Blíða núna í Örnes.

Já veður hefur leikið um okkur hérna í Örnes yfir helgina og hefur tíminn verið notaður til að skoða sig um. Svartisen var skoðaður í gær sem og Storglomvassdamen 128 metra há stífla sem var reist 1998, enduðum svo daginn að fara á tröppurnar í botni Glomfjarðar (Glomfjord). 

 

Hér eru tröppurnar upp fjallið 1127 eða 28 skref.

 

 

 

 

 

 

 

 

 

 

 

 

 Útsýnið þegar upp var komið séð út Glomfjord.

 

 

 

 

 

 

 

 

 

 

 

 

 

 Svartisen í fjarlægð séð en enginn vegur er að jöklinum heldur eru bátaferðir og við fórum ekki nískupúkar.

 

 

 

 

 

 

 

 

 

 Þarna sjáum við gömlu virkjunina í Glomfjord held að hún hafi verið tilbúin 1912 og rafmagn frá þessari virkjun framleiddu þjóðverjar ál í seinni heimstyrjöldinni. Árið 1942 tókst andspyrnuhreyfingunni norsku að sprengja gat á rör til túrbínana og eftir það urðu þrjár af fjórum óvirkar þessi aðgerð hét " Operasjon Muskedunder" 

 

 

 

 

 

 

 

 

 Storglomvassdammen 128 m há og fórum 3,5 miljón rúmmetrar af grjóti í stífluna.

 

 

 

 

 

 

 

 

Í dag var svo tekinn rúntur á mob bátnum af Polar Atlantic. Og farið í nágrenni Örnes.

 

 

 Þessi fallegi Nordlandbátur er alltaf við legufæri hérna hef ekki séð hann notaðann þann tíma sem ég hef verið hérna en hann var ekki við legufærin í vetur svo hann er allavega tekinn upp á veturnar en stórglæsilegur.

 

 

 

 

 

 

 

Og hér sjáum við Öyfisk og Stömoygutt þar sem þeir liggja við kaja.

 

 

 

 

 

 

 

 

 

 

Nóg vinna er framundan í Öyfisk en þetta er íslensk smíði smíðaður á "Skagaströnd" Allavega er það skráð í mælingarbréfinu. Skrokkurinn er franskur og vélin einnig svo þetta er teygjanlegt hvenær bátur er íslenskur eða franskur allavega telja norsarnir að hann sé íslensk smíði og við förum ekkert að breyta því.

 

 

 

 

 

 

Svo er það bara vinna morgun og stelpurnar eru að spá að fara stokka upp línu. 

Athugasemdir

[Bryndís (IP-tala skráð) 10.7.2012 kl. 13:08]

Gaman að fylgjast með ykkur þarna úti, hvernig gengur að aðlaga Sollu að Noregi?

[Jón Páll Jakobsson, 13.7.2012 kl. 17:48]

Gengur ekki neitt allt of mikið að trjám segir hún.