gerðist það sem gerist á hverju ári sólin settist þ.e.a.s fór niður fyrir sjóndeildarhringinn þann 31. júlí hér Båtsfjord. Stoppaði að vísu ekki lengi var komin upp öll uppfyrir 20 mín seinna. Má segja að þá lauk miðnætursólartímabilinu hérna í norðrinu enn sólin hefur ekki sest eða farið niður fyrir sjóndeildarhringinn síðan 12 maí. Það er bjart allann sólarhringinn ennþá þar sem sólin stoppar ekki það lengi undir eins og sagt er . Í kringum 10 ágúst förum við að finna fyrir birtumun í kringum lágnættið. Síðan gerist þetta mjög hratt þ.e.a.s nóttin lengist. 

Miðnæturlogn. Miðnætursól og miðnætur logn er létt selt í ferðamennina , bara síðan við fluttum hingað hefur verið stöðug aukning á ferðamönnum,  

Hér í norðrinu er sólargangurinn kannski mikilvægari eða meira í umræðinu enn  tildæmis við miðbaug útaf miðnætursól til skammdegis.

Sumarið var lengi í gang hjá okkur en kom nú í lok júlí með brakandi blíðu og sól , tildæmis var svo heit hjá okkur að við fengum ekki að fara og draga krabbagildrunar , kaupandinn var stressaður að halda krabbanum lifandi í þessum hita enn kóngakrabbinn er ekki hrifinn af of miklum hita.

Annars hefur þetta  verið frekar rólegt sumar hjá okkur í útgerðinni byrjuðum að fara með Solrun B í slipp þar sem var kominn leki með hliðarskrúfunni í leiðinni ákveðið að fjarlæga gamalt botnstykki sem var í kjölnum og að sjálfsögðu var botnmálað ,báturinn .rifinn og skipt um lógo.

Við feðgar að undirbúa plöstun á Solrun B búið að rífa botnstykkið úr.

Solrun B tilbúin til sjósetingar eftir slipp. En það er alveg frábært að í Båtsfjord er starfandi slippur sem getur tekið upp 100 tonna þunga báta. Hér einnig bátarafeindarvirki starfandi sem hefur það mesta á lager og getur nánast reddað öllu. 

Síðan prufuðum ufsanet á Solrun B  með frekar slöppum árangri svo við stoppuðum og tókum sumarfrí enda búnir að vera að síðan 10 maí en hann Pitor sem er með okkur kemur og er ca 2 1/2 mánuð til 3 mánuði í senn og síðan fær hann frí í 6 vikur þetta er kerfi sem honum líkar vel við. Það eru yfirleitt tvö stopp hjá okkur á vorin og seinsumarið en planið er starta aftur 11. september og róa til ca 10 des eitthvað þannig.

löndun á netunum 

Þegar við lögðum Solrun B renndum við hjónin Minibanken úr vör og tókum restina af krabbakvótanum, vorum við að klára það í gær 4 ágúst. Áttum við eftir um 540 kg af kvótanum en það hefði borgað sig að veiða hann allann í janúar og feb því verðið hefur lækkað þónokkuð eða frá því að fá ca 615 kr norskar krónur fyrir kg niður í 440 kr eða um 29% , svona getur verðið á krabbanum sveiflast til og frá yfirleitt hefur launað sig að veiða krabbann síðsumars enn í ár er það alveg öfugt. Krabbinn er að mörguleiti eins og að spila í lottó því verðið getur sveiflast mikið á skömmum tíma.

Sumarstoppiå hefur læika veriå notað til fella og skera af netum , en við höfum ákveðið að fara yfir í íslensku fellinguna frá Neptunus og gera þetta sjálf , norðmenn kalla þessi net selvmontering garn eða sjálf fellandi net það eru þau ekki en mjög auðveld er fella þau netateinninn. 

kvótinn á Minibanken kominn á seðill eins og sagt er hér í Noregshreppi. Eftir hafa skroppið til litlu eyjunnar Porto Santo fyrir páska og hlaðið rafhlöður og ná upp d vítamín skammti eftir svartann vetur.

( tökum að sjálfsögðu lýsi á hverjum degi).

