Ætla að setja inn greinar sem ég hef skrifað í gengum árin byrja á þessari.

Feigðarleið eða rétta leiðin.  

Útaf hverju halda all flestir útvegsmenn, sjálfstæðismenn og flestir ef ekki allir framsóknarmenn að ef einhverju verði breytt í sambandi við kvótakerfið, þá verði fjöldauppsagnir og flest sjávarútvegsfyrirtæki fara á hausinn. Með þessu er þetta ágæta fólk að segja það að með því að stokka upp úr sér gengið kvótakerfi þá munu bara öll frystihús og öll útgerð stoppa í landi og fara á hausinn í framhaldinu. Kvótakerfið sem slíkt skapar ekki verðmætið það er fiskurinn þegar hann hefur verið veiddur og unninn. Við hljótum að halda áfram að veiða fisk þó að kvótakerfið verði uppstokkað. Fólkið á Suðureyri mun halda vinnunni alveg eins og annað fólk í öðrum  sjávarbyggðunum. Annað er bara fjarstæða.

            Stóra vandamálið er að þessi auðlind er takmörkuð og það mun ekki verða sátt um hana nema stokka kerfið upp eins og segir í lögunum um stjórn fiskveiða:

kafli. Almenn ákvæði.
1. gr. Nytjastofnar á Íslandsmiðum eru sameign íslensku þjóðarinnar. Markmið laga þessara er að stuðla að verndun og hagkvæmri nýtingu þeirra og tryggja með því trausta atvinnu og byggð í landinu. Úthlutun veiðiheimilda samkvæmt lögum þessum myndar ekki eignarrétt eða óafturkallanlegt forræði einstakra aðila yfir veiðiheimildum.

Þessi grein segir nú allt sem segja þarf ekkert af þessu sem þarna stendur hefur staðist. Hvar er hinn trausta atvinna ég veit ekki betur en á einni nóttu getur heilt sjávarþorp orðið atvinnulaust útaf þessu kerfi og eignir fólksins orðið verðlausar, alls staðar hefur orðið mikill byggðaröskun vegna þessara laga og svo síðast en ekki síst hefur verndun engu skilað nema minnkandi fiskistofnum!

            Sá áróður sem L.Í.Ú er að predika er sá að ef innköllun aflaheimilda á sér stað fari öll sjávarútvegsfyrirtæki á hausinn og forstjóri Vinnslustöðvarinar í Vestmannaeyjum hefur gengið svo langt að segja að það taki 6,5 ár fyrir hans fyrirtæki og sex önnur að fara á hausinn ef farið verði í þessa fyringarleið. Það er verið að tala um að innkalla veiðiheimildinar á 20 árum 5% á ári ef Vinnslustöðin og önnur sjávarútvegsfélög þola ekki 5 % fyrningu þá hljóta þau að vera mjög illa stödd og frekar illa rekin.

            Við vitum að þessi fyrirtæki hafa verið að kaupa upp kvóta(veiðiheimildir) fyrir ofurverð og er það aðalástæðan fyrir því að svona er komið fyrir stórum hluta sjávarútvegsfyrirtækja að þau séu yfirskuldsett. Tökum hvernig þessir aðilar höguðu sér þeir grenjuðu yfir of sterkri krónu því þá fengu þeir ekki nógu margar krónur fyrir afurðinar en á sama tíma tóku þeir ódýr erlend lán til að kaupa upp aflaheimildir á uppsprengdu verði og veðjuðu þá á að krónan myndi frekar styrkjast heldur en veikjast!.

