Norska siglingastofnun á móti Polar Atlantic.

Þann 22.sept 2009 í Tromso var Polar Atlantic kyrrsettur vegna 16 atriða sem ekki voru í lagi og höfuðsökin var að ein lúga á millidekkinu var ekki útbúinn með fjarstýringu og það ætti að vera hurð á milli þar sem netin er lögð og millidekksins. Báturinn var kyrrsettur í 5 mánuði við bryggju í Tromso það mátti ekki einu sinni sigla honum í heimahöfn. Útgerðarmaðurinn stóð fast á því að þetta væri vitleysa í norsku siglingamálastofnun. Það var ekki fyrr en þann 23.feb 2010 sem norska siglingastofnun viðurkenndi misstökin og báturinn fékk leyfi til að fara á veiðar aftur. En á þessum tíma hafði báturinn misst af miklum möguleikum til að afla sér tekna. T.d brann inn stórhluti af þorskkvótanum en báturinn hafði verið á þorskanetum þegar hann var kyrrsettur. Útgerðarmaðurinn fór í mál við norska ríkið vegna þessa máls og krafðist 9 miljónir norskra króna ( Um 180 miljónir íslenskar) í bætur. Torleif (útgerðarmaðurinn) vann málið og nú má norska næringsminister punga út margar norskar miljónir, Torleif vill ekki segja mér hvað hann fékk í bætur en hann sagðist vera mjög sáttur.

 

Hér sjáum við Næringsminister Trond Giske vera þungann á brún þegar hann er ljóst að Norska siglingastofnun sem heyrir undir hans ráðuneyti hafði gert svona hrikaleg misstök sem mun kosta ríkið mikla peninga.

Það broslega í þessu að í Júlí 2009 fékk báturinn nýtt haffæri gefði út af sjofartdirektoratet (norska siglingastofnun) í Sandnessjoen. Svo þeir voru með mjög veikt mál alveg frá byrjun. Hvað ætli margir hafi lent í mörgum svipuð málum heima og ekkert fengið og jafnvel tapað málum ef farið er með þau fyrir rétt.

 

 

Hér sjáum við yfir höfnina í Reipa. Leithe (ex Brík) liggur þarna ásamt fleiri bátum.

 

 

 

 

 

 

Hér sjáum við Far Saga vinna samkvæmt mínum upplýsingum kostar sólarhringurinn á þessu skipi ef þið þurfið að gera eitthvað neðansjávar 250.000.- dollara eða um 29 miljónir íslenskar.

Ég er ekki alveg með það á hreinu hvað venjulegur supplybátur kostar á sólarhring. Góður dráttarbátur sedm notaður er til að draga olíuborpalla og fleira kostar svona um 400.000.- norskar á sólarhring 8,4 miljónir. Á síðasta ári þegar átti að draga borpall á Skarv svæðinu varð vikuseinkun og þá biðu fjórir stórir dráttarbátar tilbúnir eða standby og mælirinn bara tikkaði eins og í leigubíll. Vaktskip eins og Polar Atlantic kostar um 25 til 35 þús norskar á sólarhring. Það varð reyndar mikið verðstríð í þessum Guard bransa fyrir nokkrum árum og sólarhringurinn var kominn niður úr öllu valdi og margir fóru hreinlega á hausinn. Er ekki kominn tími til að stofna svona fyrirtæki heima í þessum bransa nú þegar drekasvæðið fer að byrja og bara fara í samkeppni við þá norsku. Við gætum allavega boðið lægri laun