Svona var þetta á Porto Santo engin snjór. Porto  Santo nágranna eyja Madeira er lítil flott eyja sem verð er að heimsækja með sína 8 km löngu strönd og afslappandi andrúmsloft. 

Settum við vormlínuna í hafið laugardaginn  12 apríl og drógum fyrsta sinn mánudaginn 14 apríl , og þá var ágætiskropp 2,3 tonn á 8 bala. 

Síðan urðum við að taka páskafrí enda lamast allt hér í Båtsfjord í páskavikunni allt stoppar upp og íbúanir þeysast flestir upp á fjall í litlu sumarbústaðina sína aðallega að moka snjó til koma sér inn og út. Við höfum ekki heillast að þessum lífstíl enda sýnist okkur vera bara meira en nógur snjór hérna í byggðinni sem ég hef mokað fram og tilbaka síðan í janúar og í dag 27.04 snjóar enn svo snjórinn er ekkert að hopa. Við sem sagt drógum næst annan páskadag og í dag vorum við búin með þennan litla kvóta sem við höfum á Minibanken. fiskeríð búið vera gott ca 400 kg á dreginn bala en við erum með 240 króka í balanum. kvótinn sem sagt kláraður í 4 róðrum  . Þrír í vikunni sem er að líða og einn fyrir páska. 

Hér Minibanken fullur af fiski tæp 4 tonn , en þá er litli Minibanken síginn. Úgerðarmaðurinn lagar til en hallinn kom til að því að vestanvindurinn og sjórinn skapaði þennan bakborðshalla lausi fiskurinn rann of mikið yfir í bakborða.

Nylonlína 3 mm þykk beitt með rækju lögð með hringjum og steinum. Steinn til halda línunni á sínum stað og hringurinn til fleyta henni frá botni við fleytum henni á vorin 4-5 fm frá botninum. Lögnin er niður landbakkann byrjað á 70-80 fm og endað ca 160 fm. Þetta er mjög þægilegur veiðiskapur fyrir miðaldrafólk eins og okkur.

Minibanken er í opna kerfinu Sólrún  er eigandinn og er báturinn 10,06 m og fékk úthlutað í ár 8 tonn af þorski og síðan er svokallaður kystfiskkvóti sem tilheyrir eingöngu sveitafélögum sem hafa samsíkar rætur en samar eru  minnihluta þjóðflokkur sem býr í Noregi, Finnlandi , Svíþjóð og Rússlandi. Samar í Noregi skiptast svo upp í sjósama og Innsama ( landbúnaðarsamar) og það er sem sagt sjósamar sem fá kvóta sem deilis svo niður á alla báta í opna kerfinu í sveitafélögum sem hafa þessar rætur og fær Sólrún úthlutað 3 tonnum í ár. Svo samtals höfum við 11 tonn af þorski í ár. 

6,6% af heildarþorskkvóta norðmanna er í opna kerfinu en opna kerfið er opið fyrir alla sem vilja prufa sig. Skilyrðin eru þú verður eiga meirihlutann í útgerðinni og er fylgst mjög vel með því síðan verður sjómennskan vera þín aðal innkoma.

Gott í lestinni á bankanum. Tek fram myndin er tekin áður en toppís var stráð yfir fiskinn. Minibanken er Viksund 33 fet þverhekkaður smíður 1973 úr trefjaplasti með vélina undir stýrishúsgólfinu 

Minibanken er sem sagt nánast eingöngu notaður til veiða þorskinn og kóngakrabbann sem við fáum  við höfum ekki veitt aðrar sortir á honum eins og ufsa og ýsu en þær tegundir hafa mikið rýmri kvóta nánst frítt fiskerí . Minibanken fer því ekki svo marga róðra á ári og held ég að í ár verði slegið met 4 róðrar að ná þorskinum og verður ca 6 róðrar að ná kóngakrabbanum en við eigum eftir 530 kg af krabba.

Má segja að útgerðin á Minibanken sé mjög arðbær í fyrra var olíukostnaðurinn 1,3 % af aflaverðmæti í ár stefnir í að hann fari undir 1% . Mininbanken er þar með einnig grænn þ.e.a.s púar út litlu af kolsýringi miðað við veidd kg og aflaverðmæti.

