Beðið eftir að verða leystir af.

Nú er komin blíða hjá okkur eftir frekar leiðinlega helgi veltingur og aftur veltingur. Nú bíðum við eftir að verða leystir af. Polarfangst er í þessum töluðum orðum í Alasundi að bíða eftir að hann lygni en búið blása þarna í kringum Stad alveg upp í fullstorm. Skiftunum hefur seinkað um allavega sólarhring. 

En það er eitt sem maður ræður ekki við en það er veðrið svo þessu verður maður að taka eins og öðru við förum sennilega til Averöy þar sem nú stendur til að taka skipið í slipp. það er svona 30 til 35 tíma sigling þangað, svo það lítur út fyrir að við gætum verið þar í fyrsta lagi föstudagsmorgun.

En við erum búnir að hafa það gott hérna þennan túrinn veður hefur verið frekar hagstætt þó ekki svo margir bræludagar bara svona til að maður gleymi ekki fílingnum við veltinginn.

 

 Norræna kom á sínum venjulega tíma og renndi sér framhjá okkur. Í kaldaskít á sunnudaginn.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Normand Prosper að veita okkur félagsskap í brælunni 

Föstudagur og bræla.

Fjórði föstudagurinn hérna og bræla ekkert annað að gera en slóa upp veðrið. Annars hefur lítið verið að gera þessa viku eins og fyrri vikur hérna á svæðinu. Normand Prosper kom þó og er byrjaður að leggja út akkeri fyrir borpallinn. Hefur hann lokið að leggja út fimm akkeri af átta. En í augnablikinu er hann ekki að vinna og er að slóa hérna við hliðina á okkur. Ölduspáin fyrir næstu 24 tíma er yfir mörkum til að hann hafi leyfi til að vinna en það er spáð 4 m ölduhæð næsta sólarhringinn mörkin sem hann hefur er 3,5 m. Normand Porsper er þó enginn smádallur 96m langur og 24 metra breiður. Hann er tvær aðalvélar sem eru 7680 kw. og gefa þær honum togkraft upp á 338 tonn og 19,8 sjm ferð á klukkustund. Við hérna við hliðina á honum erum með 565 ha callesen og kannski 5 tonna togkraft, og erum 27 m og 6 breidd. og mesti ganghraði ég hef séð er hjá okkur 10,2 sjm/klst en yfirleitt svona ca 8,1 sjm/klst.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

En að öðru Polarfangst leggur ef allt er eðlilegt í kvöld og verður því kominn til okkar á mánudagskvöld eða þriðjudagsmorgun og þá förum við til Alasund og förum sennilega í slipp en það er farinn heddpakking hjá okkur á cylender nr 2. Svo var einnig verið að tala um að botnhreinsa og mála. Svo það er farið að styttast í þessum túr hjá okkur, og það virðist ætla verða bræla hérna í Norðursjónum næstu daga svona til hafa okkur algjörlega úrvinda þegar komið verður í höfn. 

 

 

Þriðji sunnudagurinn á Altasvæðinu

Já þriðji sunnudagurinn hérna hjá okkur, kokkurinn að elda lambakótilettur í brauðraspi, hann fékk sko uppskriftina hjá mér pólverjarnir vilja bara kjötpylsur og kartöflur rússinn étur hins vegar allt enda vel upp alinn kommúnisti, rauður í gegn.Svo hlýtur að verða ís í eftirrétt og niðursoðnir ávextir.

Veður hefur verið frekar leiðinlegt síðustu dag norðan kaldi og veltingur og í gær snjóaði á tímabili, nú er hins vegar vestankaldi sem á að lægja í kvöld og svo á morgun verður kominn blíða.

Allt við sam þennan sunnudagsmorgun eins fyrri Norröna og Goðafoss renndu sér hérna framhjá.

Komin er dagseting á skipti hérna á svæðinu en Polarfangst á að koma og leysa okkur af 15. maí og vera í einn mánuð eftir það á víst Polar Atlantic að koma þetta er orðið svolítið flókið.

Í næstu viku dregur til tíðinda hérna á svæðinu en þá byrja framkvæmdir Dráttarskipið Saltfjord er væntanlegt til að leggja út akkeri fyrir borpallinn Borgland Dolphin svo allt fer að gerast, verður ekki eins einmannalegt hérna. Reikna þeir með að Saltfjord verði svona ca viku að störfum hér og svo í framhaldinu kemur pallurinn. 

 

Haukur renndi framhjá okkur í gærmorgun í kaldanum Kannski með fulla lest af kalkþörungi til Frakklands eða Írlands. 