Nordlandsbáturinn og fleira

Hér sjáum við hefðbundinn Nordlandsbát. Þetta er stolt Nordlendinga hérna, þessi týpa af bátum var ríkjandi hérna til fiskveiða og allra siglinga fram eftir öllu. Hann er byggður upp úr vikingabátum og er því aldaforn. Þessi mynd er að minnstu týpunni sem þeir kalla Færingen ( Fræeyingurinn (við bílddælingar gætum kallað hann Árna)) eða kjeks. Stærðin á honum er frá 14 til 16 fet og tvíæringur á íslensku to-roring á norsku. Þetta eru súðbyrðingar klinkbygde á norsku. Eins og má sjá á þessari mynd er þessi bátur bæði með segl og árar en þannig voru þeir flestir útbúnir. Þeir voru smíðaðir úr tvennskonar við furu og greni en furan var algengari. Þið munið kannski frá þáttunum Himmelbla þar sem einmitt var fjallað dálítið um Nordlandsbátinn.Nordlandsbáturinn var til frá to-roring til 14 til 16 fet og upp í Storfemböring sem var 52 fet. En hann var algengur sem sex eða áttæringur þá var stærðin 34 til 42 fet. Ef ykkur langar í svona bát eða flotta skjektu þá er bara kíkja bara inn á þessa síðu og panta www.ulf.no eða bara hringja í kallinn og fá upplýsingar og smíða hann sjálfur. Einnig er hægt að fá smá yfirlit yfir norldlandsbátinn hér www.lofoten.com/Lofoten-Historie-Lofotfisket/nordlandsbaten.html

Annars er bara lítið að frétta en að bíða eftir því að fara í slippinn en það er kominn hreyfing á málið. En ég hugsa að þetta verði samt síðasta vikan mín hérna í bili. Svo ég er farinn að huga að heimför. Nú eftir nokkra daga verður opnað fyrir bifangst hérna en þá máttu hafa 30 % þorsk sem meðafla á móti öðrum tegundum. Svo það verður léttara að fiska ufsa, karfa og ýsu en það þarf engann kvóta fyrir þær tegundir hérna. Það má segja að það sé bara þorskurinn sem sé kvótabundinn hérna allt annað er bara frítt þ.e.a.s kystbatana báta undir 28 m. Ég bara skil ekki hvers vegna allir þessir fiskistofnar séu ekki löngu útdauðir og að aðrar þjóðir skulu voga sér að kaupa norskann fisk þegar þeir eru með svona villimannslega hegðun við fiskveiðarnar annað en frændþjóðin Ísland.

Hér sjáum við svo bát upp í slippnum í Reipa. Þetta er Jon Ívar. Þennan eiga tveir eða þrír vinir og eru með hann á rækju og þorskanetum á vetrarvertíðinni á góðviðrisdögum hérna í Örnes kemur þessi og selur bæjarbúum nýveidda soða rækju. Það má segja að þetta sé nú bara hobbýbátur því þeir eru allir með fasta atvinnu á öðrum skipum og róa þessum bara í fríum. En það er mjög algengt hérna að menn sem eru á offshoreskipunum og ferjunum eigi bát sem þeir nota í fríum.

 

 

 

Á sunnudaginn ákvað ég að taka smábíltúr og fór út í Storvika sem er lítið þorp fyrir utan Örnes og smellti af þessum myndum á höfninni þar.

 

 

 

 

 

En það er mjög algent hérna að þeir sem nota höfnina sjái um rekstur og viðhald á þeim. Þá er sérstakur félagsskapur um höfnina.

En þetta naust er farið að láta á sjá.

 

 

 

 

 

Storvika er lítið þorp minna heldur en Bíldudalur en þeir hafa matvöruverslun já coop er á staðnum svo enginn þarf að svelta.

Hér sjáum við svona út höfnina. En við Storvika er fjara alvöru fjara með sandströnd og er þetta vinsælt að baða sig hér svona öðruvísi landslag heldur en víða hérna þar sem klöppinn nær bara fram í sjó.

 

 

 

Skaren.

Hér sjáum við Skaren sem ég fékk lánað til að mála síðurnnar á Polar Atlantic ég var ekki fyrr byrjaður en þann byrjaði að rigna svo mig vantar að klára smá vegis bakborðsmegin. Er orðinn dálítið þreyttur á þessari málingavinnu fara alla leið til Noregs til "mála". Við erum ekki farnir í slippinn ennþá útgerðarmaðurinn sagði það væri helt sikkert að það væri í þessari viku sem er að líða en nú er kominn Laugardagur og ekkert hefur gerst, stundum finnst mér eins og vikan hjá norðmönnum sé eins og einn klukkustund hjá okkur íslendingum ein vika til eða frá er ekki mikið hjá þeim blessuðum.

Skaren er byggður 1938 er ekki viss um að hann sé með orginal stýrishúsið en það er gamalt hann er notaður sem hobbýbátur af útgerðarmanninum en aðallega liggur hann við ból fyrir framan húsið hans það er bara málið að eiga bát þarf ekkert alltaf að vera nota hann.

