Kominn tími á smá blogg

 

Það hefur ekki verið svo mikil tími til að blogga því maður hefur verið upptekinn í öðru þ.e.a.s að róa. En það hefur gefið þokkalega á skak síðustu daga ekki neitt alvöru skakveður bara svona kaldi og veltingur en fiskurinn hefur bitið svo það hefur fengist í lestina þá róðra sem hefur gefið svo nú hefur þetta snúist dálítið við í síðustu viku hafði skakið yfirhöndina yfir netin þ.e.a.s segja ég fór fleiri skakróðra bara farið einn netaróður í þessari viku á síðasta sunnudag og þá vorum við með rúm tíu tonn.

 

Hér sjáum við eyjuna Skomvær en ég hef verið að róa suður af henni síðustu daga. Þessi eyja er ekki stór svona rétt fyrir vitavörðinn og fjölskyldu eina belju og 10 kindur. Reyndar voru fjóra fjölskyldur búsetar þarna til 1957 og voru með tvær beljur eitt naut kindur og hænur en vitinn er reistur 1887. Eftir 1957 voru bara vitaverðir þarna og unnu þeir á vöktum þrjá mánuði og fengu svo þrjá vikur í frí. 1978 var vitinn gerður sjálfvirkur og vitavarðastarfið lagt niður Skomvær var á sýnum tíma mjög mikilvæg veðurstöð en þaðan var veðrinu útvarpað á fjögurra tíma fresti. Og þegar maður skoðar veðurspána á yr.no skoðar maður alltaf veðurspána fyrir Skomvær

 

 

Og hér landar svo kallinn aflanum hjá John Greger AS. 

 

 

 

 

 

 

 

 

 

 

 

Svo nú er það svo að núna vantar mig bara tvo til þrjá góða róðra þá er ég hálfnaður með kvótann. En hvort kvótinn náist allur er ekki gott segja hugsa að ég þurfi að skreppa aðeins heim í apríl þar sem þetta úthald er oðrið dálítið langt en ég er búinn að vera núna síðan 12 janúar en er það auðvita veðrið sem hefur spilað stærstu rulluna í lengdinni því það hefur verið mikið um brælur og landlegur vegna þess.

 

Í gær var ég á sjó í helvítis velting og rúlluðum við Jakob mikið held bara að við höfum ekki stoppað þessa 8 tíma sem við vorum úti en fiskurinn beit svona þokkalega ekki eins vel og í fyrradag, þetta er dálítið skrýtið það alveg kaklóðar þú ert kannski með 1000 tonn af þorski undir bátnum en hann bara tekur ekki svo allt´í einu ákveður hann að bíta og þá færð þú kannski tonn á 15 mínutum og þá er eins gott að vera með armana í góðu standi til að rífa af rúllunum. Yfirleitt bítur fiskurinn mjög vel á morgnana og ekki óalgengt að fá 600 til 900 kg fyrsta hálftímann sem stoppað er væri fínt að vera strandveiðimaður með strandveiðiskammtinn hérna.

 

Það koma reyndar svona augnablik hérna svona rétt á milli lægða en svona augnablik á sjónum fær mann til að gleyma öllum leiðinlegu dögunum með velting, snjóbyl og sjóroki en ætli þeir séu ekki mun fleiri.  

 

 

 

 

 

 

 

 

 

 

 

Stærsti skakróðurinn fram að þessu var í fyrradag en þá var dagsaflinn rétt rúm 3 tonn.Þá var í öllum körum + blóðgunarkassanum en þvottakarið var tómt þar hefði verið hægt að koma 70 til 80 kg. Einnig var tómar stíurnar í lestinni.

Bjartara yfir veðrinu ( og fiskerí)

Já veður hefur verið betra síðan óveðrið var í síðustu viku ekki alveg skakveður en hægt að vera á netum svo trillukarlinn hefur róið með Lars og félögum á Edvind Olai. Reyndar var farið á skak á laugardaginn síðasta og var dagsaflinn um tvöfaldur strandveiðiskammtur. Síðan var net á sunnudaginn, mánudaginn, þriðjudaginn og svo skak í gær og síðan kaldadrulla í dag.

