Nú fer þetta að koma.

Já nú fer þetta koma, svo virðist það vera að við getum farið á morgun því eftir spánni að dæmi verður hægt að koma sér á stað, það verður svona la la veður allt í lagi svona 10 til 15 m/sek næstu daga þannig að þetta lítur ágætlega í augnablikinu, en hann blæs hressilega núna og mun gera það fram á morgundaginn. Aage á Polar Atlantic ætlar að fara á morgun hann ætlar að setja stefnuna á Finnmörku hættur við að vera á Lofoten svæðinu. Morten skipstjóri á Polarfangst er kominn heim og skal einnig fara fiska svo bráðum verða þrír bátar frá Hr Skottheimsvik í drift í einu svo peningarnir ættu bráðum að fara streyma inn.

Ég fór og gekk frá pappírum vegna þess að ég hef ákveðið að opna reikning hérna í Noregi af því að sparisjóðurinn er farinn. Ég valdi Nordlandsbankann og svo bráðum mun ég fá reiking og netbanka svo ég get send peninga heim í gegnum netbankann það var aðal ástæðan ég valdi þennan banka hér frekar heldur en Sparebanken sem er svona svipað og Sparisjóðurinn heima. Ég hugsa það sé betra að geyma peningana inn á Norskum banka heldur í bullinu heima.

Keyrði eftir það með pólverjana til Inndyr sem er um 40 mín frá Örnes því þar hafa þeir bankareikinga í Gildeskaal Sparebank og þurftu þeir eiithvað að hitta og ganga frá hlutum, svo var mér boðið í mat um borð í Polar Atlantic var ágæt að fara og hitta mínu nordisku vini eins og segi alltaf við þá þegar við hittumst, eftir matinn fórum við svo í sund inn í Glomfjord fínn sundlaug alveg rétt hitastig til þess að synda svo var sauna á eftir. Verðið var kannski í hærri kantinum 82 krónur norskar og þegar ég sagði við mína nordisku vini dyrt þá sögðu þeir nej billig ikke saa dyrt! okkar þætti dýrt að borga 1600 íslenskar í sund en þetta er bara lítið dæmi um hvað þeirra kaupmáttur er miklu hærra heldur en hjá okkur.

Orðlaus!

Já við erum en á sama stað við litlu trébryggjuna í Örnes, Á morgun verður vika síðan við vorum tilbúnir búið að liggja í reiðuleysi í viku. Hef reyndar reynd að finna eitthvað að gera fyrir áhöfnina svona 3 til 4 tíma á dag og höfum við verðið að endurbæta það sem hefur þurft svo skipið verður betra  með hverjum degi. Reyndar er skipið í mjög góðu ástandi nýkomið í gegnum klössun og hefur nú haffæri í 5 ár þ.e.a.s fyrir utan björgunarbúnað sem verður að skoða á hverju ári eins og heima. Það er annað en þegar ég kom um borð í feb 2010 þá var margt ábótavant sem er búið að laga núna. Veðurspáin fyrir næstu 36 klst er bara sv-stormur. En lítur út fyrir í framtíðar spánni að verði gott eftir þennan storm en stormarnir hafa núna komið á færibandi síðustu dagana.

Í gær fór ég að skoða rækjubátinn sem kallinn (útgerðarmaðurinn Hr Skottheimsvik). Æ ég veit ekki sennilega ágætis bátur ef hann verður tekinn í gegn en þá verður að taka hann í gegn en það er draumur að byrja að fiska á hann í sumar rækju og selja til móttöku suður eftir, en ég held að það takist ekki eins og útlitið er í dag mikill vinna eftir.

En Auðveldalega hægt að gera þetta af ágætisbát. Báturinn heitir Turbo N-18-ME. En N segir til um hvaða fylki N=Nordland F=Finnmark og svo koll og kolli. ME segir til um hvaða sveitafélags báturinn tilheyrir innan fylkis ME= Meloy kommune eða Meloy sveitafélagið og þar er Örnes höfuðstaðurinn. Hann Skottheimsvik segir það sé hægt að þéna peninga á rækjunni nú verðið er gott og veiðin hefur batnað mikið en fyrir nokkrum árum hvarf veiðin nánast úr fjörðunum hérna.

