Mikið gengið frá síðustu skrifum.

Eftir mjög góða viku þar sem við fiskuðum 120 tonn í þremur ferðum vorum samtals á veiðum 52 tíma að ná í þessi 120 tonn. Besti árangurinn var 44 tonn á 11 tímum. Eftir þessa viku hefur bara verið rólegt hjá okkur búnir að fá 36 tonn í fjórum ferðum, reyndar höfum við lent í allskyns brasi og leiðindum eins og að spilin hjá okkur losnuðu brutu vírastýrisblökk og kraninn byrjaði að mígleka, undirbyrði illa rifið og svo framvegis. Svo við fórum til Havoysund til að fá gert við bátinn. Síðasta ferð gaf 13 tonn í 7 köstum. Skreien ( Barantshafsþorskurinn) er að yfirgefa slóðina og nú er bara nánast kysttorsk eftir þannig að ævintýrið er búið í bili. Svona hefur þetta verið í aldir eftir að skrein er búin að skila sýnu þ.e.a.s komið upp að ströndinni til að hrygna gengur hún til hafs í fæðisleit og byrjar svo að koma aftur í haust. Svo ef reyna á við þorsk í sumar verðum við að taka stefnuna til Hopen sem er frekar langt stím.

 

 

 

Hér liggjum við í Honningsvaag á milli stríða.  

 

 

 

 

 

 

 

 

 

 

 

 

 

 

 

 

 

 

Ég tók nokkrar bátamyndir í síðustu viku.

 

 

Hér sjáum við hann Trinto honum var breytt svona í Póllandi fyrir þremur árum, hann er að reyna við lifandi þorsk þ.e.a.s geymir fiskinn lifnadi í tönkum og landar honum svo í þorskahótel þar sem honum er slátrað eftir þörfum. Ef þú landar fiskinum lifandi eykst kvótinn hjá viðkomandi bát hann sem sagt tvöfaldast fyrir hvert landað kg af lifandi fiski færð þú auka kg.

 

 

 

 

 

 

 

 

 

 

 

Hér sjáum við lítinn gamlann brunnbát sem var breytt ganggert til að landa lifandi fiski. Þarna eru norðmenn eitthvað að vakna og mönnum er sko sannanlega verðlaunað fyrir þetta. Einnig vilja eru þeir á því að stórefla þorskagildruveiðar með þetta í huga þ.e.a.s koma með fiskinn lifandi í land.