 

Skakflotinn í gær allir með messan uppi og dólað upp í vindinn, nema auðvita Jakob hann lág á flatreki.

 

 

 

 

 

 

 

 

 

 

 

Fiskeríð hefur verið sérstakt á sunnudaginn fengum við 1,5 tonn í 150 net (ca 90 íslensk net) á mánudaginn voru í sömu trossur á 28 tonn var það langur dagur fyrir fjóra kalla en það gekk svo sem vel að greiða fiskinn úr en við þurftum að fara einu sinni að landa. Á þriðjudaginn var svo 2 tonn aftur.

 

 

Í gær fór ég á skak og nú beit fiskurinn þokkalega þannig að ég fékk í lestina svo þetta er farið að líta aðeins betur út nema að sjálfsögðu er bræla í dag ( fimmtudag) En veður spáin er ekki slæm fyrir næstu tvo daga. 

Það hefur aðeins fækkað í skakflotanum hérna búið að fækka um ca 10 sem sennilega hafa gefist upp á veðrinu farið inn í Lofoten. Þessi var á sömu slóð og ég í gær og á honum róa saman hjón það er þó nokkuð um það að hjón séu saman á skaki hérna og kannski verður það einnig hjá okkur hjónum í ellinni þegar börnin verða flogin úr hreiðrinu. 

Aftur bræla.

Já það voru tveir dagar sæmilegir þriðjudagur og miðvikudagur síðan kom nýja bræla með VSV stormi og í nótt fékk sko áhöfnin á Jakob að finna fyrir því hann blés kröftuglega með tilheyrandi leiðindum fyrir trillukarl, belgir sprungu og á tímabili var mikið hopp og sláttur á Jakob og var verið alla nóttina setja út belgi og belgi til að hindra að báturinn lemdist ekki við kajann með tilheyrandi skemmmdum og leiðindum.

 

Þar sem við liggjum  er alveg opið fyrir vestanáttinni svo ef það gerir svona veður eins og var í nótt er bara tóm leiðindi, hann spáir svipað áfram en meira sunnan sem er betra fyrir okkur. þá er meira skjól af eyjunni en ef hann er vestan stendur það beint inn höfnina Já það er ekki að ástæðulausu sem það er gott að þurrka fisk hérna á hólmanum því það er sjaldan logn.

 

 

 

 

 

 

Nóg af belgjum og búið að fjárfesta í fleirum en flotbryggjan hérna er dálítið asnaleg það er trékantur allann hringinn svo það er mjög erfitt að koma fríholtum eina leiðin er að koma belgjum fyrir neðan tréplankann annars bara rifna belgirnir verða loftlausir.

 

 

 

 

 

 

 

Á þriðjudaginn var ég á skaki og hafði rétt rúmlegann strandveiðiskammt eða rúm 800 kg. Var það algengt fiskerí en að sjálfsögðu voru nokkrir hærri eigum við segja að ég hafiu verið svona í fyrstu deild að berjast um umspil þ.e.a.s varðandi veiði. Á miðvikudaginn fór ég net á Edvind Olai og fengum við upp úr krafsinu um 4 tonn í fjórar trossur. Vorum við á innanverðu en á utanverðu var alveg mok og einnig Vestur frá upp í 8 tonn í trossu. Svo fiskurinn er kominn bara það verði veður til veiða hann. En það er bara búið að vera ein stór bræla frá miðjum janúar fram til nú. Hjallarnir hérna í Röst er nánast tómir svo vonandi fer þetta að koma fljótlega.

 

 

Hér sjáum við Íslandssmíði Erato 35 feta cleopatra hann er hér á skaki dólar upp í kaldann. Ég er alltaf að sjá það betur og betur að ég hefði átt að setja upp messansegl og stangir eins og norðmenn bara mikið afkastameira í kaldadrullu ræður alveg rekinu og sleppur að hafa bátinn flatrekandi allann daginn. Já held þetta sé bara mikið betra.