En vonandi verður fljótlega hægt að fara á sjó og reyna fiska einhvern ufsa á sama tíma í fyrra vorum við komnir með um 60 tonn og enduðum vertíðina í 250 tonnum miðað við hausað og slægðann ufsa meðalvigtin var svona í kringum 2,3 kg hausaður svo enginn risaufsi, eitthvað eru þeir að tala um að hann sé stærri í ár en miðað við sem ég hef kíkt á sýnist mér hann vera svipaður.

En alla vega hef ég ekki fengið eina bollu í dag og fæ ekki saltkjöt á morgun og fer ekki á grímuball á miðvikudaginn. Eina sem ég fæ er lettneskann mat með norsku ívafi. Rússarnir eru nánast sér og pólverjarnir alveg sér. Svo það er nánast bara í matartímum sem maður sér alla áhöfnina saman komna en vonandi verður það ekki þegar út á sjó verður komið. Age skipstjórinn á Polar Atlantic neitar að hafa pólverja vill þá alls ekki talaði um klíkumyndun og þeir væru undirförlir, en það er ekki mín reynsla með Jaro Pitrek kannski af því eru búnir að vinna mikið á Íslandi og á íslenskum bátum hina tvo þekki ég ekki. En ég held að þetta sé ágæt áhöfn sem við höfum burt séð frá þjóðerni en auðvita hefði verið betra hafa einn íslending með sér eða einn eða tvo norðmenn bara útaf menningunni og hafa einhvern til að tala við. En mér finnst gott að vinna með norðmönnum líkar það ágætlega það er bara öðruvísi að vinna með þessu fólki frá A-Evrópu það bara hugsar öðruvísi fattar ekki alveg kerfið þ.e.a.s hlutskiptakerfið er bara vanara að vera á föstu launum og vill svolítið vinna eftir því kerfi.

En í Örnes

Ekki eru við farnir enn, Leiðindaveður á miðunum og mikill ölduhæð svo við erum bara rólegir, talaði við skipstjórann á Björnsson en hann liggur nú í Rörvik og bíður eftir betri skilyrðum, hann sagði að veðurútlitið væri bara ekki gott fyrir næstu 2 til 3 daga suðvestan hvassvirði eða stormur, það sem veldur þessu er sterk hæð yfir Stóra Bretlandi og við fáum því lægðasúpuna yfir okkur með Suðvestan og Vestan sem eru mjög leiðinlega áttir út á bönkunum sem gerir þetta mjög erfitt fyrir okkur að athafna okkur. Polar Atlantic liggur líka hérna ennþá og bíður eins og við. Það væri sennilega hægt að vera að í landgrunnskantinum fyrir utan Alasund en þangað eru um 300 sjm svo við bíðum frekar, líka af því að ufsinn gengur norður eftir til að hrygna og hrygnir út á þessum bönkum Skinnabankanum, Haltenbanka og Trænabanka. Það er kominn svona nettur pirringur í mannskapinn alveg eðlilegt þegar ekkert er að gera. En við þrifum allann bátinn í dag og tókum mikið að dóti frá borði sem mátti fara, eins og frá línubeitingarkerfinu, en búið er að fjarlæga beitingarvél og rekkakerfið frá borði og á þar að út búa netastíur svo við getum verið með fleiri net sem er auðvita allt í lagi þegar búið verður að gera þetta klárt getum við verið með 800 net alveg eins og stóru dasarnir sem draga allann sólarhringinn og eru að leggja þetta 7 til 800 net á sólarhring. En þessir norsku netabátar eru algjörar þrælaskútur frá A til Ö. En annars er allt gott hérna nóg að borða og hægt að horfa á sjónvarp og liggja í tölvunni. En vonandi verði eitthvað fiskeri eftir þetta allt saman svo menn hafi eitthvað út úr þessu.