Eftir kl tvö í gær kom Finn Arne og náði í bátinn hann var að fara með hann í verkefni inn í Glomfjord draga pramma með gröfu yfir fjörðinn og svo átti að leggja þessum gullmola við stjórann svo Torleif (útgerðarmaður gæti dáðst af honum). Það er þriggja cylendra GM í honum veit ekki hvort hún sé upprunaleg sennilega eru hún nokkuð yngri heldur en báturinn.

 

 

 

 

Svo hérna sjáum við Skaren kominn á fullu ferð á leiðinni erfitt verkefni en svo á eftir fær hann að hvíla sig hugsanlega fram á næsta sumar við sinn stjóra.

 

 

 

 

Að allt öðu þegar við vorum að landa í Napp í Maí síðastliðnum var þar beitingavélabátur sem leit frekar illa út greinilegt að eitthvað mikið hafði gerst, svo ég auðvita spurði hvað hafði gerst. Báturinn hafði sokkið við bryggju og svo þegar búið var að ná bátnum ákváðu eigendurnir að kaupa annan bát í staðinn fyrir að gera þennan upp, svo hann endaði þarna í Napp þeir sem ég talaði við þarna héltu að sjá sem hafði keypt hann hafi ætlað sér að gera hann upp en þeir vissu ekki meir.

 

Hér sjáum við svo mynd af bátnum liggja við bryggju í Napp. Þegar hann sökk 30. apríl 2004 við bryggju á eyjunni Averöy hét hann Urvaag og var með skráninguna M-73-AV. Talið botnloki hafi gefið sig. Það voru 80 tonn af olíu um borð í bátnum sem byrjaði að flæða út um loftinntökin en kafarar gátu þétt götin svo það hætti að leka. Báturinn var nýkominn úr slipp og var bara að fara sjó þegar þetta gerðist.

 

 

 

 

 

Hér Urvaag við bryggju þegar búið var að ná honum upp og hann lítur nánast svona út.

Ábyrgar fiskiveiðar.

Ég hef ætlað mér að vera ekki með pólítískar greinar hérna eða vera með nein áróður.En þetta hefur legið dálítið þungt á mér.

Stjórn LÍÚ 2010-2011: Standandi f.v.: Pétur H. Pálsson, varamaður, Kristján Vilhelmsson, Sigurgeir Brynjar Kristgeirsson, Eiríkur Tómasson, Hjörtur Gíslason, Ólafur Rögnvaldsson, Friðrik J. Arngrímsson, framkvæmdastjóri LÍÚ, Guðmundur Kristjánsson og Einar Valur Kristjánsson. Sitjandi f.v.: Gunnar Ásgeirsson, Stefán Friðriksson, Ólafur Marteinsson, Adolf Guðmundsson, formaður, Guðrún Lárusdóttir og Kristján Loftsson. Á myndina vantar Gunnþór Ingvason og Þorstein Erlingsson

 

Stjórn L.Í.Ú.  Flottur hópur.

Ábyrgar fiskveiðar!

Á vefsíðu L.Í.Ú segir:

Ábyrgar fiskveiðar

"Sjávarútvegur er ein af meginstoðum íslensks hagkerfis og samofinn sögu þjóðarinnar. Ábyrgar fiskveiðar á Íslandsmiðum eru forsenda þess að íslenskur sjávarútvegur verði áfram öflugur þáttur í atvinnulífi Íslendinga og meginstoð í vöruútflutningi landsmanna.

Á Íslandi hefur verið byggt upp fiskveiðistjórnunarkerfi til að tryggja ábyrgar fiskveiðar sem fela í sér viðhald fiskistofna og góða umgengni um vistkerfi hafsins. Stjórnun fiskveiða á Íslandi byggist í aðalatriðum á víðtækum rannsóknum á fiskistofnum og vistkerfi hafsins, ákvörðunum um veiðar og afla á grundvelli vísindalegrar ráðgjafar og öflugu eftirliti með veiðum og heildarafla. Þetta eru þær meginstoðir íslenskrar fiskveiðistjórnunar sem ætlað er að tryggja ábyrgar fiskveiðar og viðhald auðlinda hafsins til framtíðar.

