Kominn á klakann.

Kominn á klakann eftir vertíð í Noregi, hérna áður fyrr fóru menn frá Bíldudal á vertíð suður til Sandgerðis,Grindavíkur eða Keflavíkur svona breytast tímarnir það er engin vertíð á Íslandinu lengur, hún er en við lýði í Noregi svo má segja að ég hafi upplifað þessa vertíðarstemmingu sem fylgir alvöru vertíðum í fyrsta sinn í fyrra og svo í ár alveg 100% þar sem ég var að róa á litlum bát  og upplifði þetta allt frá a til ö. Ég hitti kalla sem voru byrjaðir að fara vertíð áður en ég fæddist, einn var mér mjög minnisstæður en hann var á sinni 45 vertíð í Henningsvær og sagði hann mér að bærinn hefði nánst ekkert breytst þennan tíma væri alltaf jafn gaman að koma á vertíð í Henningsvær, já það er einhver sjarmi yfir þessum stöðum að lappa upp á fiskeriheim (hvíldarstofu fyrir sjómenn). kaupa sér riskrem og spjalla við kallana. Kannski óarðbært á excelskjalinu en alveg sannanlega arðbært fyrir þessa kalla. þeir hafa tekjur eru ánægðir með lífið og spá svo sem ekkert í það hvort einhverjir íslendingar séu að skrifa það í blöðin hvað norsku sjávarútvegur sé illa rekin og lítið fæst fyrir fiskinn saman borið við Ísland hvað norskur sjávarútvegur sé " óarðbær ".  Hann Per frá Sör Arnoy sem ég kynntist þarna og er búinn að fara Vertíð í Lofoten í 45 ár á sinn bát skuldlausann tekur 80 % af árstekjunum þarna, þannig var það ekki alltaf hjá honum hann sagði mér að í kringum 1990 hafi verið alveg mjög slæmt hefði bara ekki fiskast og litlar hefðu verið tekjunar. 

Þó alvöru vetrarvertíð séu ekki lengur við líði hérna er svo sannanlega strandveiðivertíð við lýði og lét ég plata mig til að taka þátt í því og var það nú ekki ferðir til fjárs því kallinn fékk ekki upp á hund.

 

Ekki voru komnir margir eftir fyrstu klukkustundinar og þá hugsaði undirritaður " nei hvern andskotann er ég búinn að hafa mig úti í ". Svo hugsaði bara á jákvæðum nótum eins og Páll frændi minn í Ási hefði gert " jæja maður er allavega kominn með í soðið.

 

 

 

 

 

 

 

 

 Aðeins betra útlitið daginn eftir en samt held ég að ég ætti bara koma mér aftur til Norge, annars held ég ef svona gengur áfram verð fara koma mjög seint  í land eða fá mér góða lambhúshettu.

 

 

 

 

 

 

 

 

 

Kári BA. Skipstjóri og eigandi Hlynur Björnsson, þessi nær alltaf skammtinum.

 

 

 

 

 

 

 

 

 

 

Mardöll BA eigandi Björn Magnússon, áhöfn Jón Hákon og Björn, eitthvað er Nonni ( Jón Hákon) kuldalegur á þessari mynd ekki alveg sumarlegur

 

 

 

 

 

 

 

 

 

Anna BA, Jón Halldórsson eða Jón Póstur eigandi og í áhöfn.

 

 

 

 

 

 

 

 

 

 

 

Einn sá allara elsti strandveiðimaður á Bíldudal. Sigurður Brynjólfsson skipstjóri og útgerðarmaður á Sölva BA.

 

 

 

 

 

 

 

 

 

Dufan BA. skipstjóri og eigandi Guðlaugur Þórðarsson.

 

 

 

 

 

 

 

 

 

 

Já nógur tími var til að taka myndir því ekki mikið fór fyrir fiskerínu.

 

Komnir í heimahöfn.

Já komnir í heimahöfn vertíð lokið, síðustu fiskarnir fór núna á fullu tungli létu sig hverfa svo Lofotenkanturinn er núna bara eins og eyðimörk svona er þetta bara og hefur verið hann kemur til að hrygna svo hverfur hann. einhvert fiskerí er með strandþorsk (kystþorsk) inn í fjörðunum en þar meiga bara litlu bátarnir bátar undir 15m, annars verður því svæði lokað á morgun sunnudag útaf þar er eingöngu strandþorskur og fiskifræðingarnir telja hann í hættu svo vilja draga úr veiðum á honum meðan Barentshafsþorskstofninn skreien bara stækkar og stækkar.