Á sama stað

Já við liggjum á sama stað og í gær, leiðindaveður og virðist ekki vera neitt lát á því orðið frekar pirrandi, eins og veðurspáin er núna sýnist mér að við verðum fastir hérna í dag og getum farið á morgun, svo það er ekkert nema bíða og sjá til hvað verður. Hurtigrutan var að koma það skip sem er á norðurleið en suðurleiðin koma snemma í morgun, síðan kemur hurtigbaten á eftir á leiðinni til Sandnessjoen og svo gengur ferjan Örnes allann daginn hér í sveitafélaginu. Núna kominn 4. mars og við ekki farnir enn og við eigum að vera mættir út á Skarv oilfield þann 9. mars að leysa af vaktskipið Polarfront en það er að fara í áhafnarskifti áætlað að við verðum þar í tvo til þrjá daga þannig að fyrsti túrinn verður ekki langur ef við náum að byrja fiska á sunnudaginn þá náum við kannski tveimur dögum á veiðum en frá Halten eða Skinnabankanum er ca 30 til 40 sjm en þetta gæti verið blásið af, ef veður verður vont. Því Polarhav hefur ekki vetrarsamþykki frá BP.

Enn í Örnes

Já enn í Örnes loksins komið gott veður en hann á að blása upp aftur seinnipartinn með suðvestan storm. Var alveg snarvitlaust veður hérna í gærkveldi og fram á nótt við liggum við litla bryggju sem er ekki mjög traustvekjandi svo þetta var eiginlega andvökunótt, þessi bryggja er illa dekkjuð svo við urðum að ná okkur í vörubíladekk og setja á milli. En þetta fór allt vel að lokum en ég var ekki rólegur fyrr en hann fór hægja í morgun, ég hugsa að ég hefði aldrei náð bátnum frá bryggjunni í nótt því vindurinn stóð beint á bryggjuna.  Annars er gaman að því að áhöfnin er strax farinn að grúppa sig saman rússarnir(og lettinn talar rússnesku) sér og Pólverjarnir sér, þannig að það gætu orðið einhverjir árekstrar í framtíðinni hver á að ráða en mín hægri hönd er heitir Jaro og kemur frá Póllandi vann með honum fyrra. Póverjarnir ætla að sjá um vinnuna á netadekkinu og rússarnir ætla að vera niðri á millidekk og hausa og slægja og vera í lestinni, en allur afli er settur í stíur eins og var í gamla daga heima þannig vill kaupandinn fá fiskinn, hugsa til að við borgum dripið(hvað fiskurinn léttist við pressu), en viðhorfið hér með meðferð á fiski er mikið þetta lagast í saltinu. Polar Atlantic liggur hérna líka og hefur ekki hreyft sig hann er að fara veiða þorsk í Lofoten en vegna stormsins kom hann hérna inn og hefur legið hérna í þrjá daga. Þetta er að verða svolítið pirrandi þetta veður og það sýnist ætla að vera svona lægðagangur út þessa viku . Hr Skottheimsvik útgerðarmaður lét mig fá bíll í gærkveldi Opel Kadett árgerð 1991 og hann er mjög stoltur af þessum bíll keypti hann á 5000 norskar og hefur keyrt hann 50.000 km án þess að líta á hann. Ég fékk bíllpróf 1990 ég hugsa að það séu ekki margir svona til heima á Íslandi

Aftur kominn til Noregs.

