Já árið bara búið

Já árið 2024 eiginlega búið aðeins nokkrir dagar eftir þegar þetta er skrifað 24 desember. Margt hefur gerist síðan gripið var í penna síðast. Það sem er mest eftirverðast er bræla þetta haustið má segja að haustið hafi blásið burt fyrir okkur trillufólkið.

 

Eftir rólegann september og október byrjaði hamagangurinn með hverri brælunni á fætur annari. Það sem var sérstakt var að það voru hlýindi allt haustið þ.e.a.s hitastig flesta daga yfir 0 gráður, það finnst okkur sem búum kringum 71 gráðu norður ekki ávísun á gott haust til sjávar.

 

Mín kenning eftir að hafa menntað mig í veðurfræði í Stýrimannaskólanum undir leiðsögn Páls Ægis Péturssonar. Í allt haust hefur verið milt veðurfar  yfir Norður Skandinavíu , þ.e.a.s Norður finnland, Svíþjóð Og Finnmarksvidda, nánast í allt haust hefur veðurfar þar verið mjög sérstakt hlýtt og milt , meira segja var sjálfur jólasveinninn að kvarta yfir þessu veðurfari og Rúdolf hafði lítinn snjó. Í þessu veðurfari höfum við því  ekki fengið hæð yfir Skandínavíu og Norður Rússlandi, þessi hæð sem hefur nánasgt myndast hvert haust  ýtir lægðaumferðinni sem rennur austur Atlandshafið lengra Norður út í Barentshafið  þannig að við austur undir Rússland fáum skaplegt veður. Annað sem gerist þegar við höfum ekki þessa hæð yfir Norður Skandinavíu  fáum við lægðir upp Eystrasaltið sem sagt fyrir austan okkur , þessar lægðir er sérstaklega leiðinlegar því kald loft fyrir norðan okkur við Hopen og Svalbarða eykur fóður fyrir þessar lægðir svo það verður hryssingslegt veður hjá okkur.

 Í Þessu hryssingslega hausti hafa orðið miklar eyðileggingar norður með norsku ströndinni heilu bryggjunum hefur skolað burt , bátar hafa skemmdist og sokkið og vegir rofnað.

Við í Båtsfjord höfum sloppið við þessar eyðileggingar vegna þess við höfum mjög góða höfn frá náttúrunarhendi og svo höfum við fjörðinn í tillegg. Tildæmis nú í byrjun desember fengum við góða gusu yfir okkur frá NV í þessu veðri sukku 3 bátar og skemmdust fleiri bátar í Vardø.

Í svona tíðarfari  er rólegt með sjósókn á minni bátum , við á Solrun B vorum á netum fram í nóvember þá skiptum við yfir á línu. Til gera langa söfu stutta er þetta  versta haust sem við höfum haft síðan ég byrjaði róa frá Båtsfjord 2016. Fáir róðar og bara lélegt fiskerí, og þetta með fiskerí þá komum við að haffræðinni  en sjávarhitastig hefur verið mjög hátt þetta árið tildæmis vorum við 11,5 gráðu sjávarhita í september og í nóvember var hann enn yfir 6 gráður.

Það er ekki allt neikvætt við svona milt veðurfar , skatan heppnaðist einstaklega vel í ár sterk og velkæst. 

 

Skata í kæsingu hjá okkur , og nú héldum við smá smakkveislu fyrir norðmenn ekki er hægt að segja að hún hafi slegið í gegn.

Danska fjölskyldan hennar Lovísu var heldur ekki yfirsig hrifið heldur þó með undantekingu tegndapabbi hennar fannst hún ágæt fékk sér 2 á diskinn 

 

 

 

 

 

 

 

 

 

 

 

 

 

 

2025 er skammt undan með þeim áskorunum sem því kemur til fylgja , niðurskurður í þorskkvóta , ýsu og grálúðu. Keila , langa og hvítlúða komin í kvóta. kvótinn er því ekki stór hjá okkur á næsta ári og beinar veiðar í löngu og keilu ekki leyfðar lengur. Það jákvæða er 55% auking á kóngakrabbakvótanum og þorskkvótinn hjá minni bátum varð ekki eins lítil eins og útlit var fyrir þar sem togaraflotinn og stærri skip eru skorin meira niður en strandveiðiflotinn , þrátt fyrir það er þorskkvótinn hjá okkur ekki stór fyrir næsta ár. ca 20 tonn á Solrun B og 11 tonn á Minibanken .

Miklar deilur eru nú í norskum sjávarútvegi mjög ólík sjónarmið eru upp hvernig eigi að skipta upp kökunni allskonar kunnugum töfraorðum er beitt s.s samþjöppun, aukin arðsemi og  þjóðhagslega óhagkvæmt virðast  þessar deilur verða hvassari og óvægari síðustu misseri, auðvita gerist það eftir að kakan minnkar vilja allir halda sinni sneið eða jafnvel fá  stærri sneið.

Við höldum jólin í ár í Dragør fyrir utan Kaupmannahöfn þar sem elsta dóttirin er búin að festa rætur og stofna fjölskyldu .

Þegar ég er staddur hérna í Kongens Køben fer ég í litlu fiskbúðina hérna í Dragør ath verðlagningu á fiski hvað annað. Þorskhnakki 100 gr eru verðlagður núna á kr 70 kr þ.e.a.s eitt kg af flottum þorskhnökkum kostar 700 kr  ( um 13.000 íslenskar krónur ). Sá flotti matur sjálfur Kóngakrabbinn þar kostar 100gr 180 kr eða 1800 kr ( ca 34000 íslenskar kónur) fyrir eitt kg af kóngakrabba. Meðal kóngakrabbi er ca 2,6 kg þannig 1 stk kóngakrabbi kostar um 4700 kr ( ca 88.000 þúsund íslenskar krónur). 

 

Má segja það sé orðin efnahagsleg forréttindi að hafa efni á að kaupa sér fisk eða krabba á þessum prís

 

Gleðilega jól og þökkum fyrir gamalt og gott 

Hér er bláitímiinn. Sólin er að reyna koma sér upp fyrir sjóndeildahringinn.

 

Þorsteinn Máni vinur minn segir að ég eigi heima norður undir Ginnungagap og ég verði að passa mig að sigla ekki fram af.