Ákveðið hefur verið að auðkenna íslenskar sjávarafurðir sem unnar eru úr afla í íslenskri lögsögu með séríslensku merki. Merkið vísar til íslensks uppruna afurðanna og ábyrgra fiskveiða. Notkun þess er heimil á öllum mörkuðum fyrir sjávarafurðir og má jafnframt nota til að auðkenna afla íslenskra fiskiskipa úr deilistofnum sem lúta heildarstjórnun. "

Já þar höfum við það, þess vegna finnst mér það alveg stórfurðulegt að einn stjórnarmaður í þessum samtökum skuli nú vera vera nú grunaður um eitt stórfeldasta kvótasvindl í sögu í kerfsins, þegar hann sem meðlimur í Landssamtökum íslenskra útvegsmanna hefur tekið þátt að semja t.d ályktanir eins og þessa um ábyrgar fiskveiðar, flokkast það undir góða umgengni um vistkerfi hafsins að svindla fiski framhjá vigt svo enginn viti að hann hafi verið veiddur. Bátur Þorsteins fær úthlutað aflamarki á hverju ári á grundvelli "vísindalegrar ráðgjafar" sem hans samtök telja vera meginstoðin í ábyrgri fiskiveiðistjórn og til að fylgja eftir þessum vísndalegu úthlutun á aflaheimildum höfum við svo "öflugt eftirlit með veiðum og heildarafla.

Hvernig geta þessar áfleygu ályktanir verið pappírsins virði þegar kemur svo í ljós að meðlimir samtakanna og stjórnarmaður í samtökunum er grunaðir um kvótasvindl. Bara það að stjórnarmaður sé grunaður um stórfelt svindl á þessi" flotta" kerfi hlýtur að vera mikið áhyggjuefni fyrir samtökin í heild.

Um aflamarkskerfið segja þessir ágætu menn í L.Í.Ú eftirfarandi á sinni heimasíðu:

Aflamarkskerfið

"Íslenska fiskveiðistjórnunarkerfið er aflamarkskerfi eða kvótakerfi og er markmið þess að hámarka afrakstur fiskistofnanna og að arðsemi veiðanna verði sem mest til lengri tíma litið.

Í upphafi tíunda áratugarins var aflamarkskerfið fest í sessi á þann veg að útgerðarfyrirtækjum var úthlutað varanlegri aflahlutdeild í þeim tegundum sem voru kvótabundnar, þ.e. ákveðnu hlutfalli af leyfðum hámarksafla í viðkomandi fiskistofni. Það varð til þess að skapa meiri stöðugleika í rekstrinum og stuðlaði að því að fyrirtækin skipulögðu rekstur sinn með langtímamarkmið í huga. Einnig var fyrirtækjum heimilað að framselja sín á milli bæði aflahlutdeild, þ.e. varanlegan veiðikvóta og aflamark, þ.e. kvóta innan fiskveiðiársins. Þetta var gert í því skyni að útgerðarfyrirtækin gætu hagrætt í rekstri sínum, sameinað veiðiheimildir og aukið arðsemi greinarinnar. Frá tilkomu aflamarkskerfisins hefur stærstur hluti veiðiheimildanna skipt um hendur."

Samkvæmt skilgreiningu L.Í.Ú erum við aflamarkskerfið til að til að hámarka afrakstur fiskistofnanna og þar með arðsemi veiðanna til lengri tíma litið. Þá komum við aftur að því hvernig getum við trúað þessum orðum þegar við fáum svo í fréttum um kvótasvindl Saltvers ehf ekki hefur Þorsteinn Erlingsson verið að hugsa til lengri tíma þegar hann ákvað að fiskur af hans bát þyrfti ekki að fara á hafnarvogin hann hlýtur að hafa verið að hugsa um eitthvað allt annað heldur en um ábyrgar fiskveiðar. Hugmynd L.Í.Ú um að byggja um fiskistofnana getur ekki gengið upp ef þeir svo sjálfir ákveða að landa fiski framhjá vigt sem enginn veit um og hlýtur þess vegna gefa kolranga niðurstöðu varðandi stofnstærð á fiskistofnunum.