Jæja nú er ég aftur kominn til Noregs og að þessu sinni er ég skipstjóri á Polarhav frá Örnes (sama skipi og ég var skipstjóri á sumar og stýrimaður á síðustu ufsavertíð) og við erum að fara á ufsanet eða seigarn eins norðmenn segja. Kom hérna á Laugardagskvöld og höfum við verið að útbúa bátinn taka net og fixa veiðarfæri og erum tilbúnir að leggja í hann, en þá er bara bræla blæs frá suðvestri bara stormur eða fullstorm eins og þeir segja hér. En við erum sem sagt klárir til að leggja 350 ufsanet um leið og lægir og því má ufsinn fara passa sig. . Áhöfnin er fjölþjóðleg vægt til orða tekið. Við erum átta um borð frá fjórum löndum: Íslandi,Póllandi, Rússlandi og Lettlandi, enginn norðmaður að þessu sinni enda eru þeir alveg hættir að nenna fara á svona þrælaskútur. Vona að ég komist seinnipartinn á morgun og þá mun ég setja stefnuna á Skinnabankann og ath hvort ufsinn sé þar hef fengið fréttir að miklu ufsafiskerí bæði á Haltenbankanum og svo fyrir utan Alasund. Héðan er svona 120 sjm sigling á Skinnabankann. svo ég skrifa meira seinna.

Ætli Höddi Magg þurfi ekki að fara biðja okkur villamenn afsökunar.

Við erum búnir að bíða eftir þessu í 26 ár. LOksins LOksins. Hugsa bara til orða Hödda Magg í haust þegar hann sagði að Villaliðið væri arfaslakt og væru bara að vinna fyrir heppni þetta sagði hann þegar við unnum Liverpool 3-1 Síðan þá höfum við bæði unnið Chelsea og núna Man Utd. Þetta arfaslaka lið sem Höddi Magg rakkaði niður hefur sem sagt unnið þrjú af þessum " svokölluðum toppliðum og aðeins tapað 3 leikjum.

Aston Villa vann á Old Trafford

Aumingja Jón!

Aumingja Jón!Hann er greinilega kjarklaus eins og hinn. 

Þetta voru fyrstu orðin sem komu upp í hugann við það að horfa á viðtal við háttvirtann sjávarútvegs og landbúnaðarráðherra Jón Bjarnason í kastljósinu í fyrradag( þessi hinn er að sjáfsögðu Einar Kr Guðfinnsson fyrrverandi sjávarútvegsráðherra) . Síðan kom upp í hugann sennilega hef ég kastað atkvæði mínu á glæ með því að kjósa hann í síðustu alþingskosningum eins og ég gerði með því að kjósa hinn fyrir mjög mörgum kosningum.

            Ég stórefast um að ráðherrann hafi yfir höfuð lesið lögin um stjórn fiskveiða, ráðherrann segist  ekki hafa heimilt samkvæmt lögunum að taka fiskistofna út úr kvóta. Það rétta er að hann hefur ekki kjark til þess.

            Í lögunum segir orðrétt:

3. gr. Sjávarútvegsráðherra skal, að fengnum tillögum Hafrannsóknastofnunarinnar, ákveða með reglugerð þann heildarafla sem veiða má á ákveðnu tímabili eða vertíð úr þeim einstökum nytjastofnum við Ísland sem nauðsynlegt er talið að takmarka veiðar á. Heimildir til veiða samkvæmt lögum þessum skulu miðast við það magn. [Afli sem veiddur er í rannsóknarskyni á vegum Hafrannsóknastofnunarinnar reiknast ekki til heildarafla. Þá er ráðherra heimilt að fenginni umsögn Hafrannsóknastofnunarinnar að ákveða að afli sem fenginn er við vísindalegar rannsóknir annarra aðila skuli ekki að hluta eða öllu leyti reiknast til heildarafla.]^1).       

Fór það fyrir alþingi á sínum tíma þegar þáverandi sjávarútvegsráðherra tók þá ákvörðun að setja skötusel, keilu og löngu í kvóta ég veit ekki betur en að ráðherra hafi bara gefið út reglugerð varðandi það eins og má sjá.