 

Síðustu dagarnir voru hrein hörmung 700 kg svo 400 kg og í gær 250 kg.

 

 

Hér sjáum við Holmen draga en við vorum tveir eftir þarna og svo nokkrar trillur sem voru inn í firðinum.

 

 

 

 

 

 

 

 

 

 

 

 

 

 

 

 

 

 

 

Síðasta færið tekið á vertíðinni

 

 

 

 

 

 

 

 

 

 

 

 

 

 

 

 

 

 

 

 

 

Henningsvær

 

 

 

 

 

 

 

 

 

 

 

 

 

 

 

 

 

 

 

 

 

Nú er bara ganga frá bátnum þrífa taka netí land og fara til Íslands og hlaða batteríin fyrir næstu vertíð

 

Jæja síðasta vikan

Já nú er hafin síðasta vikan hjá okkur strákunum á Holmvaag, vertíðin að taka enda. Það er fullt tungl á miðvikudaginn og eftir það mun sennilega restin af skreien hverfi héðan svo spurning er hvort það verði kropp út vikuna, eftir það förum við í heimahöfn þrífum og skilum bátnum svo þarf ég að klára aðeins í Oyfisk og svo er það að fljúga til Íslands í frí. 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Rólegt en alltaf kaldi

Fiskerí er rólegt 2,3 tonn í dag, 3,3 tonn í gær eftir tvo daga svo þetta mjakast en frekar hægt. Við erum búnir að bæta við netum og erum komnir með yfir 100 net. Maður hélt að vorið væri komið en það er alltaf kaldi SW kaldi með éljagangi. Samt allar trossur í sjó þýðir ekkert annað nema reyna halda á þegar síðasta vikan fer í hönd en við reiknum með að hætta á næstu helgi ef það kroppast áfram eitthvað.

 

 

Hér sjáum við ein bát þar sem flottir kallar voru í áhöfn tveir komnir vel á áttræðisaldur og svo var ein táningur með þeim rétt rúmlega sextugur.

 

 

 

 

 

 

 

 

 

 

 

 

 

 

 

 

 

 

Og hér höfðu þeir gömlu hitt í fisk svo nóg var að gera hjá þeim þessa trossuna.

 

 

 

 

 

 

 

 

 

 

 

 

 

 

 

 

 

 

 

Lítið um að vera.

Ekki er nú mikið fiskerí hjá strákunum á Holmvaag þessa stundina, Lofoten vertíð er komin á endastöð þetta áríð. 1,5 til 2  tonn á dag í 65 net er nú afrakstur þessa dagana. En nú liggjum við í landi vegna veðurs það blæs nú hressilega frá SSW, við fórum reyndar út í nótt og lögðum svo við hefðum eitthvað að gera á morgun en það er góð spá fyrir morgundaginn.

Við eigum ennþá um 20 tonn eftir að kvóta svo það er alveg ljóst að ég verð ekki aflakóngur þessa vertíðina. Nú er bara fjölga netunum eins og norðmenn gera eftir að það fer að tregast, það er bara eitt vandamál hjá okkur að við eigum enginn net til að setja í sjóinn.

Eins og staðan er núna eru litlar líkur á því að ég verði kominn heim fyrir kosningar þannig að ég mun hafa lítill áhrif á það hverjir munu stjórna landinu næstu fjögur árin sem er kannski bara gott þá þarf maður ekki að leggjast í þunglyndi eftir kosningar.

Internet frekar rólegt þessa dagana áhöfnin búin með mánaðarniðurhal svo lítið hægt setja inn af myndum. 

Henningsvær

Já nú róum við frá þessum gamla lofotenbæ " Henningsvær" þar sem hefur verið róið til fiskjar lengi eða frá því í kringum 1700. Þessi bær sem er byggður upp á hólmum og litlum eyjum einu samgöngur við fastalandið var ferjusamgöngur allt til 1983 þegar Henningsværbroa var byggð. Margir vilja meina þess vegna hafi bærinn varðveitst eins og hann er engar steinsteypublokkir byggðar í skjön við umhverfið og bæinn sjálfann.

 

Þessi er en starfandi hérna en þetta fyrirtæki var stofnað 1868, gaman að þessu að sjá svona gömul fyrirtæki en starfandi þó sérstaklega í sjávarútvegi.