Það sem mig langar mest til að vita hvers vegna ákvað Þorsteinn og hans fyrirtæki Saltver ehf að landa fiski framhjá vigt, í kerfi sem hann sjálfur hefur barist fyrir og vill að verði hér áfram og helst í óbreyttri mynd. Útaf hverju keypti hann bara ekki meiri aflaheimildir eða leigði. Það er nú einn af hornsteinum þessa kerfis að mati L.Í.Ú og þar með Þorsteins Erlingssonar sjálfs.

Það verður fróðlegt að fylgjast með hvernig L.Í.Ú munu taka á þessi máli nú er ekki um að ræða einhvern kvótalausann aumingja sem er grunaður um að svindla fiski framhjá vigt heldur er um að ræða einn af æðstu prestunum sem hefur starfað lengi í samtökunum og er stjórnarmaður í þeim. Svo einhverjum innan samtakanna hlýtur að vera kunnugt um hvernig Þorsteinn var að tækla þeirra eigin kerfi eða kannski er þetta einstaka mál bara toppurinn á ísjakanum og þessar ályktanir á heimasíðunni bara froða sett fram til að blekkja auðtrúa íslendinginn..Húsið getur litið vel að utan og gluggarnir flottir en þú veist aldrei hvað er fyrir innan gardínunar.

Vill svo taka það fram lokin að Saltver ehf er grunað um að hafa landað fiski framhjá vigt svo þeir saklausir þangað til sekt er sönnuð. Samt alvarlegt mál. 

 

Lítið um að vera.

Það er lítið um að vera hérna í augnablikinu. Stundum held ég að hjá norðmenn skipti ekki máli vika til eða frá. Allavega var talað um að við ættum að fara upp í slippinn í þessari viku en núna er kominn fimmtudagur og ekkert hefur gerst. Svo ég hringdi nú í toppinn áðan og sagði honum að mér væri nú farið að leiðast þetta og vildi fá þetta á hreint. Þá sagði hann ég er nú bara vinna í þessu akkúrt núna og athuga hvort slippurinn getur tekið okkur, svo þannig standa málin og ef ég þekki þetta rétt þá þarf svo slippurinn að hugsa sig um og athuga hvaða daga hann getur tekið okkur upp svo þetta gæti orðið eftir næstu viku en þá verð ég orðinn frekar pirraður og hugsa að ég verði jafnvel bara á leiðinni heim.

En að öðrum hlutum þann 25 apríl síðastliðinn lagði Polar Atlantic á stað til að taka yfir vakt frá Polarfront á Skarv svæðinu. Voru þrír menn um borð. Báturinn var þarna út 14 ágúst og á þessum tíma kom hann tvisvar í höfn og stoppaði 6 tíma í fyrra skiptið og svo í 8 tíma í seinna skiptið. Svo skipið  var í hafi í 112 daga að undanskildum 14 tímum sem það lág við bryggju að taka vatn, olíu og vistir . Svo þetta er búið að vera langur tími og mesta allann af þessum tíma Var Franklín Ævarsson skipstjóri. Frávikin eru í fyrstu níu dagana var skipstjóri Morten Roshagen (Rósarunni) Skipstjóri og í síðasta túrnum var ég skipstjóri sem var 12 dagar. Svo Franklín var um borð 91 dag nánst samfellt það er helvíti mikið þegar maður er bara bíða eftir að klukkan tifi.

 

Svo ég trúi að Franklín hafi verið glaður þarna aðeins tveir dagar eftir. Ég var í fyrra í um 42 daga út á sjó samfellt í þessu sama verkefni og þá var ég alveg kominn með upp í kok af aðgerðarleysinu og hefði sennilega ekki bara ekki meikað meira. En ég var ekki hálfnaður miðað við Franklín.

 

 

 

 

 

Smá meira um beitingavélabáta.

Hér sjáum við Koralen aftur. Þið sjáið að og sáuð í gær að Koralen er með hefðbundinn búnað við að dragalínuna hann er reyndur orðinn dálítið meira tæknivæddur að hann er kominn með íslenska rúllu þ.e.a.s slítara maðurinn á goggnum þarf ekki að slíta fiskinn af krókunum sjálfur en það eru nokkrir ennþá þannig hérna og er bara frekar algengt í landróðrabátunum.