  Ákvæði til bráðabirgða.Fyrir upphaf fiskveiðiársins 2001/2002, skal fiskiskipum, sem veiðileyfi hafa með almennu aflamarki og aflareynslu hafa í keilu, löngu og skötusel í aflamarkskerfi á tímabilinu 1. júní 1998 til 31. maí 2001, úthlutað aflahlutdeild í þessum tegundum á grundvelli veiðireynslu þeirra í þessum tegundum á áðurgreindu tímabili. Við útreikning á aflahlutdeild hvers fiskiskips, skal eingöngu leggja til grundvallar aflaupplýsingar samkvæmt aflaupplýsingarkerfinu Lóðs og hlutfall heildarafla í keilu, löngu og skötusel, sem einstök skip hafa veitt á ofangreindu viðmiðunartímabili.

Á grundvelli aflahlutdeildar skal fiskiskipum úthlutað bráðabirgðaaflamarki í keilu, löngu og skötusel fyrir fiskveiðiárið 2001/2002, sem samtals nemur 80% af leyfilegum heildarafla í hverri tegund. Jafnframt skulu útgerðum skipanna kynntar forsendur úthlutunarinnar og skulu þær hafa frest til 15. september 2001 til að koma athugasemdum á framfæri við Fiskistofu vegna hennar.

Fiskistofa skal eigi síðar en 15. október 2001 senda útgerðum fiskiskipa tilkynningar um endanlega aflahlutdeild skipa þeirra í keilu, löngu og skötusel og endanlegt aflamark þeirra á fiskveiðiárinu 2001/2002, miðað við fulla úthlutun leyfilegs heildarafla í þessum tegundum.

Sjávarútvegsráðuneytinu, 16. ágúst 2001.  Árni M. Mathiesen. Þetta er tekið úr reglugerð sem gefinn var út fyrir fiskveiðiárið 2001-2002. þar setur bara ráðherra ákvæði til bráðabirgða um að skipum verði úthlutað aflaheimild í þessum tegundum.             Þess vegna getur það ekkert verið nema kjarkleysi hjá háttvirtum sjávarútvegsráðherra að þora ekki að taka tegundir eins og sandkola, skrápflúru og úthafsrækju úr aflamarki og setja einhliða hámarkskvóta á þær tegundir. Markmiðið með lögum um stjórn fiskveiða er meðal annars:  

1.      gr. Nytjastofnar á Íslandsmiðum eru sameign íslensku þjóðarinnar. Markmið laga þessara er að stuðla að verndun og hagkvæmri nýtingu þeirra og tryggja með því trausta atvinnu og byggð í landinu. Úthlutun veiðiheimilda samkvæmt lögum þessum myndar ekki eignarrétt eða óafturkallanlegt forræði einstakra aðila yfir veiðiheimildum.

 Með því að taka þessa stofna úr aflamarki væri ráðherra að vinna eftir þeim lögum sem hann á að vinna eftir. Hann á  ekki koma fram með svona útúrsnúninga eins og hann gerði í kastljósinu að hann hafi ekki heimilt til þess að taka nytjastofna úr aflamarki það verði að breyta lögum og fá því samþykki  alþingis fyrir því.             Ráðherra á að hleypa í sig kjark og taka þessar tegundir útúr kvóta strax einnig á hann að endurskoða kjarkleysi Árna M.Mathiesen þegar hann lét undan þrýstingi og setti skötusel,löngu og keilu í aflamark (kvóta).             Það er alveg ljóst að það má endurskoða með skötuselinn hann er allstaðar að flæða yfir þar sem sást ekki skötuselur þegar þáverandi sjávarútvegsráðherra Árni M. Mathiesen setti þessa fisktegund í aflamark því var það ekki möguleiki fyrir skip sem voru ekki gerð út frá Suðurlandi og Suðausturlandi að afla sér veiðireynslu í skötusel.             Að lokum vona ég að ráðherrann fari og lesi lögin um stjórn fiskveiða  og fari að vinna eftir þeim og hætti að fá ráð hjá pappírspésunum í sjávarútvegsráðuneytinu sem telja að kvótakerfið sé æðra heldur en lögin um stjórnfiskveiða.

Hér kemur ein enn

Sameign eða séreign!    

