Allt gengur eins og á að ganga.

Allt gengur vel hérna hjá okkur. Skandi Seven kom aftur til okkar í gær og var að vinna hérna í tæpann sólarhring svo fór hún aftur út á Vigdis svæðið og síðan fara þau í áhafnarskipti en það eru 89 manns um borð og sennilega er ekki skipt um alla 89 í einu ætli því sé ekki skipt niður í nokkur holl, ekkeert bólar á áhafnarskiptum hjá okkur enda vonandi ekki nema rúm vika eftir, en er reyndar að spá leiðindaveðri á mánudag og þriðjudag gæti seinkað verkefninu en við vonum nú samt ekki.

Við fengum heimsókn í fyrradag held ég en þá komu 3. menn frá borppallinum Songa Trym að kíkja á okkur í blíðunni.

 

 

 

 

 

 

 

 

 

 

 

 

 

 

 

 

 

 

 

 

 

Nú er svona kaldaskítur en fer vel á því á rekinu við rekum svona í kringum 1 nm á klukkustund og er látið svona reka í 3 til 4 klst og svo kippt til baka getur ekki verið einfaldara. Enginn fiskibátur hefur verið á veiðum innan 24 sjm hjá okkur svo mjög lítið að gera.

 

Sólin að koma upp í gærmorgun

 

 

 

 

 

 

 

 

 

 

 

 

Við höldum að hásetinn hafi sett met í gær en þá horfði hann á einhverja framhaldsmynd í tölvunni hjá sér samfellt í 16 tíma án þess að taka sér pásu eða gaf sér tíma til að borða morgunmat. Frá átta um kvöldið til tólf á hádegi líka kláraði hann fyrstu seriuna. Í nótt gafst hann upp kl 0700 var orðinn eitthvað skrýtinn ú hausnum og fékk að leggja sig.

Athugasemdir

[Siggi Óla (IP-tala skráð) 17.11.2011 kl. 09:00]

Gaman að heyra af þér á rekinu :)

Rólegt hér í augnablikinu en búið að vera ágætis nudd þegar gefur fyrir helvítis brælum.

[Hallgrímur Hrafn Gíslason, 18.11.2011 kl. 23:46]

Er hægt að gera út á að passa borpalla, kaupa úreltann dall og mæta? 

[Hallgrímur Hrafn Gíslason, 18.11.2011 kl. 23:48]

Mjög gaman að lesa þessi blogg hjá þér og kynnast öðru vísi sjómensku en hérna heima.  kv af torginu

[Jón Páll Jakobsson, 19.11.2011 kl. 10:08]

Sæll Hallgrímur. Við settum alla gömlu dallana í niðurrif en færeyingarnir komu þeim í offshore sem guard vessel. Þetta er nokkuð stór markaður og færeyingarnir eru stórir á þessum markaði en hvort sé auðvelt eða erfitt að komast inn í hann veit ég ekki um. En markaðurinn fyrir Guard stækkar sennilega þegar olíuleitin og vinnslan færist Norðar, fleiri fiskiskip.