 

 

 

 

 

 

 Þessir tveir skakbátar deila með mér flotbryggju en þeir hafa það aðeins betra en ég því þeir eru hlémegin við vestanvind. Þetta eru Selfa Speedsjark eins og nojarinn kallar þá en við myndum segja hraðfiskibátar fínir skakbátar. Ég myndi halda að flotur sómi 990 væri góður hérna svo þegar ég verð orðinn ríkur af þessu útgerðarbrölti kaupi ég mér nýjan Sóma 990 með beini skrúfu set á hann messan og hef snuðgír þá væri kominn flottur skakbátur.

 

 

 

Bræla

 

Það gefur ekki á sjóinn það varla gefur í búðina semn er í 500m fjarlægð. Það hefur blásið hérna í Röst síðan á fimmtudaginn allur skakflotinn hefur verið bundinn síðan kl 10 á fimmtudagsmorgun. Ég var með strákunum á Edvind Olai á fimmtudaginn og föstudaginn en þá drögum við upp. Á laugardaginn var hann eitthvað orðinn órólegur og fór og lagði tvær trossur í skítakalda og var farið að draga þær í gær í skítakalda en það var enginn árangur bara þari og drulla og mjög lítið að fiski. 

Svo netin eru aftan á hekki en fara að öllu líkindum í hafið í dag því það spáir vel á morgun. Á morgun er hann að lofa okkur laberbris fyrst sunnan en svo á hann að snúa sér í norðan þannig að það verður að öllum líkindum skakveður á morgun svo við félagarnir á Jakob förum ef spáin gengur eftir.

Það er farið að fiskast inn í Lofoten svo fiskurinn er að skríða inn. Einnig er alveg mok norður í Finnmark hefur verið bókstaflega landburður þegar gefið hefur á sjó. Og hafa stóru snurvoðabátarnir verið að koma með yfir 100 tonn eftir daginn svo núna er búið að setja þak á þá meiga ekki koma með meira heldur en 40 tonn á dag. Ég hugsa það verði algjört kaos upp í Finnmark eftir páska því það eru svo margir sem eiga eftir kvóta.

Það er búið að auka kvótann í opna kerfinu ( opne gruppe) nú má ég fiska 44 tonn af þorski og aðrar tegundir frjálsar var kvótinn aukinn um 30%. Heildarþorskkvótinn sem opnakerfið hefur er rétt rúm 25 þúsund tonn af þorski 4500 tonn af ýsu og eitthvað svipað að ufsa. Svo fáum við 2000 tonn af þorski sem verður notað í meðaflaregluna.Þar sem ýsukvótinn og ufsakvótinn hafa ekki náðst undanfarin ár er þær veiðar frjálsar þangað til heildarmagni er náð. Eins hefur verið með þorskinn hann hefur ekki náðst í mörg ár þ.e.a.s heildarkvótinn náðist reyndar í fyrra þegar veiðar voru frjálsar og einstaklega gott veður fyrir smábáta alveg öfugt í ár og eru menn farnir að sjá að kvótinn mun ekki nást í ár. Í opnu kerfinu er nefnilega margir litlir bátar miklu minni en Jakob og er orðið nokkuð fyrirsjáanlegt að margir munu ekki veiða þorskkvótann sinn í ár. Og þá eru gerðar svona endurúthlutanir ( refordeling) Kvótinn í opna kerfinu hefur ekki verið aukin eins mikið og í öðrum flokkum og nú þegar kvótinn fer niður á við eins og í ár þegar heildarkvótinn dregst saman um 15% eru við með sama kvóta eins og í fyrra. 

