Komnir aftur á stað.

Já nú erum við lagðir af stað, í offshore vinnu. Eftir nokkra daga í heimahöfn þar sem meðal annars var gengið frá veiðarfærum, þrifið og smá viðhald. Lögðum við í hann í seinnipartinn í dag og nú er stefnan sett á Heimdalsvæðið sem er Vestur frá Stavanger svona mitt á milli Hjaltlandseyja og Noregs, þetta er rúmlega 500 sjm sigling en til Íslands þar sem ég er staddur nú er 640 sjm svo ekki verður annað sagt en að norska ströndin sé löng. Við þurfum að fara inn til Alasund á leiðinni til að taka olíu. Samkvæmt siglingaleiðinni okkar verðum við þar eftir hádegi á miðvikudaginn 18.apríl. Veður er gott í augnablikinu og tók ég þá ákvörðun að sigla utanskerja.

 

 

Hér sjáum við ferjuna Örnes renna framúr okkur í dag þegar við vorum að leggja af stað En þessi ferja tengir saman Meloysveitafélagið þ.e.a.s eyjarnar við fastalandið.

 

 

 

 

 

 

 

 

 

 Fallegt veður þegar við lögðum í hann í dag.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 Svona dagar fá mann til að gleyma brælunum, veltingnum og leiðindunum sem fylgir yfrirleitt brælunum.

 

 

 

 

Athugasemdir

[Hallgrímur Hrafn Gíslason, 16.4.2012 kl. 23:04]

Er ekki stressandi sigla innan skerja,  eru ekki flestar leiðir mjög óhreinar og menn verða alltaf að vera á tánum?

[Jón Páll Jakobsson, 17.4.2012 kl. 08:31]

Nei ekki svo stressandi að stórum hluta t.d á leiðinni niður Helgelandkysten þ.e.a.s frá Bodö til Rörvik ertu með yfir 100 fm dýpi alveg magnað að vera kannski 30 metra frá landi á 150 fm dypi, svo koma staðir þar sem mjög þröngt er og grunnt. En að sjálfsögðu þarftu að vera á tánum stutt í land og mikil skipaumferð. Svo þegar þú ert með pólskann stýrimann sem ekki er kunnugur þá er mikið einfaldara fara stórskipaleið