 

 

 

 

 

 

 

 

 

 

 

 Hér sjáum við bróður Borgland Dolphin eða Bredford Dolphin en hann heimsótti okkur í morgun en það var verið að flytja norður á Albertfelten ekki alveg með á hreinu hvar það er. Tvö dráttarskip (finnst einhvern veginn asnalegt að segja dráttarbátur um 90. metra langt skip) voru að draga han og svo var eitt serch and rescue skip og sérhæft tækniskip.

 

 

 

 

 

 

 Hérna sést reyndar aðeins annar dráttarskipið og Bredford Dolphin þeir voru svona á ca 5 sjm ferð þegar þessi fylking fór framhjá okkur.

Tvær vikur búnar.

Tvær vikur búnar hjá okkur köllunum á Polarhav, ætli verði ekki vöfflur í dag svona í tilefni af deginum. Tíminn flýgur alveg áfram svona þegar maður hefur lítið eða ekkert að gera. Samt hefur nú bara verið töluverð fiskiskipatraffik hjá okkur þessa vikuna, danskir, skoskir, þýskur og svo eitt hafrannsóknarskip " Scotia " sem kastði trollinu í nágrenni við okkur í fyrradag. og enginn hefur verið með frekju eða læti allir bara sýnt okkur tillitsemi kannski búnir að frétta að það væri íslendingur skipstjóri og það borgaði sig ekki að æsa sig þá jólasveina.

Við erum búnir að halda alllar þær æfingar sem hægt er að hugsa sér mob (maður fyrir borð), firedrill (brunaæfingu) og svo framvegis.

En er búrið fullt af góðgæti svo góður matur á hverjum degi og meiri segja fiskur en við flökuðum alveg helling af fiski á vertíðnni til að eiga til góða.

Veður hefur leikið við okkur tveir bræludagar annars hefur skipið ekki hreyfst en sennilega verður breyting á því á morgun er hann að spá kaldaskít frá Norðvestri og er nú þegar farið að setja í smá sjó en á sunnudaginn á að vera komin blíða á ný.

 

Hér sjáum við Albert sem er að fara að prufa léttbátinn. Albert kemur frá Rússlandi en býr í Noregi hann er búinn að vera um borð í Polarhav síðan 15. janúar án þess að fara heim. Er eitthvað farinn að tala um að hann sé orðinn frekar þreyttur. En hann er vanur löngum útverum var sjómaður í mörg ár í úthafsflota U.S.S.R og þá var ekki óalgengt að túrarnir værum 6 mánuðir. ( svo er ég farinn að vera pirraður eftir 6.vikur)

 

 

 

 

 

Hérna er undirritaður að prufa léttbátinn í blíðunni.

 

 

 

 

 

 

 

 

 

 

 

Guard vessel Polarhav.

 

 

 

 

 

 

 

 

 

 

 

Tekur sig bara vel út Polarhav eða eigum við að segja Heimskautahafið á íslensku.

 

 

 

 

 

 

 

 

 

 

Þessi setist á brúarvænginn hjá okkur í gær og lét sér fátt um finnast. En það er alveg greinilegt að mávastofninn hérna er ekki í útrýmingarhættu því hér eru breiðurnar af þessum fugli og Polarhav er orðið útskitið eftir þessi kvikindi, eru alveg siðblindir bara skíta þar sem þeir sitja svona svipað og önnur fuglategund "sem var áberandi á Íslandi fyrir þetta svo kallaða hrun.

 

 

 

 

 

Svo að lokum sjáum við Hafrannsóknarskipið Scotia. Flott skip  

Sunnudagur á Atlafelten

Eftir velting síðustu daga heilsar sunnudagurinn með rjómablíðu og sól, samt er frekar kald. En síðsutu dagar hafa verið hálfleiðinlegir veltingur ekki beint bræla en helvítis veltingur. 

Lítið hefur verið um fiskiskip á nágrenninu fengum þó einn snurvoðarbát í gær " Helgeland" sem var þýskur.

Það renna alltaf sömu skipin hérna í gegn eins og Dettifoss og Norröna.

 

Elisabeth Knutsen renndi framhjá okkur í gær rétt rúmlega 266 m.

Komið til að ná í gas.

 

 

 

 

 

 

 

 

 

 

 

Hún Elisabeth Knutsen hreyfðist ekki í kaldanum í gær enginn veltingur.