Kominn í Röst

Og byrjaður að juksa eða skaka eins og við íslendingar segjum. Var farið yfir Vestfjorden á sunnudaginn og á mánudaginn var bara landlega vegna veðurs ekkert óvenjulegt við Röst að það blási enda eru þetta bara hólmar úti í balarhafi. Á þriðjudaginn var dagurinn tekinn svona snemma eða kannski ekki en farið var í róður kl06 var haldið að utanverðu farið svokallaða Alskjerleia fínt að fara hana í myrkri þá sérðu ekki skerin og botninn allt í kring. En ekki gekk það nú vel þarna hjá undirrituðum þarna rak mikið og glæjaði færið og enginn fiskur voru þarna yfir 15 skakbátar svona svipað og á Kóparifinu á góðum degi. Þegar ég var búinn að eyða einhverjum 4 klukkutímum þarna yfir óskaplega lítið fór ég bara í fýlu og kippti fór á innanverðu þar var nú bara skítakaldi en rak ekki eins svo það kom svona einn og einn fiskur svo upplitið á íslendingum varð aðeins betra.

 

Allt klárt fyrir fyrsta róður og þarna sést glitta í nýju rúlluna aftast BJ 5000 ex.

 

 

 

 

 

 

 

 

 

 

 

Daginn kláraði ég þarna að innanverðum og rúlluðum við Jakob þarna til rúmlega fjögur en þá var haldið í land og dagsaflanum landað. Á miðvikudaginn var vaknað kl 05 og haldið í róður. Var aðeins betra útlit og fínt veður mjög óvenjulegt í Röst. Þann dag kom svona einn og einn allann daginn og endaði dagsaflinn í 900 kg. Svo þessa tvo daga er ég búinn að hafa akkúrt rúmlega strandveiðiskammtinn í heildarafla deilt niður á dagana. Ég er farinn að skilja norðmennina betur og betur hvernig þeir útbúa bátana dóla upp í allann daginn og hafa messansegl til að halda bátnum stöðugum upp í vindinn þannig minnka þeir rekið alveg heilt ósköp. Ég íslendingurinn hefði átt að gera meira grín af þessum stöngum út í loftið allstaðar.

 

 

Allar vindur í action, en lítið um fisk þarna í augnablikinu.

 

 

 

 

 

 

 

 

 

 

 

Hér svo týpiskur norskur skakbátur kannski ekki útlitslega en þarna sjáum við stangirnar langt út loftið og svo ef það er vindur þá dóla þeir upp í veðrið og nota messansegl til stýra sér þessi er reyndar bara á íslensku flatreki enda gott í sjóinn hann er meira segja með messanseglið niðri kannski er þetta bara íslendingur.

 

 

 

 

 

 

 

 

 

 

 

 

 

 

 

 

 

Svo í morgun var Jakob bara skilinn eftir í flotbryggjunni og haldið á net á Edvind Olai það verður ekkert skakveður heldur á morgun svo þá fer ég einnig á net á laugardaginn er svo stromspá svona þann dag verður hvorki skakveður eða netaveður. En eins og veðurspáin er núna veður ekkert skakveður fyrr en fyrsta lagi á mánudaginn já Röst getur verið erfið bara vona að það verði komið almennilegt fiskerí þegar krókunum verði dýft næst í hafið, með þessu áframhaldi verði ég alveg fram til jóla að klára kvótann.

 

 

 

Stjórnstöðin um borð í Jakob allt undir control.

 

Margt getur breyst.

Já margt getur breyst og það fljótt. Á síðasta laugardag var nokkuð ljóst að með svipuðu fiskerí yrðum við búnir með kvótann á viku enn á síðasta þriðjudag var bara lélegt fiskerí eða eigum við ekki að segja mikið minna heldur en var búið að vera og þarna á þriðjudaginn ákvað skipperern bara að draga upp og flytja sig frá Senjahopen til Röst. 

 

 

 

 

 

 

 

 

 

 

 

 

 

