Hér sjáum við Risholmen í Glomfjord

eða það sem eftir er af honum. Búið er að fjarlæga yfirbygginguna og nánast allt eigulegt þó er aðalvélin ennþá um borð og veit ég ekki hvenær hún verður fjarlægð en það er nýleg Caterpiller samkvæmt eigandanum (getur þess vegna verið ný fyrir mörgum árum). Þennan bát eignaðist Torleif fyrir tveim árum síðan flutti kvóta yfir á hann og svo aftur til baka yfir á sama skip og fékk þá úreldingarstyrk fyrir skipið. Áður en Torleif eignaðist skipið átti það Steinar Barthsen (fyrrverandi stórþingsmaður, íslendingavinur og hvalveiðimaður með meiru).  Eitthvað fór úrskeiðs hjá kallinum svo hann tapaði kvótanum og bátnum svo í kjölfarið eitthvað útaf því hann veiddi kvótann í nokkur ár. Hann er reyndar í málaferlum við norska ríkið útaf því máli en bátinn fær hann aldrei aftur spurning hvort honum verði dæmdar bætur.

En eins og má sjá á myndinni og sést ennþá betur nú að bryggjan er orðinn frekar lasin og lítur ekki traustvekjandi út og taldi síðuritari það best að fara ekkert út á bryggjuna held hún þoli ekki þungt hlass. Hvort þessi bryggja sé síðan virkjunin hinum megin í firðinum veit ég ekki en það er alveg hugsandi. En eins og norðmaðurinn segir það er enginn maður með mönnum nema eiga sinn egen kaja (sýna eiginn bryggju). Svo það er töluverð eign í þessari allavega fyrir stoltið.

 

 

En nú er það orðið ljóst ég er að fara leysa skipstjórann á Polar Atlantic af. En báturinn er að koma inn í áhafnarskipti og taka vatn og vistir. Verkefninu sem hann er í hefur verið framlengd til 18. ágúst  en því átti að ljúka fyrst 29 maí svo 22 júni og svo loks 25 júli svo við skulum vona að sá 18 sé loka dagsetning. Áætlað er að Polar Atlantic verði hér á mánudagsmorguninn. Já þá fer maður aftur á kunnuglegar slóðir Skarv olíusvæðið og á örugglega eftir að eiga þar ótrúlega notalegann tíma án sjónvarps, síma(verðum samt með iridum) og internets. (ekkert gervihnattasjónvarp í Atlantic) . En gamla gufan verður á sínum stað með öllu þeim frábæru þáttum sem boðið er upp þar.. Skipstjórinn sem ég er að fara leysa er íslenskur og heitir Franklín og hefur hann verið í hafi síðan 1 maí síðastliðinn kom í land fyrir rúmum mánuði síðan til að taka vatn og vistir og var stoppað í 6 tíma hann er víst orðinn léttpirraður og vill fara komast í frí skil það nú ekki eins og þetta er nú skemmtilegt að láta reka og hafa akkúrt ekkert fyrir stafni næstu 12 tíma nema bíða eftir því að komast aftur í koju.. Við verðum að gæta staðsetningu sem sem heitir  Skarv FPSO en þar á samnefnt skip að koma og hefja vinnslu tekur við olíu og gasi frá borpöllum. Og er búið að vera bíða eftir því í allt sumar.

En hér sjáum við Skarv FPSO og hvernig það lítur út við erum semsagt að vakta svæðið þar sem þetta skip verður staðsett

 

 

 

 

 

 

 

Og hér sjáum við tölvumynd af skipinu komið á sinn stað. Skrýtið Polar Atlantic er ekkert á mýndinni.

 

 

 

 

 

 

 

Skarv er 292 metrar á lengd 50,6 metra breiður og 29 metra djúpur og verður hann stærsti FPSO skip við Noreg.

Til að fræðast meira um Skarv svæðið getið þið farið inn á www.offshore-technology.com/projects/skarv . Eins ef þið viljið fræðast meira og hvernig gangurinn er með skipið þá getið þið farið hérna inn  www.bp.no . Svo hérna fyrir neðan er teiking hvernig FPSO skip virkar með borpöllunum. Læt þetta vera gott í bili.

Athugasemdir

[Guðmundur Kristinsson (IP-tala skráð) 29.7.2011 kl. 20:43]

  Sæll Jón Páll.

Gaman að fá fréttir af þér. Maður væri sjálfssagt orðinn pirraður eftir svona útiveru. En hvernig eru launin fyrir svona vinnu (að sitja á rassgatinu og góna út í loftið). Skilaðu kveðju til Haraldar frænda. KV Gummi K.

[Jón Páll Jakobsson, 29.7.2011 kl. 21:26]

Blessaður Guðmundur. Miðað við vinnuframlag eru launin mjög góð, ætli launin fyrir skipstjórann sé ekki milli 80 til 90 þúsund norskar á mánuði (1700 til 1900 þúsund í okkar örmynt). En þegar þú reiknar allt inní þá eru þetta kannski enginn súperlaun. En það er frítt fæði og húsnæði.

skila kveðju til Haraldar þegar ég rekst á hann.