 

 

 

 

 

 

 

 

 

 

Hún Norröna heimsækir okkur reglulega á sunnudögum hérna rennir hún sér framhjá okkur í morgun.

 

 

 

 

 

 

 

 

 

Nú er ekkert nema prufa en að skaka hvort við fáum fisk, en við höfum ekki orðinr varir við fisk ennþá 

Ein vika búin.

Ein vika búin hérna hjá okkur félögunum á Guard vessel " Polarhav " á Atla location. Talað var um þrjár vikur þangað til að Polar Atlantic kæmi og leysti okkur af. Svo á Polar Atlantic að vera hérna í það minnsta til 15. okt 2012, en planið er að Polarhav fari aftur á fisk. Grálúðuvertíðin byrjar núna í endað maí og svo í framhaldinu er talað um skötusel.

Þessi vika hefur verið tíðindalaus, þrisvar orðið varir við fiskibát og einu sinni sett á ferð að fiskibát þar sem hann ekki svaraði þegar hann var kallaður á ch 16. Það reyndist vera togbáturinn Ocean Venture frá Peterhead í Skotlandi var hann að trolla ca 6 sjm Norður af okkar gæslusvæði. Fór það allt friðsamlega fram og báturinn hífði og svo togaði sig svo til baka. Var hann að eltast við monkfish eða skötusel, ég sá að hann notaði rockhoppertroll og notaði bara eitt troll svo ég spurði hvort hann væri ekki útbúin fyrir tvo troll þá notaði hann aðeins tvo troll þegar hann var að trolla með fótreipi.

 Ocean Venture

 

 

 

 

 

 

 

 

 

 

 

 

Var ánægður að sjá að hann var með Bison hlera af því ég er svo mikill Bison maður. Hann átti eftir tvo daga á veiðum svo yrði haldið til Peterhead og landað á markaðinn, spurði hann um verð og hann sagði að eftir páska væri verðið búið að vera gott og menn kvörtuðu ekki.

 

 

 

 

 

 

 

 

Þessi tekin í blíðunni í fyrradag

 

 

 

 

 

 

 

 

 

 

Læt þetta ekki vera lengra að sinni hérna frá Atla gassvæðinu. 

Rólegt hjá okkur nú.

Já núna er rólegt hjá okkur, akkúrat ekkert að gera litill skipaumferð og engir fiskibátar í nálægt. Helgafell renndi framhjá okkur í nótt á 16 sjm hraða. Gott veður hefur verið og ágætt hitastig. 

Við erum eina skipið hérna núna að vernda þessar dýrmætu gaslindir.

Nú er vika síðan við lögðum í hann frá Örnes svo ein vika búin hvað ætli séu margar vikur eftir, talað var um 3.vikur þegar við lögðum í hann hver veit, eigum nógann mat því ég bókstaflega fyllti dallinn af mat áður en við fórum. Ekki gott að verða matarlausir eins og hérna um árið þegar eina sem við borðuðum í heila viku var spagetti og beljukjöt, við sultum svo sem ekki en var orðið helvíti leiðinlegt síðustu dagana.

Veður hefur leikið við okkur eins og ég sagði hérna að ofan.

 

 sólin að setjast í gærkveldi.

 

 

 

 

 

 

 

 

 

 

 

Og sólin að koma upp í morgun

 

 

 

 

 

 

 

 

 

 

 

Þessi renndi framhjá okkur í gær. Far Serenade heitir hann þjónustuskip við borpallana hérna Heimdal og Jotun.

 

 

 

 

 

 

 

 

 

 

Komnir á áfangastað.

Já nú erum við komnir á okkar stað hér Norðursjónum. Við komum hérna nákvæmlega kl 1740 þann 19. apríl leystum við af Kongsnes og hann hélt heim á leið. Lítið hefur verið um að vera nokkrir fiskibátar á togveiðum í kantinum suður af okkur. Reyndar kom í gærkveldi lítill skoskur togbátur og togaði inn í okkar zone, og brást hann illa við þegar ég hafði samband við hann og bað hann að virða okkar vinnusvæði blótaði hann mér en þó aðallega frekjuhundunum þessum olíufyrirtækjum, að mörgu leyti alveg sammála manninum við höfum 12 sjm Öryggisviðmið og samkvæmt okkar leiðbeiningum eigum við að biðja öll fiskiskip að halda sig fjarri þessum viðmiðum miðað fyrri verk væri nóg að hafa hámark 3 sjm öryggsiviðmið en það er önnur saga. Við svo fylgdumst svo með honum og plotuðum hann þangað til hann var kominn út fyrir okkar viðmið.

