Löndun lokið og við á leiðinni á miðin aftur.

Já við erum loksins búnir að landa og komnir á stím aftur sólarhring eftir að við komum í höfn. Verkunin var gjörsamlega karalaus og því urðum við bara bíða í rétt tæpann sólarhring við bryggju. Sulebas sem var aðeins 20 mín á undan okkur fékk löndun.

 

En kl átta í morgun byrjuðum við að pumpa fisknum í land. 

 

 

 

Allt klárt hjá strákunum eins og sjá má á myndinni er Polarfangst dálítið brugðið með þessi 40 tonn.

 

 

 

 

 

 

 

 

 

 

 

Svo er ekkert annað nema ræsa vacumdælunum og byrja sjúga fiskinn úr tönkunum.

 

 

 

Við vorum með fisk í þremur tönkum miðjutankinn fullann ca 24 tonn, stb aftari tank fullann ca 13 tonn og svo b.b fremri með restina.

 

Hérna erum við byrjaðir að pumpa á fullu.

 

 

 

 

 

 

 

 

 

 

Fiskurinn byrjaður að streyma í körin

 

 

 

 

 

 

 

 

 

 

 

 

 

 

 

 

Áhöfnin bara nokkuð sátt.

 

 

 

 

 

 

 

 

 

 

 

 

 

 

 

 

 

 

Við kælum sjóinn í tönkunum niður í -1,9 gráðu áður en við byrjum að blóðga niður í tankana. svo ringrásum við sjónum eftir að fiskurinn er kominn í tankana þannig að hitastigið á sjónum fari ekki upp fyrir -1,4 gráðu.

 

 

 

 

 

 

 

Tufjordbruket sem er í eigu Fjordlaks er ein af stærri saltfiskverkunum í Noregi í ár hafa þeir tekið á móti 11 þúsund tonnum þorski sem allt fer í salt. Verkunin er í litlum firði sem heitir Tufjord og er á eyjunni Rolvsöy ekki er þetta stórt samfélag en á allri eyjunni búa 50 manns en í heildina með farandsverkafólkinu sem vinnur í verkuninni er um 100 manns á eyjunni og þeri hafa matvöruverslun og í matvöruverslunni er bæði pósthús og banki. Svo miðað við íslenskann standard er þetta samfélag ofþjónustað ( með alltof mikla þjónustu )

 

 

 

Hér sjáum við hluta af lagernum en þarna töldum við 350 bretti klár til útflutings og svo var heil ósköp af saltfisk í körum, en það er að koma skip til þeirra í kvöld að taka saltfisk.

 

 

Á sumrin kaupa þeir nótaufsa og hafa verið að kaupa um 10 þúsund tonn af honum á ári svo á ársgrundvelli er unninn ca 25 til 30 þúsund tonnum.

 

 

 

 

Í gær þegar við vorum að bíða má segja það hafi verið strandveiðistemming hjá trillunum en góð veiði var hjá þeim í gær alveg upp í fimm tonn á bát.

 

 

Þessar trillur biðu eftir löndun í blíðunni í gær.

 

 

 

 

 

Athugasemdir

[Hafliði Friðberg Reynisson (IP-tala skráð) 12.5.2014 kl. 12:02]

Sæll Jón Páll, gaman af þessu bloggi hjá þér, þú kannski manst ekki eftir mér en við vorum saman í vélskólanum þar sem þú varst að bíða eftir að verða nógu gamalli til að komast í stýrimaninn.

Ég var að vinna í noregi í tæp 2 ár í skipasmíðastöð í Tomrefjord (stx langstein) gaman af norðmönnunum.

gangi þér allt í haginn

kveðja

Hafliði