Ég rakst á skýrslu sem var gerð varðandi drátt á línu og þar var borið saman þrjár mismunandi aðferðir við línudrátt. Hefðbundinn, í gegnum brunn og svo í gegnum lúga sem er alveg í sjólínunni á bátnum. Var farið með þremur skipum. Vonar sem er með hefðbundinn línudrátt. Geir sem dregur í gegnum brunn og svo Loran sem er með lúgu í sjólínunni. Í stuttu máli voru niðurstöðurnar þær að í gegnum brunn var tapið 0,4%-0,8 % af fiski. Með lúgu í sjólínunni var tapið af fiski 1,3%-1,6%, og með hefðbundnum búnaði var tapið 2,4% - 3,0 %. Með því að draga í gegnum brunn eða með lúgu í sjólínunni losnaður þú að langmestu hluta við goggstungur og þar af leiðandi meira gæði á fiskinum sem komið er með í land.

 

Hér sjáum við svo GeirII hann dregur í gegnum brunn, held ég fari með rétt mál að það séu bara tvo skip sem gera þetta hérna Geir II og Geir sem eru í eigu sama útgerðarfélags. Þeir fullyrða að þetta sem miklu betra og þá sérstaklega viö veiðar á ýsu. Þeir hljóta hafa eitthvað til síns máls því þeir létu smíða þennan alveg eins útbúinn eins og sá gamli (gamli veit ekki hvort það sé rétta orðið smíðaður 1998 ekki gamalt miðað við íslenska beitingavélaflotann) sem þeir eiga ennþá.

 Þeir sem áhuga að sjá myndband sem var tekið þegar þessa skýrsla var gerð geta séð það á þessari síðu.  www.fish.no/fiskeri/2115-bedre-med-aut-linehaler-og-dragebronn.html . Og smella svo á "nye halemetoder i autolinefsiket" í lokin á greininni þá sjáið þið myndband um þessar aðferðir í aksjon. Myndbandið er ekki í góðum gæðum en skýrir þetta alveg vel út. Þannig að það má segja að frá fyrstu beitingavélabátunum til Geirs og Geirs II sé orðinn mikll framþróun. Ég veit ekki hvernig nýja Fiskanesið verður útbúið held þó að það verði með lúgu í sjólínunni það kalla norðmenn automatisk linehaling.

Annars er lítið að frétta héðan frá Örnes bara bíða eftir því að fá hreint hvernær slippurinn verður hvort hann verði ekki alveg örugglega ekki í þessari viku. Held ég nenni varla vera marga daga í lausu lofti.

Lítið að frétta

Já nú er lítið að frétta við komnir til Örnes og liggjum við kajann og eru allir bátarnir hérna svo lítið er að gera í augnablikinu þorskkvótinn búin á öllum skipunum og offshore verkefni lokið. Er þetta öðruvísi heldur en í fyrra þegar við vorum með verkefni út okt. Það er fyrirhugað að Polar Atlantic eigi að fara í slipp og verður það í þessari vikur að öllum líkindum. Er ég að verða einn í vinnu hérna núna allir aðrir í fríi. Á morgun verður smábíltúr fyrir mig til Bodo ætla að keyra hann Jaro í flug.

 

Hér sjáum við línubátinn Koralen fiska rétt við 1,5 sjm viðmiðið. Koralen var smíðaður 1989 og er 38,1 m. langur og 8,5m breiður. Eigum við ekki að segja að Koralen sé af þriðju kynslóð af norskum beitingavélabátum en hann er smíðaður á svipuðum tíma og Tjaldarnir. Ég notaði góða veðrið og renndi svona að honum til að bara mynda hann og sjá hvernig fiskeríið væri en skipper sagði mér að það væri mjög dapurt og hefur sennilega verið rétt hjá honum því næsta dag var hann horfinn eitthvað lengra norður kominn fyrir utan okkar vaktsvæði. En reglurnar hjá okkur voru þær að við fylgdumst vel með öllum fiskiskipum sem kæmu inn fyrir 20 sjm radíus frá FPSO Skarv svæðinu

 

Ekki er nú mikið um að vera á rúllunni ekki margir á lofti og rúllumaðurinn nánast í sparifötunum við starfið. Líka sagði skipstjórinn mér að þetta væri svona hálfgerð afslöppun þessar löngu og keiluveiðar hjá þeim á sumrin.

