Löndun lokið

Löndun er nú lokið og seldum við fyrir 271 þúsund norskar (5,3 miljónir ísllenskar ). Búnir að taka ís og eru nánast tilbúnir til að fara nema Denis vélstjóri er að skipta um í loftkerfinu svo ég hafi fullt yfirráð bæði yfir skrúfu og vél þegar við förum. Algjörlega brjálað veður hérna varla stætt á bryggjunni en einn bátur bíður fyrir utan til að komast inn til löndunar það er Svenöer hann verður að bíða þangað til við eru tilbúnir að fara því ekki er pláss fyrir fleiri en einn bát hérna.

Reikna með að fara til Rörvikur og bíða þar þangað til stormurinn gengur yfir og fara svo að leggja. Mjög daprar fréttir af miðunum heyrði að þeir hefðu verið að fá 70 fiska í 50 neta trossur í dag og á Haltenbankenn var einn bátur með 1100 fiska í 400 net og var meðalvigtin um 2 kg þannig að það er mjög lélegt sennilega er vertíðin að verða búin og við rétt byrjaðir en leiðindatíð er búið að gera þessa vertíð bara ömurlega. Skiptjórinn á Svenöer sagði mér að hann væri búinn að fá 4 góða daga síðan 2. feb annars verið bara bræla og aftur bræla.

Athugasemdir

[Snæbjörn Árnason (IP-tala skráð) 22.3.2011 kl. 09:39]

Sæll Jón,      Ef það er einhver huggun þá er þreifandi bylur að hofa út núna og leiðinda tíð.   Ég sé að það er greinilega meira verð fyrir fiskinn í Noregi en hér.  Það  endar  sjálfsagt með því að allir sjómenn frá Íslandi verða komnir til Noregs innan tíðar og eftir verða einungis þeir sem áfram vilja vera leiguliðar Sægreifanna.

Kv. Snæbjörn