            Annar stór misskilningur er í gangi að með þessari fyrningu hverfi 5% af fisknum á ári og hann verði ekki veiddur meir þannig að eftir 20 ár verði enginn fiskur veiddur á Íslandsmiðum. Þetta er svo mikið bull hvernig þetta sett upp. Er það ekki fiskurinn sem skapar gjaldeyristekjurnar ekki kvótinn. Aflaverðmætið fæst með sölu á fiskinum ekki með kvótanum og sjálfsögðu verður veiddur fiskur áfram eina sem breyttist að útgerðin þarf að borga hóflegt gjald fyrir. Ef útgerðin ræður ekki við að borga hóflega leigu fyrir aflaheimildirnar þá er hún mjög illa stödd fyrir og þá hljóta að koma nýjir aðilar sem geta  veidd fiskinn og unnið hann og borgað fyrir nýtinguna á auðlindinni, en ég tel þetta bara vera áróður hjá LÍÚ. Alla vega hefur mörgu útgerðarmönnum fundist allt í lagi að leigja þær aflaheimildir sem þeir hafa fengið úthlutað á okurverði sem þeir hafa verðlagt einhliða sjálfir. Sigurgeiri Brynjari forstjóra Vinnslustöðvarinnar í Vestmannaeyjum hefur fundist allt í lagi að leigja frá sér aflaheimildir á okurverði þegar aðrir en hann á að leigja þær. En sannleikurinn er sá að forsenda þessa kerfis sem nú er í gildi er sú að halda uppi háu leiguverði á aflaheimildum til þess að hækka verðið á varanlegum nýtingarétti til þess að sína betri rekstrarafkomu með þessari fyringarleið verður þetta allt upp á borðinu og þeir sem ætla í útgerð fara í útgerð til þess að veiða fisk og selja hann, ekki til þess að braska með veiðiheimildir( nýtingarrétt á auðlindinni) sín á milli eins og hefur verið í núverandi kerfi.

            Útvegsmenn geta sjálfum sér um kennt að hafa keypt sér nýtingarrétt af þessum veiðiheimildum svona dýrt. Þeir voru bara gambla með auðlindina. Vissulega eru til góðar og vel reknar útgerðir sem hafa hagnast á því að veiða og vinna fisk og þær munu lifa góðu lífi áfram, en flestar þær hafa hagnast á því að verðmæti nýtingaréttsins hefur alltaf hækkað og í raun og veru hefur arðsemin komið frá hækkandi kvótaverði heldur en af veiðum og vinnslu á fiski og oft hafði aðgangur þeirra að lánastofnunum mikið að segja, það er auðvita alrangt því eins og ég sagði hér að ofan að lokum er það fiskurinn sem gefur okkur verðmætið ekki aflaheimildirnar sem slíkar, þannig að með þessari fyrningu mundum við ná hámarks verðmæti út úr þessari auðlind við sem myndum veiða og vinna fisk myndum borga hóflega leigu til samfélagsins fyrir að fá að nýta þessa auðlind og svo myndum við leita allra leiða til að fá sem allra hæst verð fyrir fiskinn og skapa þannig hámarksarðsemi út úr auðlindinni en ekki vera með einhver fölsk verðmæti í formi kvóta eins og staðan er í dag.

            Þessi áróður um að byggðir leggist í eyði þó að kvótinn verði innkallaður er bara vitlaus útaf hverju ætti fólkið í Grímsey, í Ísafjarðarbæ eða Grindavík að missa vinnuna ef þessi fyrirtæki sem eru í veiðum og vinnslu þar í dag geta ekki borgað hæfilegt gjald fyrir afnotin þá koma bara önnur fyrirtæki sem geta það og þannig hefur það alltaf verið þannig ég hef enga áhyggjur af þessum byggðum en við ættum að hafa áhyggjur af þessum byggðum eins og kerfið er uppbyggt  í dag, því núna gætu þeir sem hafa afnotarétt af auðlindinni hætt eða selt sinn afnotarétt í burtu úr þessum byggðalögum og þá væri raunveruleg hætta til staðar í þessum byggðalögum.

            Svo að lokum hverju hefur þessi svo kallaða hagræðing skilað okkur, en okkur hefur alltaf verið talið trú um það að uppkaup á aflaheimildum og skilja heilu byggðinar eftir í sárum og þann mannauð í sjávarþorpunum eftir atvinnulaust og eignir þeirra verðlausar, sé vegna þess að skussarnir myndu hverfa og þeir hæfustu myndi sigra og þannig myndum við ná hámarksarðsemi út úr auðlindinni útaf hverju eru þá þessi fyrirtæki svona skuldsett!  , þetta voru kannski ekki þeir hæfustu voru þetta kannski bara þeir sem höfðu bestann aðgang að lánastofnunum og stjórnmálamönnum, var t.d fólkið á Bíldudal og sá mannauður sem bjó þar kannski eftir allt saman betur í stakk búið að veiða og vinna fisk og gera úr honum verðmæti heldur en þeir sem keyptu burt þær veiðiheimildir sem voru þar á sínum tíma. Hver veit allavega er eitt ljóst að þeir sem eru í sjávarútvegnum í dag skulda þrefalda ársframleiðslu sína það er nú allur árangurinn af besta “fiskveiðistjórnunarkerfi í heimi” .!