Sjáið þið leiðarna sem liggja aftur með síðunni en þeir henda drekunum út um dráttarlúguna þegar þeir eru að leggja.

 

 

 

Og hér sjáum við Koralen þegar við vorum að nálgast hann Þarna er hann svona ca 1,7 sjm frá viðmiðinu og 3 sjm frá borpallinum.

 

 

 

 

Næsta dag varð ég var við Línubátinn Vestfisk og sá að hann var að leggja línuna og kom næst okkur í 15,5 sjm fjarlægð frá FPSO Skarv. Svo ég ákvað að kalla hann upp og byrjaði með mína flottu norsku (hún er nú frekar svona léleg nordiska). Þá var bara svarað á íslensku þá var vélstjórinn íslenskur og var uppi að leysa kallinn (skipstjórann) af, en það er algengt á norskum línubátum að vélstjórinn leysi skipstjórann af.

Vestfisk er smíðaður árið 1980 og er 39 m langur og 8,5 m breiður. Hann var yfirbyggður ár 1997 eigum við ekki að segja að Vestfisk sé af annari kynslóð af norskum Beitingavélabátum.

  

 

 

 

 

 

Polar Atlantic

Polar Atlantic var byggður 1978 í Fiskarstrand og hét upphaflega Fernando og var frá Maalöy. Hann er 32,45 metra langur og 7,32 m breiður. Með 660 ha Alpha Diesel. Hann er svo kallaður fyrstu kynslóðarbeitingavélbátur útbúinn með beitingavél og frystingu og var ætlaður meðal annars að stunda veiðar á fjarlægum miðum eins og Flæmska hattinum og við Grænland. Og var allur útbúnaður miðaður við það t.d eímari til búa til fersk vatn úr sjó og þau fjarskiptatæki sem voru upp þá Stuttbylgju og millibylgjustöð. Ekki veit ég hvað margar bátar af þessari gerð voru smíðaðir en þeir voru nokkuð margir. Þetta þóttu byltingakenndir bátar á sinni tíð og gátum verið mjög lengi úti án þess að fara í höfn. 1993 var mér boðið í heimsókn um borð í þennan bát við bryggju í Maaloy þegar ég var þar ásamt fleiri góðum mönnum með bát í slipp. Þá var hann í fullri drift og var með frystingu um borð. Fremst í bátnum eru frystipressurnar og fyrstiskápur til að frysta fisk í síðan er tvo frystitæki þar fyrir aftan. Lestin nær alveg fram í stefni og er tvískipt hægt var að nota hluta hennar undir fersk fisk. Það eru íbúðir fyrir 13 manns í 8 klefum. Má segja að báturinn sé nánast orginal nema auðvita búið að uppfæra tæki í brú og svo framvegis. Einnig er búið að fjarlæga beitngavélina og allt sem henn fylgdi og er báturinn útbúinn á net í dag. Í dag er norðmenn að byrja með hvað skulum við segja 4 kynslóð af beitngavélabátum. Og erum við þar að tala um allt öðruvísi báta og allt annan aðbúnað t.d í nýja Geir og verður í nýja Fiskanesinu.

Annars er allt gott að frétta við erum núna þvert af Træna og áætlum að vera í höfn kl 15 í dag. Veður hefur leikið við okkur og hefur ferðin heim gengið vel .

 

Hér sjáum við Far Saga vinna við eina af borhollunum voru að loka einhverjum lúgum ég veit ekki meir.

 

 

 

 

 Hér sjáum við Island Chiftain hjá borpallinum sennilega að dæla semneti en þeir nota mikið sement borpallarnir. Island Chiftain og Bourbon Topaz er supplybátar fyrir þennan borpall. Þú vinnur í fjórar vikur og fjórar vikur í frí og stýrimaðurinn er með svona ca 60 þús nrk á mánuði (1200 þúsund nrk). Og hásetinn með frá 35 til 40 þúsund eftir starfsreynslu. 

 

 

Hér sjáum við svo Polarhav á landleið í síðustu í byrjun ágúst vel máluð ekki satt.

Skarv verkefninu lokið.

