Í slipp

Góður vinur minn sagði við mig að eiga net í sjó væri svipað og peningur i banka en ég veit að fara í slipp er öfugt. Þar renna peningarnir út úr bankanum þ.e.a.s ef þar hafa verið peningar fyrir annars lán frá bankanum.

Við Andramenn sigldum bátnum á síðasta mánudag til slipptöku hjá Skipavík í Stykkishólmi fengum við alveg renniblíðu á leiðinni á þriðjudaginn var gert klárt fyrir búnaðarskoðun, gúmmíbátar, slökkvitæki og skotgálgi skoðaðir svo á miðvikudaginn var báturinn tekinn upp í slipp. Og fór fram bolskoðun,öxulskoðun og þykktarmæling á Fimmtudeginum. Öxulskoðun kom ekki nógu vel út of mikil rýmd sem varð til þess að öxuldraga bátinn sem varð svo aftur til þess að við áhöfnin fórum gangandi heim þar sem ljóst var að báturinn yrði ekki tilbúinn fyrir helgi. Við notuðum reyndar hjálpatæki við gönguna styttum okkar aðeins leið þ.e.a.s löppuðum um borð í Baldur sem flutti okkur yfir Breiðafjörðinn svo fengum við far frá Brjánslæk til Bíldudals.

 

Þetta er í þriðja sinn sem við förum með Andrann til Stykkishólms í slipp frá því við keyptum hann 2009. Og við getum svo sannanlega mælt með Skipavík bara góð þjónusta og allt til staðar. Eins með Stykkishólm yfir höfuð.

 

 

 

 

 

Á undan okkur var Gunnar Bjarnason tekinn upp og svo var hann færður inn í hús þar sem hann verður málaður og gerður flottari.

 

 

 

 

 

 

 

Nýja verkefnið hjá Skipavík Spútnikbátar. En Skipavík hefur keypt mót og framleiðslurétt á Spútnikbátum af Skaganum. Inn í pakkanum var þessi skrokkur.

 

 

 

 

 

 

 

 

 Olíssjoppann í Stykkishólmi fær ekki háa einkunn hjá okkur.Við reyndum einu sinni að fara þangað til að kaupa okkur hamborgara sem og við gerðum völdum okkur þessa flottu hamborgara samkvæmt matseðli borgðum og fengum okkur sæti eftir ca 40 mín bið var okkur farið leiðast eftir matnum og ég fór að forvitnast þá var okkur tjáð að grillið væri bilað svo engir væru hamborgarnir en við gætum fengið pylsur. Ég spurði hvað er langt síðan grillið bilaði og hvers vegna voru við ekki látnir vita. Grillið hafði verið bilað í yfir klukkustund og það bara gleymdist að láta okkur vita en inn á staðnum á þessum tímapunkti voru 4 einstaklingar og tveir starfsmenn. Ég bað vinsamlegat um endurgreiðslu sem við fegnum nema  tvær maltflöskur sem við höfðum keypt svo ég kastaði því svona fram fáum við ekki maltið svona sem sárabætur vegna þess við vorum plataðir til kaupa hamborgara sem ekki var hægt að steikja og í þokkabót látnir bíða 40 mín (voru starfsmennirnir bara bíða eftir að við gæfumst upp og færum!) nei starfsmaðurinn hafði ekki leyfi til að gera það svo maltið urðum við að borga. Held ég reyni aldrei aftur að snæða þarna. 

 

Svo núna er á stefnuskránni að fara til baka á mánudaginn og vonandi getum við haldið heim á leið þriðjudag miðvikudag. Eftir það er svo keyra beint suður til Keflavíkur og fljúga til Noregs og koma nýja beitingarkerfinu i bátinn. En samsetning á kerfinu gengur vel uppstokkari að verða tilbúinn og búið að prufukeyra hann og gær var verið að klára beitingarvélina sjálfa afhending átti að fara fram í gær 30.okt en verður ekki fyrr en eftir helgi. Svo ef kerfið fer frá þeim á þriðjudag er það komið á áfangastað ca fimmtudag svo þetta kanskje smellpassar hjá mér.

 

Uppstokkarinn í prufukeyrslu í vikunni. Þessi fer svo í Jakob.

Svo það er í nógu að snúast. Þessa stundina.