Danmörk og Skotland

Hef verið síðan á sjómannadag erlendis hef verið á sjó í Danmörku og er svo fríi núna í skotlandi hjá systir minni. Gæti alveg hugsað mér að flytja til Danmerkur en minn betri helmingur er ekki sammála. Verð að reyna snúa henni, held að það takist ekki. Núna erum við fjölskyldan farin frí og ætlum að fara upp í hálöndin. Er að skoða skotapils og alless. Hef ekki haft tíma eða nennt að setja mig inn í það nýjasta í sjávarútvegsmálum heima. En eitt veit ég að þeir svindla fram hjá kvóta og henda fiski í Danmörku, það er kallað að landa svörtum fiski og er hann borgaður á bryggjunni miklu vinalegra kerfi heldur en á Íslandi allavega fá sjomenninir borgað fyrir fiskinn í Danmörku en ekki útgerðarmenninir eins og á Íslandi.

Kom Sjávarútvegsráðherra gjörsamlega á óvart.

Hvernig getur það komið sitjandi sjávarútvegsráðherra á óvart þegar einhver selur frá sér veiðiheimildir. Ég hélt að sjávarútvegsráðherra vissi að menn gætu selt frá sér veiðiheimildir þegar þeir vildu. Þannig að það ætti aldrei að koma sjávarútvegsráðherra á óvart þegar menn seldu frá sér kvóta og hættu rekstri.

Það sem mér finnst hræðilegast er sú afneitun sem Sjávarútvegsráðherra er í varðandi kvótakerfið. Að sjálfsögðu er þetta afsprengi kvótakerfsins sem á sér stað á Flateyri. Kvótinn er orðinn svo dýr að menn eins og Hinrik og félagar í Kambi sjá þetta ekki ganga upp.

Sjávarútvegsráðherra var í hádegisviðtalinu á stöð 2 í gær þar bar hann þungar sakir á ráðandi öfl í matvöruverslun hvers vegna þau væru ekki búnir að lækka innflutta vöru þegar gengið væri svona hátt. En hvað með einokunina í verslun á aflaheimildum og leigukvóta.

Ég spyr Sjávarútvegsráðherra hvort það sé ekki kominn tími til að láta skoða verðmyndun á aflaheimildum og leiguheimildum. Þegar 20 stærstu sjávarútvegsfyrirtækin eiga orðið  73% af öllum veiðiheimildir við Ísland. Og það er þeirra hagur og þeir reyna það með öllum ráðum að láta veiðiheimildir stöðugt hækka í verði. Því útgerð sem kaupir kvóta á 3000 krónur getur ekki réttlætt þau kaup nema kvótinn muni hækka t.d verði kominn í 3500 kr eftir ár og 5000 krónur eftir 3 ár.

 

En um kvótann.

Sjávarútvegsráðherra sagði í kvöldfréttum Söðvar 2 að Kambur hefði notið góðs af frjálsa framsalinu með því að geta leigt til sín aflaheimildir, Og geta þar að leiðandi unnið um 9000 þúsund tonn. Ég myndi álíta að Kambur hefði verið að borga í leigutekjur um 960 miljónir á ári beint í vasa einhvers útgerðarmanns. Það eru aldeilis forréttindi!

Leiguverð á þorski er núna 200 krónur var lengi í kringum 120 krónur. Fór að stíga í fyrra haust og hefur nú náð hámarki í dag 200 krónur. Sennilega hefur Kambur náð endum saman að leigja kvótann á 120 krónur en það er vonlaust í dag það er mergur málsins.

Forsendunar fyrir svona háu leigukvótaverði eru ekki til staðar nú. Það sem hefur gerst og er að gerast það er orðinn fákeppni á þessum markaði. Þannig að seljendunir geta stýrt verðinu alveg sjálfir og skrúfað það upp.