Talandi um snjó þá er þetta svona hjá okkur í dag nóg af snjó til moka fram og tilbaka. Sólin reyndar komin hátt á loft svo ef við sjáum hana er hún fljót að bræða þetta. 

Já það er svo sannanlega komið nýtt ár og ekki nóg með það strax kominn febrúar. Febrúar er mánuðurinn hans pabba og þann 9 feb hefði kallinn orðinn 75 ára. Merkilegt hvað tíminn flýgur áfram oft finnst mér það bara vera nánast í gær þegar pabbi ákvað taka sitt eigið líf eftir mjög erfiðann kafla í sínu lífi. Þegar ég var alast upp voru sjálfsvíg hálfgert tabú sem fólk talaði eiginlega ekkert um og fólk jafnvel skammaðist sín fyrir að einhver nákominn ákvað taka sitt eigið líf. Sem betur fer hafa tímarnir breyst og mannfólkið með , og fólk er farið tala um sjálfsvíg og farið reyna greina hvað  felst í sjálfsvígi einstaklings allra mikilvægast fólk er hætt að skammast sín fyrir sjálfsvíg.

Sjálfsvíg eru lýðheilsuvandamál, á heimsvísu er sjálfsvíg meðal 20 algengustu dánarorsaka í heiminum í dag. Því er það mikilvægt að opna þetta pandórubox sem sjálfsvíg eru og tala um sjálfsvíg og reyna fá fólk sem hefur sjálfsvígshugsanir leita sér hjálpar. Smán er yfirleitt fylgihvilli sjálfsvígs. Smánin verður of oft til þess að einstaklingurinn leitar sér ekki hjálpar. 

Þegar einstaklingur fremur sjálfsvíg hefur það auðvita mikil áhrif á hans nánasta fólk eins og börn, maka,  nánustu fjölskyldu og vini. Félagsleg, tilfinningaleg og sektarkennd kemur til hafa djúpstæð áhrif á þá nánustu.

Það eru rúm 15 ár síðan pabba tók sitt eigið líf , ég persónulega hef kannski ekki verið nógu duglegur að tala um sjálfsvíg almennt og deila minni sýn eða hlið. Pabbi glímdi við tvo kvilla sem orsaka oftast sjálfsvíg þ.e.a.s þunglyndi og áfengisneyslu alkólisma. Aldrei varð ég var við pabbi skammaðist sín, smánin er nefnilega oft lúmsk er ekki sýnileg. þegar ég hugsa til baka  voru kannski ákveðin teikn á lofti að pabbi hafði haft sjálfsvígshugsanir en ég sá þær ekki. Svo virðist sem sjálfsvígið hans pabba hafi verið mjög vel skipulagt af honum ekkert óðagot þar. Sennilega löngu búinn að ákveða sig og sætta sig við þá ákvörðun.

Alþjóðlegi forvarnardagurinn sjálfsvíga er 10. September 

Ég og pabbi um borð Sigurbjörg Þorsteins BA-165 árið 1997 

Hvað varðar sjósókn hér á norðurhjara höfum við verið að veiða krabba , lögðum gildurunar 3 janúar og erum búnir veiða tvo og hálfan krabbakvóta svo það er hálfur kvóti eftir, hafa veiðarnar gengið þokkalega og verð gott. Svo eitthvað hefur skilað sér í budduna. 

Við eigum sem sagt eftir hálfann kvóta á Minibanken. Solrun B er klár til halda til veiða með línu en verið stanslaust bræla frá mánaðarmótum lægðinar hafa komið á færibandi frá Íslandi en þar sem það er hæð yfir vestur Noregi þá hefur vonda veðrið pressast upp eftir til okkar hér á norðurhjara með tilheyrnadi umhleypingum eiginlega svona Reykjavíkurveður rok og rigining, frost, rigning, snjór og aftur rigning og rok.

