noregi, var hafist handa við að koma sjálfu bryggjublóminu í slipp til Stykkishólms, svo núna á síðasta sunnudag á milli lægða var skroppið suður eftir og á Mánudaginn var báturinn tekin upp og allar skoðanir framkvæmdar báturinn botnmálaður og sinkaður en ekki var lagt út í frekari málingavinnu því veður bauð nú ekki upp á það. 

 

Andri kominn upp í slippinn hjá þeim Skipavíkurmönnum.

 

 

 

 

 

 

 

 

 

 

 

 

Og hér er búið að botnmála og allt tilbúið til að setja niður.

 

 

 

 

 

 

 

 

 

Þess má geta að nú er tvo ár síðan Andri var síðast í Slipp í Skipavík og á þessum tveimur árum hefur báturinn farið í 57 róðra sem gerir rúmir tveir róðrar í mánuði þennan tíma svo ekki hefur notkunin verið mikill á honum. Í þessum 57 róðrum höfum við fiskað 157 tonn af rækju og 7,3 tonn af þorski. Eða 2,877 tonn í hverjum róðri. Má segja þetta sé rétt rúmlega tveggja mánuða notkun á tveimur árum.

En nú er Andri BA-101 klár fyrir næstu rækjuvertíð  ef svo skemmtilega vil til að Hafrannsóknarstofnun finni rækju þegar þeir koma að rannsaka hérna en áætlað er að þeir verði hérna 8.okt.

 

 

Á leiðinni til Bíldudals. Þessi var tekin við Skor í gærkveldi.