 

 

 

 

 

 

 

 

 Það er búið að vera kaldaskítur síðustu tvo daga en nú lofar hann fínu veðri næstu daga svo vonandi verður eitthvað kropp en við vorum með 2,1 tonn í dag í 50 net erum farnir að leggja aðeins meira og munum fjölga netum á morgun þannig að eftir morgundaginn verðum við komnir með 60 net. .

 

 

 Og auðvita eru hjallar hérna.

 

 

 

 

 

 

 

 

 

 

 

 

 

 

Eftir helgarfrí búmm búmm

Já eftir helgarfríið í Svolvær var bara enginn fiskur, sennilega er skreien byrjuð að fara, svo við fluttum okkur lengra vestur og erum komnir vestur undir Henningsvær og þar lönduðum við í dag hjá Jangaard Henningsvær.

 

Vonandi verður eitthvað fiskerí í svona eina viku til en aldrei að vita hvað gerist gæti verið búið á morgun gæti verið ein vika til.

 

Henningsvær er gamalt fiskiþorp hérna í Lofoten er byggt upp á Hólmum og er tengt við Lofoten með brú hér var aðalfiskisvæðið í gamla daga og sagði mér einn gamall maður áðan að í kringum 1950 til 60 voru hérna yfir 40 verkendur sem keyptu fisk en í dag eru þeir tveir sem kaupa fisk hérna. Henningsvær fór alveg svakalega niður eftir 1990 þegar skreien (þorskurinn) hætti að ganga inn Lofoten og bærinn dalaði mikið en þá fóru þeir að gera út á Ferðamanninn hérna svo Henningsvær er orðið týpískur ferðamannabær, en eftir 2006 held ég fór þorskurinn aftur ganga hérna inn og síðustu þrjú ár hefur verið fantagott fiskerí hérna og í ár var alveg mok, ég byrjaði að hringja í verkunina eftir 20 mars til að reyna fá löndun en þá var allt fullt og ekki möguleiki að komast að.

 

 

Höfnin í Henningsvær þarna út þennan vog var fiskverkun eftir fiskverkun.

 

 

 

 

 

 

Við liggjum þarna utan á bláa bátnum.

 

 

 

 

 

 

 

 

 

 

 

Netalögn á Holmvaag

 

 

 

 

 

 

 

 Björn Björnsson stjórnar henni.

 

 

 

 

 

 

 

 

 

 

 

 

 

Innsiglingin inn í Svolværhavn Sjómannskonan sem bíður eftir maðurinn skili sér heim eftir sjóferð en margir skiluðu sér því miður ekki heim.

 

 

 

 

 

 

 

 

 

 

 

 

 

 

 

 

 

Svo að lokum ein af bryggju sem er farin að láta á sjá, en takið eftir því að það stendur með stórum stöfum "fortoying forbudt" Bannað að leggja þarna. Held fáum myndi nú detta í hug að leggjast þarna upp að.

 

 

 

 

 

Helgarfrí.

Já nú er helgarfrí Sagafisk tekur ekki á móti fiski á helgum nema frá skakbátum. Alveg frábært að fá helgarfrí í blíðunni . Við liggjum alveg í miðbænum í Svolvær svo nú er bara gerast ferðamaður í þessum mikla ferðamannabæ í Lofoten. 

 

Við liggjum fyrir aftan þennan "Betelskipet" (kirkjuskipið eða guðskipið). Það er samkoma í dag kl 18 ætli það sé ekki best að fara og fá guðsblessun.

 

 

 

 

 

 

 

 

 

Þetta er nú minnsti skakbáturinn sem ég hef séð landa hjá Sagafisk hann var með einhver 300 til 400 kg af fiski svona strandveiðiskammt miðað við rund fisk (blóðgaðann fisk)

 

 

 

 

 

 

 

 

 

 

Hér sjáum við snurvoðabát kasta nótinni. Sést ekki á þessari mynd en þeir eru ekki búnir að finna upp stert eins og við þ.e.a.s segja tóg frá pokagjörð upp í kjaft eða væng svo auðvelt sé að ná fiskinum úr nótinni norðmenn nota belg þeir kasta belg með nótinni og svo kasta þeir á belginn til að komast í pokann oft mikið bras hálfkjánalegt.

 

 

 

 

 

 

Hér sjáum við svo voðina og belginn sem tengdur er við pokann í staðinn fyrir stert eins og við gerum.