Var í kallakaffinu í morgun já það er kallakaffi hér á Norðurhjara merkilegt með þessi kallakaffi þau þrífast allstaðar, Og þar var að sjálfsögðu verið að tala um veðurfar og þetta óvenjulega veðurfar sen hefur verið nú vetur. Var talað um að mætti halda við værum komnir til Bergen með öllum þessum umhleypingum.

 Við hónin að koma í land eftir hafa verið úti að draga krabbagildrur aflinn var frekar rólegur eða 250 kg í 16 búr en ágætispeningur 150.000 norskar (næstum  tvær millur íslenskar). 3 og hálfur tími höfn úr höfn notuðum 30 kg af síld í beitu og 54 ltr af olíu.

Svanur Þór og Piotr að taka balana en þeir skutust út með 30 bala rétt fyrir að stóri lægðagangurinn byrjaði frá Íslandi.

Sólin er kominn tilbaka þessi mynd er tekin þegar hún átti nokkra daga í að komast yfir fjöllin

Já með sanni segja að tíminn fljúgi áfram sérstaklega þegar maður er kominn yfir fimmtugt. Strax kominn okt og þá eru bara 85 dagar til jóla. Svo áður en maður snýr sér við er komið nýtt ár með nýjum möguleikum. 

September er yfirleitt kallaður Svart September hérna í konungsríkinu þ.e.a.s í fiskveiðahlutanum af ríkinu  en þá er yfirleitt lélegast fiskerií nánast öll veiðarfæri, sennilega skapast það af hitastigi sjávar og fiskurinn er upp í sjó eins og við köllum það nojarinn kallar það fesken eða fisken (eftir hvar þú kemur) går pelagisk. Hitastig sjávar hefur verið stighækkandi hérna síðan ég byrjaði að koma hingað norður yfirborðshiti har um 6-7 gráður fyrstu sumrin hérna í 2014 og 2015 í sumar fór hann í 14,3 gráður. Tek það fram að eru mínar mælingar með hita frá mínum dýptarmælir. Svo það er klárt að það eru breytingar gerast hér í hafinu hvort það er að mannavöldum eða nátúrunnarvöldum ætla ég að láta aðra um að dæma. Þetta hefur svo sannanlega áhrif á allt lífríkið hérna miklar breytingar á stuttum tíma. 

ÍSeptember er einnig  haustjafndægur því í september gerist það að dagurinn verður styttri en nóttin. Svo nú förum við inn í að sólargangur hér í norðrinu verður alltaf styttri og styttri yfir haffletinum eða sjóndeildarhringnum og að lokum kemur hún bara ekkert upp fyrir hringinn þá byrjar  svartatíðin eða mørketid, Það gerist í nóvember nú er Båtsfjord kannski eins og Bíldudalur fjöll sem umkringja staðinn kannski ekki eins tignarleg og Bylta og Bíldudalsfjall. Það er þess valdandi að við erum hætt að sjá sólina aðeins fyrr en svokölluð svartatíð byrjar en frá ca 21. nóvember til 20 janúar höfum við ekki sól.  20 janúar 2025 kemur hún upp hjá okkur aftur kl 1140 að staðartíma og lætur sig hverfa aftur kl 1245.

Svartatíðin kallast einnig bláitíminn sem sagt þeir klukkutímar þar sem er birta eða birtuslæðingur í kringum hádegið.

Svarti September hefur því áhrif á útgerðina hjá okkur eiginlega er ég búinn að læra að í september er best að taka frí en samt samt.

Við stoppuðum á Solrun B 14 ágúst var bara svo lítið að hafa og óhemju að krabba í trossunar voru bara gjörsamlega fullar  algjör martröð þegar eingöngu er leyfilegt hafa 2% krabba í róðri  svo við stoppuðum og að sjálfsögðu tókum við krabbann á Minibanken 2 og restina á Minibanken 1, mokveiði var og þurftum við ekki margar gildrur til fá upp kvótana.

Eftir þetta skelltum við okkur til Króatíu í viku þar sem bara var slappað af og buslað í sjónum, var alveg frábært fyrsta skipti sem ég kem til Króatíu en mæli með því.