Ég hafði nú verið með hugmynd að þegar við værum búnir með kvótann færi ég norður eftir var með hugann við Havoysund og vera á skaki þar. En þarna á þriðjudeginum þegar búið var að draga eina trossu er ég bara spurður kemur þú ekki bara með í Röst og klárar kvótann sem við eigum eftir og svo getur þú byrjað á skaki þar frá. Ég fékk ca 4 tíma til að ákveða mig svo kl 15 þarna á þriðjudeginum vorum við komnir á fulla ferð frá Senjahopen til Röst og var planið að ég færi beint en þeir ætluðu að koma við í Reipa að ná í nýja bátinn. Var ég tekinn í tog yfir blánóttina svo ég gæti sofið. Þegar var verið að taka mig tók ég eftir gati á Jakob sem sagt skemmd á bógnum bakborðsmegin héldum við fryst að við að þetta hefði gerst þarna um nóttina þegar ég fór yfir í Edvind Olai að borða en ég útilokaði það þegar ég gáði í kojuna bakborðsmegin hún var bara hálffull af sjó Og var það alveg ljóst að þetta hafði gerst upp í Senjahopen. Og að öllum líkindum trébáturinn sem lág fyrir framan mig hafði komið í bátinn í óveðrinu Ole. Ég bara ekki tekið eftir því vegna þess að það var snjór yfir öllu ég bara sá ekki gatið. 

 

Þegar þetta var orðið ljóst breytti ég líka planinu og fór einnig til Reipa til að gera við bátinn plasta í gatið. Svo nú ligg ég hérna í Reipa nánast orðinn klár til að fara en að sjálfsögðu er ekkert ferðaveður yfir Vestfjorden fyrir mig svo það er ekkert að gera nema bara bíða. 

 

 

 

 

 

 

 

Bráðabirgðaviðgerðin sem framkvæmd var úti á sjó

 

 

 

 

 

 

 

 

 

 

 

 

Af því ég er búinn að þjéna svo vel þá ákvað ég að kaupa eina skakrúllu til og varð fyrir valinu BJ5000EX. Borgaði ég fyrir hana 19.000.- norskar krónur. Og ætlaði ég að nota daginn dag ( föstudaginn) til að tengja hana og koma henni fyrir, ég átti að fá hana með hurtigruta í morgun en að sjálfsögðu fór hún ekki alveg rétta leið var send með Fjordlast sem er lítið flutingaskip sem gengur hérna á ströndinni svo hún á að koma í fyrramálið.

 

 

 

 

 

 

 

 

 

 

 

 

 

Við komum til Reipa á miðvikudagskvöld eftir rúmlega sólarhringssiglingu frá Senjahopen.

 

Hér sjáum við Haughei en hann lagði af stað á fimmtudagsmorgunin til Röst og er einn íslendingur í áhöfn

 

 

 

 

 

 

 

 

 

 

 

Nú er bara fínt veður

Og róið hvern dag. Það var landlega á miðvikudaginn fram til kl 12 en þá fórum við út að leggja í haugabrælu NV kaldadrullu með 6 til 8 metra ölduhæð en það bara gekk vel. Á fimmtudaginn var bara komið fínt veður besta veðrið á þessari vertíð hlýtt og mild ( á norðnoregs mælikvarða). Fiskerí hefur verið ágætt þetta 7 tonn í róðri erum við búnir að fiska fyrir 680 þúsund norskar á þessari vertíð og það er farið að síga á seinnihlutann kvótinn á Edvind olai er búinn og nú erum við byrjaðir á kvóta sem er Agnete en þannig er að bátar sem eru undir 11 metrar ( eða hafa kvóta undir 11m ) meiga samfiska þ.e.a.s tveir útgerðarmenn geta tekið tvo kvóta á einn bát og þannig gera þeir þetta feðganir. Leif á Agnete og samfiskar með syni sínum. Svo nú er ég farinn að vinna hjá Leif búinn hjá Lars. 

 

 

 

 

 

 

 

 

 

 

 

 

 

Ef allt gengur upp ætti við að vera búnir með þennan kvóta eftir viku ( ef við fáum veður). Allavega ætla þeir feðgar heim á næstu helgi að sækja nýjasta bátinn og halda áfram á honum en ég mun kveðja þá og byrja á Jakob reyna byrja fiska á hann. Svo þetta verður þokkalegt start hjá mér ca 200 þúsund norskar fyrir þessa vertíð og svo ef ég næ kvótanum á Jakob verður það 400 þúsund í viðbót. En það er nú ekki komið í bók.

 

 

 

Einn Íslenskur " Elise Kristin seigur.