1983 var komið á kvótakerfi til að koma í veg fyrir ofveiði á þorski, kvótakerfinu var ekki komið á fyrir útgerðarmenn. Núna er kvótakerfið orðið 26 ára og ekkert hefur gengið að byggja upp þorskstofninn.

            Útgerðarmenn eru sjálfir búnir að eyðileggja kvótakerfið með græðgi og yfirgangi alveg sama þó í lögunum standi að þetta sé sameign þjóðarinnar fara þeir með þetta eins og séreign sína og hefur verið leyft það frá upphafi þeir segja að þetta sé sín eign þó að í lögunum standi að þetta sé nýtingarréttur.

            Það verður að breyta þessu kerfi það gengur aldrei upp. Með kvótakerfinu er búið að skapa ákveðna einokunarstefnu með sameign þjóðarinnar þeir sem hafa kvótann í dag sameignina okkar ráða hvað þeir gera við hann hvort þeir veiði kvótann leigi hann eða láti hann einfaldlega synda áfram í sjónum, við þjóðin þ.á.m landsbyggðin fær engum um það ráðið það er búið að breyta sameign í séreign!.

            Í krafti hagræðingar (segja útgerðarmenn) hafa óæskilegir aðilar verðið keyptir út úr greininni því spyr ég hvers vegna borguðu menn svona mikla peninga fyrir óæskilega aðila sem ekki voru að standa sig hvers vegna varð að borga fleiri hundruði miljarða fyrir að losna við skussana út úr sjávarútvegnum sem voru hvort eður ei með vonlausann rekstur og voru að fara bara nánast á hausinn, annað sem ég ekki skil hvers vegna urðu því þessi góðu og velreknu fyrirtæki svona skuldsett ég hélt í kannski einfeldni minni að þau væru að nota hagnaðinn af rekstrinum til að kaupa hina út ekki lánsfé.

            Útgerðarmenn sjálfir skrúfuðu upp verðið á nýtingarréttinum (kvótanum) hvers vegna gerðu þeir það jú þeir fóru nefnilega með þetta sem sína séreign og réðu alveg verðinu á kvótanum. Verðið á nýtingarréttinum var fyrir löngu kominn upp fyrir allt skynsamlegt, það kostaði árið 2006 og 2007 mörg hundruð miljónir að kaupa sér trillu með kvóta og þá er ég ekki að tala um kvóta sem myndi duga til að borga þessar mörg hundruð miljónir, kvótinn sem trillan mátti veiða dugði kannski til að standa undir 1/5 af  afborgunum lána sem voru tekin til að kaupa trilluna því varð að skrúfa upp verðið á kvótanum til að mynda eign á móti öllum þessum miljónum, þetta var gert í stórum stíll og þess vegna eru sjávarútvegurinn svona skuldsettur svo hrópa allir að fyringarleiðin muni setja sjávarútveginn á hausinn þegar þeir sem hafa ráðið yfir sameigninni okkar hafa gert það einir og óstuddir. Ásbjörn Óttarsson 1. þingmaður Norðurlands Vestra sagði í útvarpsviðtali ekki alls fyrir löngu að staðan í sjávarútvegnum í dag væri sú að það komist enginn inn og enginn út sennilega  vegna skuldsetningar því skuldsetningin er kominn langt yfir raunvirði kvótans samt verja menn þetta kerfi og segja að fyringarleiðin sé arfavitlaus er ekki  kvótakerfi þar sem mönnum er leyft að veðsetja auðlind heillar þjóðar  arfavitlaus