Eftir að heim var komið fórum við að undirbúa að byrja aftur á Solrun B fá netin í hafið. áður en farið var á stað var ákveðið að stilla ventla og athuga spíssa í Yanmar í slippnum h Barents Skipsservice , átti þetta að taka ca 1 dag og það stóðast allt vinnulega séð en þegar verið var að setja saman aftur var ákveðið að skipta um o-hringi sem tengja saman sleflögnina frá spíssunum 28 stk og vitið þið þetta var ekki til í Konungsríkinu mátti pantast frá Hollandi átti að taka 4 daga en tók 14 daga með einhverjum misskilningi og bulli klúðraðist þetta svona hjá þeim. Við misstum svo sem ekki af miklu því fiskeríð mjög lélegt hjá þeim sem voru að prufa.

Minibanken er kominn í dvala fram í apríl held ég mögulega tökum við einhvern krabba í janúar ef verðið verður gott og við blönk en Svein vinur okkar frá Sund í Lofoten sagði alltaf þeir sem fiska krabba í janúar er þeir sem eru blankir eftir jólin örugglega eitthvað til í því hjá kallinum.

Miklar sviptingar eru framundan í norskum sjávarútvegi , lykilorðið  er kvótaniðurskurður í þeim tegundum sem eru kvótasettar og kvótasetning í öðrum tegundum með miklum kvótaskerðingum. Þannig að nú verður þetta mjög erfitt með lítið kvótagrunnlag. Næsta ár og næstu ár verða því mjög krefjandi fyrir okkar litlu útgerð og fleiri útgerðir. Fólk talar hér um krísuna sem varð í kringum 1990 en þá var síðasta stóra krísa hér sem leiddi til gjaldþrota hjá mjög mörgum útgerðum það sem er kannski ennþá meir krefjandi nú,  er að árið 1990 var bara þorskurinn sem var kvótasettur en aðrar tegundir voru frjálsar svo flotinn gat einbeint sér að öðrum tegundum núna er það öðruvísi nánast allar tegundir eru kvótabundnar svo það má segja að við séum með bakbundnar hendur núna. Hinn hliðin á kvótapeningnum er að skuldseting er hlutfallslega miklu meiri núna en hún var árið 1990 aðallega vegna söluverðmæti kvótans sem hefur skipt um hendur hefur hækkað mjög mikið sem svo hefur leitt til aukinnar skuldsetningar, þriðja hliðin er endurnýjun flotans en mikið að nýjum flottum bátum hafa verið byggðir síðustu árin með tilheyrandi skuldsetningu.

Allt stefnir í að þorskkvótinn fyrir næsta ár verði sá lægsti síðan 1991 eða um 311.587 tonn sem svo mun deilast á Noreg . Rússland og aðrar þjóðir sem hafa rétt til veiða Barentshafinu. Svo sennilega mun ég með einn 9m grunnkvóta á Solrun B fá að fiska milli 12 til 17 tonn af þorski á næsta ári. Minibanken sem er í opna kerfinu mun sennilega fá kvóta á milli 5 til 7 tonn. Stórnvöld hafa gefið það út við verðum að hlusta á fiskifræðingana fylgja þeirra ráðum til byggja um sjálfbærann þorskstofn. 

Þegar ég kom fyrst til Noregs að vinna hautið  2008 var þorskstofninn um 430.000 tonn eftir það byrjaði hann telja upp og fór mest í milljón tonn árið 2013 allt eftir ráðleggingum fiskifræðinnar aldrei hefur verið veidd meira úr stofninum en ráðleggingar fiskifræðinnar samt  nú 11 árum eftir toppárið er stofninn kominn undir sjálfbærni veit ekki setur það ekki spurningarmerki við fiskifræðina sem er stunduð bæði hér og víða. 