Í kringum aldamótin gerðist það að kvótaleigan rauk upp og fór þá í 170 kr á hvert kg af þorski. En á sama tíma fór Evran upp fyrir 120 krónur og dollarinn fór yfir 100 kr og pundið fór yfir 150 krónur. í dag eru ekki þessar forsendur evran er í rúmum 80 kr pundið er í 125 kr og dollarinn í 64 kr.

Sjávarútvegsráðherrann getur sett þak á leiguverðið t.d. þorskkvóti leigist ekki á meira en 60 krónur hvert kg eða 100 krónur. Með þessu móti myndi hvatinn til að leigja frá sér minnka verð á varanlegum heimildum myndi ná jafnvægi sem þær eru alls ekki í dag. Fordæmin eru til staðar það er lágmarksverð á fiski til áhafnar í gegnum Verðlagsstofu Skiptaverðs.

 

Aston Villa

Ég er orðinn svo stoltur af yngsta syni mínum og dóttur sem reyndar eru tvíburar alltaf þegar einhver kemur í heimsókn láta þau sko vita: Hérna höldum við með Aston Villa. Og bæði fyrir og eftir kosningar skildi dóttir mín ekkert hvað væri verið að tala um Frjálslynda flokkinn, Sjálfstæðisflokkinn, Samfylkinguna, Framsókn, Vinstri græna eða Íslandshreyfinguna á okkar heimili þegar einhver kom í heimsókn og sagði við mig Pabbi við höldum með Aston Villa er það ekki.

Ég vona að þetta haldi hjá henni

Samfylkingin hlýtur að gera eitthvað

Samfylkingin hlýtur að gera eitthvað, t.d að stokka upp kvótakerfið setja fiskveiði heimildir á þessi pláss sem er í þjóðfélagslegri gjörgæslu og er haldið lifandi á ódýrum loforðum sem aldrei er staðið við. Flateyri ég get ekki boðið ykkur velkomin í þann hóp því þessi félagsskapur er langt frá því að vera eftirsóknarverður.

Staða starfsfólks Kambs mjög alvarleg

Kambur = Flateyri.

Sterk staða krónunnar, hár flutingskostnaður, Háir vextir. Allt eru þetta verk stjórnmálamanna.

Aðal ástæðan er kvótakerfið. Kvóti er orðinn svo dýr, eitt þorsk kg kostar 3000 kr. Þú færð hámark 250 kr fyrir kg. Fyrir mörgum árum kostaði þorskkvótinn 250 kr þá fékkst þú ca 70 kr fyrir hvert kg.

Í dag færðu 250/3000 en fyrir 1990 var þetta 70/250.

Kvótinn er orðinn svo dýr að það getur enginn gert út á þetta dýra kvótaverð. Eina ástæðan fyrir því að menn hafa verið að kaupa kvóta. Kvótinn hefur alltaf hækkað.

Kambur hefur ekki átt nógann kvóta til að halda sýnum skipum gangandi samt á hann kvóta sem er metinn á 7 miljarða. Því hefur þetta fyrirtæki verið stórt á leigumarkaði og hefur verið stærsti leiguliði á undanförnum árum. Það kostar í dag að leigja sér eitt þorsk kg um 200 kr. Gengur ekki heldur upp.

Bráðum verða engir leiguliðar eftir til að leigja kvóta hvað gerist þá.

Mun það verða upphafið að falli kvótakerfisins.

Mun kvótakerfið éta börnin sín að lokum.

 

Er hann í Framsóknarflokknum

Nei ég bara spyr

Bush vill Bandaríkjamann í forystu innan Alþjóðabankans

Hvað með sjávarútveginn.

Nú hljóta að verða einhverjar breytingar í sjávarútvegnum, ætlar kannski Samfylkingin að lúffa í þeim málaflokki.

Össur mun allavega koma því í gegn að ýsuveiðar vrði frjálsar  á ný

Össur: Unnið að samræmingu þess helsta og besta úr stefnu flokkanna

Við kusum óbreytta stefnu.

Við kusum yfir okkur óbreytta stefnu þetta er bara einn naglinn í kistuna og þeir eiga eftir að vera fleiri.

65 manns og sjómönnum á 5 bátum sagt upp hjá Kambi á Flateyri