 

 

 

 

 

 

 

 

 

Og Hann notar íslensk kör

 

 

 

 

 

 

 

 

 

 

 

 

 

Kaldbakur kom aftur snemma í morgun að landa og er farinn aftur. Síðast landaði hann ca 80 tonnum og í dag landaði hann ca 45 tonnum svo það er ekkert svakalegt mok. Sennilega erum við komnir toppinn hérna í Barentshafinu og nú fer að minnka fiskurinn alveg eðlilegt segir hann Leif sem er að róa sína vertíð nr 50. Það er ekki svo langt síðan 1989 hann hafði 7 tonn í kvóta á bátinn sinn en í ár hefur hann 46 tonn ( miðað við slægðann fisk hauslausann). svona var þetta líka 1968 en þá fiskaði hann 18 tonn frá miðjum janúar til og með apríl. En svo það fór að upp á við og var mokveiði 1970, 1971 og 1972. En hann hefur samt ekki upplífað eins mikla veiði eins og hefur verið síðustu þrjú ár. Talar jafnvel um óraunverulega veiði. En við skulum vona að það verði allavega veiði mars og apríl hjá mér.

 

 

Bara komnir fjórir róðrar í röð.

Já það eru komnir fjórir róðrar í röð eftir stóru bræluna en netin eru aftur komin aftur á hekk þannig að það verður ekki sjóveður á morgun leiðindaspá. En það jákvæða er fiskurinn er kominn svo það er búið að vera betri veiði. 7 tonn í dag og 12 tonn í gær. Svo það er ágætt fiskerí fyrir þrjá kalla.

 

 

 

 

 

 

 

 

 

 

 

 

 

Svo við erum næstum búnir með fyrsta kvótann í 7 sjóferðum 54 tonn svo það hefur svo sem verið ágætt en veður hefur verið að hamla Þó við séum búnir að fara bara 7 ferðir þá eru komnar þrjá vikur síðan við komum hingað. Svo að sjálfsögðu er allur kvótinn eftir hjá mér á Jakob því aðeins er búið að fiska 600 kg þar.

 

 

 

Það er ræs kl 0530 og svo er brottför kl 0600 og komið í fyrstu trossu kl 07 og yfirleitt er við komnir á landstím um hádegið en í gær voru við reyndar ekki komnir á landstím fyrr en kl 15 en þá voru líka um 12 tonn í lestinni eða lestunum því það eru þrjár lestar í honum Edvind Olai. 

 

 

 

 

 

Kaldbakur EA kom hér í fyrradag að landa eða það tel ég nokkuð öruggt að hann hafi verið að landa hérna. En Samherji sem á Kaldbak í gegnum dótturfélagið Útgerðarfélag Akureyinga ( Ú.A) hefur keypt 25 % í Nergaard sem er hérna á Senja og er með margar fiskverkanir og á einnig sex togara. Bara hér í Senjahopen er stór fiskverkun og rækjuvinnsla á vegum Nergaard en þeir eru víðar eins og í Breivikbotn í Finnmörku, Bö í Vestralen og svo eru þeir með vinnslur víða á eyjunni Senju. Senjahopen, Gryllefjord.

 

Kaldbakur við bryggju í Senjahopen 

 

 

 

 

 

 

 

 

 

 

 

 

Og hérna sjáum við Kaldbak á leiðinni til Senjahopen. Það vil svo skemmtilega til að ég hef verið í áhöfn um borð í Kaldbak ekki í langann tíma en ég fór þarna sem annar stýrimaður fyrir langa löngu eða fyrir ca 8 árum en þá var þessi togari í eigu Brim Hf.

 

 

 

 

 

 

 

Komnir á hafið nýjan leik.

Já við strákarnir á edvind Olai erum komnir á á stað á nýjan leik eftir 9 daga brælu. En við fórum út í gær í NW kaldadrullu til að leggja og má segja að Edvind hafi rúllað og rúllað þannig að undirritaður varð bara sjóveikur hjá hann lét kallinn sko sannanlega finna fyrir því gær. já þessir breiðu, stuttu og djúpu bátar geta sko rúllað enda hefur maður prufað þá nokkra sem eru þannig. Hér um borð er líka stýrishúsið og borðsalurinn nánast fram í stefni svo það var veltingur til hliðar og svo upp og niður eins og að vera í stórri skopparkringlu á fleygiferð.