            Þegar þú kaupir þér jarðaber þá viltu að öll berin séu heil þér ekki vel við það ef berin eru mygluð eða ónýtt og oft þarf bara eitt ber til að eyðileggja fyrir þér kaupin á öskjunni, alveg eins er með kvótakerfið og það að menn séu farnir að líta á þetta sem algjörlega  sem sína séreign þegar ákveðnir menn veðsettu kvótann (nýtingarréttinn sem þeir máttu ekki veðsetja þar sem hann er sameign þjóðarinnar og skapar ekki eign samkvæmt lögunum) til að kaupa hlutabréf í bönkum og pengingamarkaðssjóðum eins og nú hefur komið upp hvernig geta menn varið svona gjörðir, hvers vegna er kvótinn, jú hann var settur  til að vernda fiskistofna fyrir ofveiði og núna veðsetja menn þetta til að kaupa sér hlutabréf í alveg óskyldum rekstri þeir veðsetja nýtingarrétt á auðlind sem er í sameign þjóðarinnar til að kaupa sér hlutabréf í áhættusömu rekstri til að reyna skapa sér ofsagróða. Vissulega koma svona menn sem haga sér svona vondu orði á alla hina en skaðinn er orðinn.

            Mér er það algjör ráðgáta hvernig sveitastjórn Tálknafjarðarherpps, bæjarstjórn Vesturbyggðar og svo þessir þrír bæjarfulltrúar í Ísafjarðarbæ geti komið með svona sleggjudóma varðandi fyrninguna hvað hafa þau fyrir sér með þessu manni dettur í hug að einhverjir sérhagsmunir vegi kannski þyngra heldur en hagsmunir Vestfjarða og fólksins sem þar býr. Kvótakerfið hefur leikið Vestfirði mjög grátt og samt má ekki gera neinar breytingar en ég er sannfærður að með því að breyta kerfinu munu Vestfirðir blómstra á ný það er fyrst og fremst vegna kvótakerfsins sem óstandið er orðið svona á Vestfjörðum.

            .Á Vestfjörðum er ekki nógur kvóti við þurfum að leigja til okkar fleiri þúsund tonn á hverju ári til að geta veidd og unnið fisk allt árið að áliti þessara bæjarstjórna og sveitastjórna  ásamt bæjarstóra Bolungarvíkur á svæðinu viljum við frekar leigja þetta af einhverjum aðilum sem fá þessu kvóta úthlutað og borga fyrir það stórfé  heldur en að borga hóflega leigu til samfélagsins og fá hluta af leigunni aftur heim í formi tekna til sveitafélagsins, þetta er alveg furðulegur rökstuðningur. Bæjarstjórninar vilja frekar halda í kvótakerfið og t.d hefta allt framsal eins og L.í.ú er að bjóða  og gera þá þessa auðlind eitt skipti fyrir allt að séreign heldur en að stokka upp og leggja þetta kerfi niður.    

 

            Síðan á ég ekki til orð yfir orðum framkvæmdsstjóra 3x-stál þar sem hann segir að talið um fyringarleiðina sé farinn að draga mátt úr sjávarútvegnum og mjög hætt sé á stöðnun í greininni, ætli kreppan vegi ekki þarna þyngra heldur en umræða um fyringarleið ætli háir vextir og erfitt sé að fá lánsfé og ef það fáist sé það mjög dýrt vegi ekki þyngra heldur en umræða um fyringarleið svona sleggjudómar em alveg stórkostlegir að öll endurnýjun bara hverfi og 3x-stál hætti að fá verkefni get bara ekki annað en hlegið að svona sleggjudómum. Það mætti halda að það verði alkul ef þetta kerfi verði lagt niður þetta kerfi var sett á nánst án umhugsunar og það er alveg hægt að leggja það niður án þess að 3xstál fari á hausinn og verði verkefnalaust. Ekki hefur verið mikill endurnýjun á skipakosti í þessu góða  “kvótakerfi” ég veit ekki betur en nánst eina endurnýjun hafa átt sér stað í smábátakerfinu. Er ekki skipakostur t.d HG orðinn nokkuð gamall Yngsti togarinn orðinn tuttugu ára og elsti kominn langt á fertugsaldurinn.

            Að lokum mætti halda að Ríkisútvarpið og svæðisútvarpið Vesturlands og Vestfjarða sé kostað af talsmönnum þeirra sem eru á móti fyringu alla vega heyrir maður bara talað við fólk sem er á móti fyrningu eða neinni breytingu sem er alveg frábært mér finnst það bara orðið fyndið hernig R.Ú´V höndlar umfjöllun um þessi mál.