 

 

 

 

 

 

 

 

 

 

 

Svona eru skreiðarhjallarnir hérna, það er ekki full hengt hérna því það var svo kalt í mars svo nokkrir eru ennþá að hengja en það verður nú ekki mikið lengur því flugann fer að kveikna og þá er nú ekki gott að eiga nýjan fisk á hjalli.

 

 

 

 

 

 

 

 

Ein bryggjumynd að lokum en hér er gömul verkun og henni fylgir að sjálfsögðu gömul bryggja.

 

 

 

 

 

 

 

 

 

 

 

Langt milli skrifa.

Já langt hefur verið á milli bloggfærsla að undanförnu. En eftir að hafa verið 23 daga í Röst og haldið páskahátíðina þar, settum við stefnuna Austur í Lofoten að svo kölluðu Henningsværboksen (Henningsværhólf ) Og lögðum þar upp við hólfið. 

 

Þetta Hólf er að öllu jöfnu lokað til að friða Kysttorsk ( fjarðarþorsk) En á vertíðnni er það opnað fyrir báta undir 15m sem stunda neta, línu eða skakveiðar. Norska Hafró tekur prufur hvernig þorskur er inn í hólfinu og þegar skreien (gönguþorskurinn) er kominn í algjörann meirihluta er hólfið opnað.

 

Erum við búnir að draga tvisvar þarna við boksið og hefur fiskerí verið ágæt 6 tonn og 3,5 tonn af að sjálfsögðu hausuðum og slægðum þorski höfum við róið með tvær trossur aðra 15 neta og hinn 22 net

Það var ekki einfalt að fá löndun hérna innfrá en að lokum fengum við löndun hjá Sagafisk A/S í Svolvær. og held ég að við séum stærsti báturinn sem landar þar aðrir eru trillur.

 

 

 Þessi mynd er úr næst síðasta róðrinum í Röst en þá fengum við ágætann afla sérstaklega í eina trossu, en fiskeríð þar er byrjað að gefa sig kemur kannski gott net svo koma tvo þrjú tóm.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Já við liggjum í Svolvær höfuðstað Lofoten og þar komst undirritaður í fatabúð til að kaupa sér föt þar sem allt er orðið skítugt jafnvel búið að nota fötin tvisvar bara farið í það sem minna skítugt  en nú eru komnir 26 dagar síðan síðast var hægt að setja í þvottavél. Svo þetta var kjærkomin búðarferð.

 

 

Sagafisk í Svolvær.

 

 

Nú eru fiskfræðingarnir búnir að gefa út svokallað skreikort þ.e.a.s kort yfir útbreiðslu þorskins á þessari vertíð og gefur kortið til kynna að meira er af þorski á slóðinni heldur en í fyrra og þroskurinn er víða mikið þéttari heldur en í fyrra, svo kannski verður aukið meira við kvótann og verið fari kannski niður í 5 krónur norskar en í dag fengum við 10,61 og akkúrat fyrir ári síðan fengum við 18,5 krónur

svo þetta er ekkert smáverðfall.

 

 

 

 

 

 

 

Það eru ekki allir bátarnir stórir sem róa á vertíð í Lofoten.

 

 

 

 

 

 

 

 

 

 

 

 

 

 

 

 

 

 

 

 

Teineskjær að draga netin rétt fyrir utan boksen í dag þegar við renndum framhjá honum. 

Komnir á stað aftur.

Já við fengum að leggja í gær ein trossa á bát minni bátar með hámark 35 net í trossu og stærri bátar 50 net  í trossu. Við lögðum eina trossu og eru í henni 22 net. En þess má geta að eitt norskt net er helmingi styttra en íslenskt hvernig sem stendur á því.

Svona er þetta bara þegar mikill fiskur berst að landi. Bátarnir voru frekar fljótir í dag t.d vorum við búnir að öllu rétt fyrir eitt flestir voru á því róli. Aflinn í dag í trossuna var 2,2 tonn af slægðum og hausuðum þorski.

Þetta ástand verður sennilega fram yfir páska.

 

Síðasta löndun fyrir stopp. á Sunnudaginn verða þrjár vikur liðnar síðan við byrjuðum þetta úthald. Og aflinn farinn að nálgast 50 tonn af slægðum og hausuðum þorski. Þetta bann sem kom í byrjun vikunnar setti dálítið strik í reikinginn en svona er þetta bara bráðum förum við að hætta telja upp kvótann og byrjum að telja niður og einhvernveginn er það miklu skemmtilegrar.

 

 

 

 

 

 

Sólsetur í Röst nánar tiltekið tekið frá eyjunni Glea.