Í ár hefur líka gerst að ýsukvótinn hefur allur fiskast það hefur ekki gerst síðan 2008 sem sagt verið frjálsar ýsuveiðar þangað til nú hjá kystflåten strandveiðiflotanum ( bátar frá 7m til 29 m ) en 3 . september voru beinar ýsuveiðar stoppaðar í fiskiflotanum sem er yfir 11m þ.e.a.s bátar sem hafa kvóta yfir 11m. Það er mjög flókið að útskýra þetta í stuttu máli. Norðmenn hafa ekki kvótaleigu eða slíkt allir hafa sinn kvóta og í tilfelli þar sem heildarýsukvóti hefur ekki náðst er notast við svokallaða yfirreiknun eða yfirdeilingu. Kvótinn eykst þá á pr bát langt umfram úthlutun bátsins aflamarkinu í tegundinni , þetta gerir mönnum kleift til nýta kvótann til topps. Mjög sniðugt til kvótinn náist þá hafa þeir sem leggja sig eftir ýsu tildæmis möguleika á að veiða hana án þess að þurfa leigja aflaheimildir frá einhverjum sem ekki veiðir ýsu. Ókosturinn er svo auðvita það getur komið upp sú staða að kvótinn fiskast upp eins og í ár þá er þeir sem hafa fiskað yfir sinn úthlutaða kvóta búnir og geta því ekki haldið veiðum áfram beinni sókn í þá tegund áfram geta þeir haft tegundina sem meðafla. Eins og staðan er í dag er leyft hafa 30% meðafla í ýsu þ.e.a.s þeir bátar sem eru búnir með sinn úthlutaða ýsukvóta.

Þessi snúna stað hefur einnig mikill áhrif á vinnslunnar og fiskimóttökunar í landi þær fá ekki nógann fisk sem hefur leitt til að margar hafa bara hreinlega lokað og fólkið komið á atvinnuleysisbætur

Þegar ég upplifa aftur svona ástand 30 árum eftir að ég upplifði síðast svona sjávarútvegskrísu vestur á fjörðum. Vonar maður að norsk stjórnvöld verðleggji öll þessi litlu þorp og fólk sem hefur tekið þátt að byggja upp norskann sjávarútveg á annan hátt en var gert á eyjunni á sínum tíma. 

Það þýðir svo sem ekkert að mála allt svart , ferð ekki langt á svartsýninni sagði afi oft, Staðan er samt krefjandi og því þurfum við hugsa rétt og taka réttar ákvarðanir. 

Bíta í skjaldarendur og áfram gakk

Í síðasta bloggi voru páskarnir handan við hornið svo þegar þetta er skrifað er þeir löngu búnir og meiri segja erum við búin að fagna hvítasunnunni og þjóðhátíðardeginum hér í konungsríkinu.

Við reyndum að róa Minibanken um páskana en það var erfitt að fá löndun í Båtsfjord því um páska hér hverfur allt fólk héðan upp á fjöll bærinn er nánast tómur má segja aðeins er eftir fólkið sem afgreiðir í búðunum. Við náðum þó að draga 2 sinnum fyrir og eftir páska. Eftir að línan er dreginn um borð í bala þarf að beita hana aftur en á Minibanken notum við 3mm nylonlínu sem norðmenn kalla Vormline eða Polarline 

Svanur kom svo í frí af Meløyfjord og þá tókum við netin um borð í Minibanken 2 og tókum tvo róðra með netin. Síðan var haldið suður á bóginn til Reipå þar sem við byrjuðum að tæma húsið okkar fyrir væntanlega sölu tókum reyndar í millitíðinni  eina helgi í Kaupmannahöfn hjá Lovísu dóttir okkar 

Olían tekin á Minibanken um páskana 

Í lok apríl var svo keyrt á stað norður á bóginn aftur þetta er nú ekki nema 1200 km skreppur kvótinn kláraður á Minibanken og við strákarnir héldum af stað með Solrun B , ekkert varð úr skrapfiskeríinu sem fyrirhugað var því stjórnvöld ákváðu að loka fyrir beinar veiðar í keilu og löngu, var sett 20% meðaflaregla á keilu þ.e.a.s afli í keilu má ekki yfirstíga 20% af heildarafla innan vikunnar. 