  

Jón Páll Jakobsson

Bíldudal.

Gömul grein með nýrri athugasemd.

Bíldudalur, Bíldudalur.

 

Í ljósi þess að Mannréttindarnefnd Sameinuðu þjóðanna hefur komist að þeirri niðurstöðu að sjálf kvótaúthlutunin, grundvöllur kerfisins fæli í sér mismun sem gengi gegn 26. grein mannréttindasáttmála Sameinuðu þjóðanna og færi gegn 1. greinar laganna um stjórn fiskveiða um þjóðareign á nytjastofnunum. Ekki hef ég lesið álitið frá nefndinni en hún telur allavega að þetta stjórnkerfi sem við höfum ekki standast stjórnarskránna og kerfið hafi brotið á þeim Erni og Erling.

            Því spyr ég þegar þessi úrskurður er ljós, hefur þá ekki Lýðveldið Ísland, brotið mannréttindi gagnvart íbúum Bíldudals í gegnum tíðina. Ef við tökum lögin um stjórn fiskveiða þá segir í fyrstu grein:

kafli. Almenn ákvæði.
1. gr. Nytjastofnar á Íslandsmiðum eru sameign íslensku þjóðarinnar. Markmið laga þessara er að stuðla að verndun og hagkvæmri nýtingu þeirra og tryggja með því trausta atvinnu og byggð í landinu. Úthlutun veiðiheimilda samkvæmt lögum þessum myndar ekki eignarrétt eða óafturkallanlegt forræði einstakra aðila yfir veiðiheimildum.

            Það er alveg ljóst að með þessum lögum höfum við ekki náð því styrkja byggð í landinu. Á Bíldudal hefur orðið mjög mikill fólksfækkun. Er þessi fólksfækkun í réttu hlutfalli við minnkandi Veiðiheimildir byggðalagsins, þegar byggð var hér í blóma í kringum 1985 bjuggu hérna um 400 manns í dag erum við 170 sem höfum hérna lögheimili. Þannig að þessi 1 grein hefur alveg farið framhjá okkur á Bíldudal.

            Hvers á fólkið að gjalda sem missti vinnuna og sitt lifibrauð þegar staðurinn missti nánast allann sinn kvóta af því að stjórnvöld voru búin að setja lög sem heimiluðu þann gjörning, með þessum lögum sem voru samþykkt árið 1990 má segja að grundvelli fyrir byggð á Bíldudal væri rústað, hver eru þá mannréttindi íbúanna sem eftir sitja með sárt ennið og verðlitlar eða verðlausar eignir og enga atvinnu, en núna er sem sagt komið álit frá Sameinuðu þjóðunum að þessi lög séu í raun ólög og þeim Erni og Erling skullu vera greiddar bætur vegna þess að þeir voru beittir óréttlæti

            Því spyr ég eiga íbúar Bíldudals ekki rétt á bótum eða í það minnsta afsökunarbeiðni frá stjórnvöldum.

            Frá því að land byggðist hefur sjósókn verið stunduð frá Arnarfirði og þegar Bíldudalur varð til varð hann nánst eingöngu til vegna þess að hann hafði aðgang að okkar stærstu auðlind fiskinum og þannig var það alveg þangað til að stjórnvöld nánast rændu réttinum til að veiða og vinna fisk frá okkur með þessum ólögum sem Mannréttindanefnd Sameinuðu þjóðanna hefur úrskurðað um og segir allt sem segja þarf því skora ég á alla íbúa Bíldudals og annara íbúa annar staða sem standa í sömu sporum og við að krefja stjórnvöld um leiðréttingu á þessum málum.

Bætt við þessa grein í dag.

            Væri gott að fá að vita hvað háttvirtur sjávarútvegsráðherra Jón Bjarnason  ætlar að gera varðandi úrskurð mannrétindanefndar Sameinuðu þjóðanna. Gerir hann ekkert eða hefur hann dug og þor til að gera eitthvað.