Við erum að gæta tveggja svæða sem heita Atla og Byggve- Tee og til heyra eins og er Heimdalsvæðinu en í framtíðinnu mun þetta verða Atlafelt hér eiga að vera mikilar gaslindir og  er meiningin að hefja vinnslu á gasi. Og mun koma borpallur í byrjun maí og byrja tilraunaboranir á Atlasvæðinu. En þeir áætla að vinnsla verði komin í gang í okt 2012, þeir reikna með að kostnaður við þessa uppbyggingu verði ca 1,2 miljarðir norskra króna. Við erum að vinna fyrir Subsea7. fyrirtækið fékk það verkefni að leggja leiðslur ( flowline) milli Atla og Byggve-Tee.

Eins og erum erum við eina skipið hérna á svæðinu. Og undir okkur er miklar gaslindir eins gott að þetta er nánast reyklaust skip!.

 

 

 

 

 

 

 

 

 

 

 

 

Nýja Telenor internetkerfið virkar bara ágætlega hérna úti en við erum ca 80 sjm frá landi. Höfum Internet þó það sé ekki mjög hraðvirkt virkar það ágætlega.

 

 

Danskur fiskibátur að toga suður af okkur í fyrradag.

 

 

 

 

 

 

 

 

 

 

Nú er bara bíða og bíða gott veður er í augnablikinu og bara hlýtt. 

Hálfnað verk þá hafið er.

Já nú er ferðalag okkar rúmlega hálfnað við vorum að fara frá Alasundi fyrir ca klukkutíma síðan. og nú eru bara 203 sjm eftir og við reiknum með að vera komnir á áætlunarstað kl 1600 á morgun 19. apríl.

Við stoppuðum ca tvo tíma í Alasundi tókum 25 þúsund ltr af olíu og versluðum smá og lögðum svo í hann aftur. Ég heyrði aðeins í skipstjóranum á Kongsnes sem við erum að fara leysa af og það verður bara segjast eins og er að hann var þreyttur búið að vera erfiður mánuður  alltaf bræla ogsvo hafa þeir haft mikill vandræði með aðalvélina svo ekki verið skemmtilegur túr hjá þeim.

Þegar við fórum í gegnum Lepsoyrevet og Mortengrunnen var þessi dýpkunarpammi að störfum en dýpið þarna í gegn er rétt um 3,5 til 4 fm og síðasta sumar strandaði hurtigruta þarna held að það þurfi stöðugt að vera dýpka þarna. Þarnaí gegnum fórum við á rúmum 10 sjm sem er bara met síðan ég kom hérna um borð.

 

 

 

 

 

 

 

 

 

 

 

 

 

 Þeir voru þarna á um 0,8 sjm ferð þegar við mættum þeim þarna

 

 

 

 

 

 

 

 

 

Álasund skartaði sýnu fínasta þegar við komum í dag sól og blíða.

 

 

 

 

 

 

 

 

 

 

 

 

 

 

 

 

 

 

 

 

 

Svo er bara sjá hvort þetta verði ekki síðasta blogfærsla í bili kemur í ljós á morgun hvort nýja internet kerfið frá Telenor virkar þarna frammi .

 

Komnir aftur á stað.

Já nú erum við lagðir af stað, í offshore vinnu. Eftir nokkra daga í heimahöfn þar sem meðal annars var gengið frá veiðarfærum, þrifið og smá viðhald. Lögðum við í hann í seinnipartinn í dag og nú er stefnan sett á Heimdalsvæðið sem er Vestur frá Stavanger svona mitt á milli Hjaltlandseyja og Noregs, þetta er rúmlega 500 sjm sigling en til Íslands þar sem ég er staddur nú er 640 sjm svo ekki verður annað sagt en að norska ströndin sé löng. Við þurfum að fara inn til Alasund á leiðinni til að taka olíu. Samkvæmt siglingaleiðinni okkar verðum við þar eftir hádegi á miðvikudaginn 18.apríl. Veður er gott í augnablikinu og tók ég þá ákvörðun að sigla utanskerja.

 

 

Hér sjáum við ferjuna Örnes renna framúr okkur í dag þegar við vorum að leggja af stað En þessi ferja tengir saman Meloysveitafélagið þ.e.a.s eyjarnar við fastalandið.

 

 

 

 

 

 

 

 

 

 Fallegt veður þegar við lögðum í hann í dag.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 Svona dagar fá mann til að gleyma brælunum, veltingnum og leiðindunum sem fylgir yfrirleitt brælunum.