 

 

Við lögðum 4 trossur og svo var haldið á stað í morgun til að draga og hann Edvind byrjaði að rúlla og rúlla þegar við vorum komnir út úr innsiglingunni. Ég hugsa að það hefði farið betur á því á litla Jakob. Og svona var þetta í allann dag hopp og skopp en sem betur fer var dagurinn ekki langur því við vorum komnir í höfn kl 1330 með rúm sex tonn af óslægðum fiski tæp 4 tonn af slægðum fiski og fengum við tæpar 66 þúsund norskar krónur fyrir daginn. Svo þessi rúllingur borgaði sig kannski því  ca 10 þúsund norskar í vasann í dag. Og að sjálfsöðgu var druslunum ( úps trossunum) hent út aftur svo það verður skopparakringla á morgun. Svo nú er ekkert nema fara fljótlega koma sér í koju og hlakka til næsta róðurs og næsta 10 þúsund kalls.

 

Það er frekar kuldalegt hérna í Senjahopen búið að kingja niður sjó og frekar kalt en það var 6 gráðu frost í dag. En það spáir hlýnandi á að vera komið yfir frostmark á mánudaginn og meiri sunnanátt svo það verður ekki svona rúllingur eins og í dag og gær. 

 

 

 

 

 

 

 

 

Svona lítur þetta út hjá okkur á flotbryggjunni hérna í Senjahopen. Nóg af snjó og snjókomu. 

 

 

 

 

 

 

 

 

 

 

Þessir tveir voru hérna á ferðinni Qua Vadis og Nord Jarl. Quva Vadis er alveg glænýr snurvoða og nótaskip eitt af mörgum sem hafa komið hérna síðustu árin hugsa að hann rúlli ekki mikið. Nord Jarl er svo flutingaskip sem siglir á norsku ströndinni og þar er skólabróðir minn stýrimaður hann sagði mér reyndar á fimmtudaginn þegar hann fór héðan út að það væri ekkert veður fyrir okkur.

 

 

 

 

 

 

 

 

 

 

 

 

 

 

Og aftur landlega.

 

Já það ætlar bara stormur á eftir storm. Lægjir bara í nokkra tíma svo kemur hann með storm. Orsökin er hæð sem liggur yfir Bretlandseyjum svo við fáum alla súpuna beint til hingað þegar lægðirnar eru búnar blása á Íslandi.

 

Allir bátar eru í höfn hér sjáum við Snurvoðaflotann. liggja við hjá Aksel Hansen.

 

 

 

 

 

 

 

 

 

 

Nú verandi landlega verður vikugömul á morgun sem sagt við höfum ekki farið á sjóinn í heila viku þetta er byrjað að vera frekar pirrandi. Þegar lítið er hægt að róa kemur lítið inn á bankabókina. En það fer allatf eitthvað út.

 

 

Í dag lægði hann í nokkra klukkutíma þá var notað tækifærið og tekinn góður göngutúr Senjahopen aðeins skoðaður eða skoðuð eftir hvort bærinn er kvenkyns eða karlkyns. 

 

 

 

 

 

 

 

 

Það eru bara fjöll allt í kring og þau eru frekar há. Það er alveg óhætt að segja að hér er ekki byggt á sandi heldur á bjargi.

 

Svo það er lítið annað gera núna en að blogga og reyna láta tímann líða og nota útskotin á milli óveðra að taka göngutúra. Ég er einnig að reyna að vinna aðeins í honum Jakob gera svona fyrirbyggjandi viðhald. En held það sé bjartsýni eins og staðan er núna að ég verði byrjaður á honum Jakob 1. mars. Nema skreien láti fljótlega sjá sig og við förum að komast á sjó og í framhaldinu fá fisk í lestina.