Haustið komið

Hér á 70,6 gráðu norðlægrar breiddar er yfirleitt talað um tvær árstíðir sumar og vetur þ.e.a.s ekkert haust eða vor. Í ár höfum við allaveg fengið þetta fína haust með mildu veðri ekta haust  eins og í bókum Jane Austin.

 

Hitastig hefur verið gott farið upp í 18 gráður í September og meðaltalið legið yfir 10 gráðum eiginlega sumarveður. Nóg hefur verið að berjum fyrir þá sem vilja standa í því að tína og auðvelt að selja bæði bláber og ekki minnst multebær eða moltebær sem hefur verið seljast á 150 kr kg. Multebær finnast held ég ekki á Íslandi ég hreinlega veit ekki íslenska heitið yfir þau google translate segir múlavínber dreg það í efa en hvað veit ég. 

 

 

 

 

Þrátt fyrir haust vitum við að vetur nálgast jafndægur voru hér þann 23 .september sem þýðir að nóttin er orðin lengri en dagurinn. Birtutíminn mun því styttist  um hænufet hvern einast dag þangað til vetrarsólstöður ganga í garð í ár eru það 21 desember. Hér í Båtsfjord kemur sólin ekki upp fyrir sjóndeildarhringinn þann 24. nóvember og verðum við sólarlaus til 19 janúar 2026 þegar hún loksins gægjist upp fyrir sjóndeildarhringinn. 

 

Sólin að koma upp fyrir sjóndeildarhringinn í síðasta róðri 

 

 

 

 

 

 

 

 

 

Í fyrsta sinn sem ég var hérna norðurfrá í janúar mánuði minnir það var í 2017 vorum við staddir út á sjó þegar sólin skreið upp fyrir sjóndeildarhringinn í fyrsta sinn þann veturinn var einhvern veginn mögnuð sýn og tilfinning mér fannst bara eins og sumarið væri komið þarna í einum vettvangi. 

 

Við byrjuðum róðra á Solrun B um miðjan september byrjuðum á ufsanetum en skiptum svo yfir á línu eftir hafa prufað í viku með litlum árangri. Hefur gengið betur hjá okkur á línunni verið svona nákropp af ýsu og siðan höfum við blandað með þorski en núna er ferskfisk bónusinn í gangi sem þýðar að við meigum vera með 30% af þorski í aflanum án þess að það fari af okkar kvóta reiknað á viku. Þetta er mjög gott verkfæri til að gera mönnum kleift að ná í aðrar sortir eins og ýsu og ufsa. 

Tildæmis við sem höfum lítinn þorskkvóta gætum ekki verið að gera út hérna án þess að ferskfisk bónusinn væri vegna þess einfaldlega að þorskvótinn myndi ekki duga til að fá upp aðrar sortir sem við meigum veiða.

Síðan meigum við núna hafa 2% kóngakrabba sem meðafla í hverri sjóferð það er algjör gulrót fyrir okkur þar sem krabbinn her á góðu verði þessa dagana núna er borgað 530 norskar krónur fyrir kg. Síðasti róður vorum við um 2 tonn af ýsu sem hafði aflaverðmæti upp á 37.000 norskar krónur við vorum svo með 47 kg af kóngakrabba aflaverðmætið á krabbanum var 24.910kr.

 

Ekta haustveður hjá okkur