Já Skarv verkefninu fyrir okkar útgerð er lokið við erum lagðir af stað heim frá Skarv og komnir með alvöru internet aftur. Já þessu standby og guard verkefni er lokið en útgerðin hefur verið með það í rúmt ár og hafa þrjú skip sinnt þessu. Polarhav, Polar Atlantic og svo leiguskip Polarfront. Ég hef verið hérna á svæðinu í samtals 13 vikur og á ég sennilega eftir að sakna þess að geta ekki fengið að koma aftur og eiga hér góða og rólega daga. Því miður fengum við ekki að sjá skipið koma en við vorum leystir undan skildum kl 1800 í dag en áætlaður komutími skipsins er kl 0200 í nótt. En þegar fylgdarskipið Mærsk Launcher átti eftir ca 30 sjm á Skarvfelten þá fórum við svo ég gat ekki tekið neinar myndir af skipinu ég var búin að hlakka svo til.

Það er áætlað að gasvinnsla byrji í janúar og olíuvinnsla eitthvað seinna.

 

Hér sjáum við borpallinn Polar Pioneer en hann er staðsettur á svæðinu á honum starfa 120 manns og hann var byggður 1985 og er 122 m langur og 75,6 m. breiður.

 

 

 

 

 

Hér sjáum við Mærsk Logger en það skip er að vinna á svæðinu það er um 90 m langt og 19 m og hefur 35 manna áhöfn

 

 

 

 

 

Ég læt þetta ver gott eins og er við verðum í heimahöfn kl 1500 á morgun og framundan er slipptaka á þessum bát ekki komið á hreint hvar það verður kemur í ljós á mánudaginn.

Lagður á stað enn og ný

Já nú erum við strákarnir á Polar Atlantic lagðir á stað út aftur á skarv olíusvæðið og er áætlað að vera þar kl 1700 á morgun. Við komum í höfn rétt rúmlega níu og þá var strax farið að gera klárt fyrir næstu ferð taka vatn og kaupa mat. svo rétt fyrir kl 15 var allt tilbúið til að fara aftur og var þá haldið til Vaagaholmen til að taka olíu og vorum við komnir þangað kl 1800 og svo kl 2130 vorum við búnir að taka olíuna og þá var ekkert nema setja stefnuna aftur út í haf og þegar þetta er skrifað eigum við eftir ca 24 sjm (þrjá tíma) út að Træna og þar með út á opið haf. Voru teknar vistir fyrir mánuð en samningurinn er til 8. ágúst og eftir það er það day by day samningur eins og þeir kalla það hjá Bp. Veður er gott og allt gengur vel , við vorum alveg ótrúlega lengi að taka olíuna því við gátum ekki látið renna á nema 120 ltr á mín sem er alls ekki mikið þegar á að taka 25000 ltr.

Vaagahlomen er ca 600 manna staður og tilheyrir Rödeyju kommune, þar kemur hrutigbátur einu sinni á dag frá Bodo og svo er annar sem gengur á milli í sveitafélaginu einnig kemur lestebaten (flutingaskipið) Fjordlast reglulega en hann siglir hérna á ströndinni með vörur.

Hérna sjáum við kajann í Vaagaholmen. En þarna er verlsunarmiðstöð og greinilega miðpunkturinn í þorpinu. Olíukallinn sagði mér að þarna byggi ein íslensk fjölskylda nýflutt húsbóndinn væri organisti við kirkjuna og konan hans væri kennari við tónlistaskólann og hvort hann kenndi ekki einnig við tónlistarskólann.

 

 

 

 

 

Svo erum við hérna við bryggju  að dæla olíunni á bátinn. Tókum við 25000 ltr frá bunker oil.

 

 

 

 

 

 

Hér svo Fjordlast flutingabáturinn sem gengur á ströndinni

 

 

 

 

 

 

Þessari var ég að mæta rétt áðan ekki góð mynd en læt hana samt flakka með flot skúta.

 

 

 

 

 

 

Og þessum mætti ég á sunnudagskvöldið hvalbátur sem sennilega er að fara á síld eða makrílnót því ég held hvalvertíðin sé búin hérna núna.

 

 

 

 

 

Jæja ég læt þetta vera loka orðin í bili og á morgun verð ég kominn úr netsambandi og verður lítið um færslur næstu daga kannski í góðu lagi að taka sér smá frí. En kannski nær maður einhverjum góðum myndum næstu daga.