Á landleið á Minibanken með góðann afla en april og Mai eru bestu mánuðirnir hérna til róa með vormline þá er þorskurinn svangur eftir hafa fyllt sig upp með loðnu í mars og notað mikla orku til hrygna þá tekur hann línuna grimmt 

Beðið eftir löndun á Minibanken þarna fegnum við góðann afla 2,5 tonn á 6 bala , Sólrún bara nokkuð sátt með daginn 

Því fórum við að leita að ýsu en ágæt ýsukropp var hér á heimamiðum en því fylgdi þorskur og með aðeins 7,5 tonn eftir af þorskkvótnum varð þetta stutt úthald. Má segja að við höfðum byrjað 10 dögum of snemma því eftir sem leið á mánuðinn jókst ýsuveiðin jafnt og þétt en því miður fyrir okkur búniir með þorskkvótann og meðafli í þorski byrjar ekki fyrr en 1. júlí.

Nú bíðum við eftir að grálúðan byrji en það opnar á kl 0001 þann 3 júni næstkomandi. Síðustu ár höfum við tekið grálúðuna á heimamiðum niður í bananaholu sem er mið ca 70 mílur NNV af Båtsfjord. Í ár verður það Tromsøflaket. Tromsøflaket eru mið sem ganga út úr landsgrunnkantinum þegar hann sveigir norður eftir frá Noregsströnd með stefnu á Bjarnarey, Í öllum þessum kanti frá suður Noregi og norður úr á 300 til 400 fm er grálúða að sjálfsögðu í mismiklu mæli. Við meigum veiða 15 tonn af grálúðu í ár og á Tromsøflaket er oft þröngt á þingi og sennilega verðum við vera mætt sólarhring áður en opnað er fyrir veiðina. Þar sem við ætlum að vera er ca 80 mílur til lands svo þetta er langt út í hafi.

Á meðan við höfum verið að bíða eftir grálúðunni höfum við sinnt reglubundu viðhaldi um borð í Solrun B skipt um reimar og kross i tengi fyrir glussadælu en verður taka frá glussadæluna til að skipta um reimar, skipt um legur i rúllum í spilinu og látið renna skífuna, einnig sett upp nýja línu sem við fengum hjá AS Fiskevegn og svo framvegis eða frávegis  

Myndir fyrir vélstjórana en þennan spider eða kross vorum við skipta um og reimar í leiðinni 

Í ár fáum við veiða kóngakrabba á báða bátana okkar leyfið var í höfn 29. apríl eftir langt og strangt umsóknarferli þar sem við urðum að sanna búsetu í Austur Finnmörku en aðeins geta skráðir fiskimenn sem eru búsettir í Finnmark ( Finnmark er nyrsta fylki Noregs ) fengið veiðileyfi á kóngakrabba. Kóngakrabbinn hjálpar til því  vel er borgað fyrir krabbann og lítil kostnaður er við ná í hann. Mikill skerðing var í kvótanum milli ára en í ár meigum við veiða 2 x 740 kg af kóngakrabba einn kvóti á Minibanken og einn kvóti á Solrun B , síðan er Svanur með kvóta á Minibanken 2 . Þetta er svipað og einn strandveiðiskammtur. Mjög gott verð er á kóngakrabba núna eða 720 norskar krónur fyrir kg. 720 kr á bryggjunni í Båtsfjord svo á eftir að flytja hann með flugi til Evrópu, Bandaríkjana eða Asíu svo það má reikna  með að krabbinn sé nokkuð dýr þegar hann er framreiddur á veitingastað í New York eða Tokyo.

Búið að setja krana á Solrun B til hífa inn krabbagildrunar 

Þegar grálúðuvertíðin er búin er planið að taka krabbann á báða bátana , síðan er planið að taka beitingarvélakerfið úr Solrun B og útbúa bátinn á net og reyna að veiða ufsa í sumar og í haust.

Minibanken og Minibanken 2.

Minibanken er Viksund bátur smíðaður 1973 mælist 33 fet eða 10,05 metrar hefur 230 ha perkins vél 

Minibanken 2 er Cleopatra upprunalega 38 fet en mælist nú 36 fet eða 10,97 m langur hefur 550 ha cummins vél 

Síðan er það Solrun B sem er Viking 1200 40 fet eða 11,94 m með Yanmar 650 ha vél.

Þetta eru bátarnir í fjölskyldunni 

Solrun B tekin í Løfte Við notuðum einnig tækifærið til að taka Solrun upp og botnmála og skipta um zink og venjubundið vorpúss