Lítið um að vera.

Ekki er nú mikið fiskerí hjá strákunum á Holmvaag þessa stundina, Lofoten vertíð er komin á endastöð þetta áríð. 1,5 til 2  tonn á dag í 65 net er nú afrakstur þessa dagana. En nú liggjum við í landi vegna veðurs það blæs nú hressilega frá SSW, við fórum reyndar út í nótt og lögðum svo við hefðum eitthvað að gera á morgun en það er góð spá fyrir morgundaginn.

Við eigum ennþá um 20 tonn eftir að kvóta svo það er alveg ljóst að ég verð ekki aflakóngur þessa vertíðina. Nú er bara fjölga netunum eins og norðmenn gera eftir að það fer að tregast, það er bara eitt vandamál hjá okkur að við eigum enginn net til að setja í sjóinn.

Eins og staðan er núna eru litlar líkur á því að ég verði kominn heim fyrir kosningar þannig að ég mun hafa lítill áhrif á það hverjir munu stjórna landinu næstu fjögur árin sem er kannski bara gott þá þarf maður ekki að leggjast í þunglyndi eftir kosningar.

Internet frekar rólegt þessa dagana áhöfnin búin með mánaðarniðurhal svo lítið hægt setja inn af myndum. 

Athugasemdir

[Hallgrímur Hrafn Gíslason, 16.4.2013 kl. 10:23]

Alltaf gaman að lesa bloggið þitt og fá smá innsýn í norska vertíð.  Verður farið að vakta eftir vertíðina á plastaranum?

[Jón Páll Jakobsson, 20.4.2013 kl. 14:20]

Annað hvort Polarhav eða Polar Atlantic fer í vakt, við förum sennilega á grálúðu á Öyfisk og síðan á þorskveiðar norður í Barentshaf.

[Hallgrímur Hrafn Gíslason, 21.4.2013 kl. 10:59]

Veiðist grálúðan í landgrunskantinum eða er hún víðar.  Það verður gamann að fylgjast með því. hvað hafið þið mikin kvóta á Öyfisk?