Oktober er rúmlega hálfnaður

 

Rysjótt tíð hefur verið að trufla okkur sem og ekkert sérstakt fiskerí. Lítið af þorski á grunnmiðum s.s venjulegt i október. Við höfum verið eltast við þorskinn og þurft að stíma 90 mílur til hafs til að fá þokkalegann afla í bátinn. Svo það er stikke å gå eins og nojarinn segir.

90 mílna stím svo leggjum við línuna með rússagrensuna í norð austur og þegar allir krókarnir eru komnir í hafið þá erum við komnir ca 108 mílur frá landi. Þetta er smá spoti fyrir okkur svona túr tekur um 36 tíma jafnvel meira ef það er kaldaskítur.

Ég verð nú að segja það ég hef nú tekið þátt í mörgu á sjónum  en held satt að segja að banklínudrift hér í Austur Finnmörku sé það allra erfiðasta sjómennskan sem ég hef stundað  langt til hafs þegar það er svarta myrkur og yfirleitt leiðindarveður nánast aldrei undir 6 til 8 tíma stím til lands. Líkamlega kannski ekki það erfiðasta  en getur tekið á andlega. Dálítið oft að það eru SV átt hérna á haustin og þá geur landleiðin tekið á og lengst óhóflega. 

Ég tek hattinn ofan fyrir þessum köllum sem hafa stundað þessar veiðar í fleiri ár haust eftir haust vetur eftir vetur. Á ekki á svo stórum bátum en margir 50 feta bátar stunda þessar veiðar um 15 m , svo nokkrir eins og Jakob og niður undir 11m báta.

 

 

 

 

 

 

 

 

 

 

 

Ekki alltaf þó brælur og ekki alltaf fiskur á hverju járni eins og sést á þessari mynd

 

 

 

 

 

 

 

 

 

 

Kóngakrabbinn hefur bjargað miklu nú haust þar sem verðið á honum er ævintýralegt en núna er borgaðar 370 kr norskar krónur fyrir eitt kg af flottum kóngakrabba s.s krabba yfir 3 kg og alveg heill enginn brotinn kló eða löpp. Við erum búnir fiska um 390 kg af krabba í haust. 

 

Við rérum í kantinn útaf Kongsfjord á miðvikudaginn fengum 4 tonn á 30 bala mest ýsa og keila svo vorum við með 46 kg af kóngakrabba . Fyrir 1,3 tonn af keilu fengum við kr 7000 norskar krónur fyrir 46 kg af krabba fengum kr 15.640 norskar krónur ( við fáum lægra verð fyrir krabbann sennilega af því hann er línukrabbi). Svo þessi nokkru kg voru rúmlega 2 sinnum verðmætari en öll keilan en við því er svo að bæta keilan hjálpar til í krabbanum því fyrir hvert tonn af fiski máttu hafa 30 kg af krabba. Við meigum vera með 3 % af krabba sem meðafla svo kg af ódýri keilu er sem gull

.

 

Aflanum landað ýsan beint í flökun og síðan til Lofoten þar sem hún endar sem fiskibollur eða fiskikökur hjá Lofoten Produkter en það eru sömu eigendur. Svo hluti af ýsunni fer i gæðafiskibollur svo ef þið kaupið fiskibollur frá Lofoten þá hugsið þið til okkar á Jakob 

 

 

Víkingar hafsins ( Havet Vikings)

Já  víkingar hafsins það eru við stendur allavega í nýja lógóinu. Hvort við séum beint víkingar hafsins eða ekki þá erum við allavega komnir í gang eftir kannski kærkomið sumarfrí. Sumarfríið var tekið í Osló  og svo restin upp á þaki á slotinu þar sem skipt var um þakplötur. 

 

Nýja lógóið komið á Benzinn. 

 

 

 

 

 

 

 

 

Báturinn hafði það náðugt í sumarfríinu var geymdur upp á landi á planinu fyrir framan Barents Skipservice þar sem fóru fram árlegt viðhald á bátnum +++++++ ( skipt um skrúfu, öxull, hliðarskrúfu á framan ) Ég veit ekki hvort viðhaldið sé eðlilegt eður ei þar sem ég hef aldrei átt nýjan bát áður ( reyndar orðinn tveggja ára í þessum töluðu orðum) En ég er orðinn frekar pirraður á þessu en það jákvæða er þetta horfir allt til betri vegar.

 

 

 

Báturinn var svo hífður niður á hafflötin beint í 3 daga brælu eftir bræluna var tekin prufusigling allt virkaði flott nema ( auðvita nema) nýja skrúfan einu haki of stór sem voru auðvita ákveðin vonbrigði. Einn góður hérna sem er svona allt muligman hjá sinni útgerð  reyndar eini starfsmaðurinn sagði mér bara fara létt með slípirokk á blöðin ég held ég láti það ekki eftir mér þar sem ég á til að fara of djúpt með rokkinn.

 

 

 

 

Síðasta laugardag voru sem sagt fyrstu balar teknir um borð á þessari haustvertíð og haldið til hafs á ný, skipstjórinn ( ég) valdi stefnuna og við fórum út á Sølebanka totuna eins og ég kalla þetta nojarinn kallar þetta rundingen. Þar var frekar fátæklegt fiskeri svona venjulegt byrjunar haustfiskerí hérna enginn kraftur bátur og áhöfn virkuð hinsvegar mjög vel.

 

Löndun númer róður númer tvo þá héldum við austur til Pútin þar er allatf fiskur enda held ég fiskur sé yfir höfuð dálítið vinstri sinnaður. Þarna fengum við næstum í öll kör og slatta af grálúðu . Þarna austur frá veiðist grálúða alveg upp á 150 fm. Þarna er austur frá er skemmtilegur botn misdýpi talsvert nánast enginn straumur og yfirleitt hægt að fá fisk, en frekar langt að fara við vorum 74 mílur frá landi þar sem við byrjuðum að leggja svo er spotti að fara. 

 

 

 

 

 

 

Þegar þessu orð eru skrifuð á sunnudagsmorgninni erum við búnir með 3 róðra með þokkalegum árangri , reyndar hefur kóngakrabbinn hjálpað mikið til en núna meigum við hafa 3% af kóngakrabba sem meðaafla og krabbinn er vel borgaður núna 340 kr norskar fyrir hvert kg sem myndi vera um 4900 kr íslenskar fyrir hvert kg. síðast vorum við með um 80 kg af krabba og fengum við 27 þúsund norskar fyrir þann hluta af aflanum.

 

Jakob er kominn með nýtt fiskinúmer vorum áður með N-5-G þar sem fyrirtækið var skráð í Gildeskål sveitafélaginu en G stendur fyrir sveitafélagið og N fyrir fylkið Nordland . Eftir að ég og Sólrún keyptum aðra meðeigendur út úr Jakobsen Fisk AS fluttum við fyrirtækið heim til Meløy og fengum þar að leiðandi nýtt fiskerinr N-15-ME Með nýja heimahöfn í Reipå. 

 

 

 

 

 

 

 

 

 

 

Inn á fangstdata.no er hægt að sjá aflabrögð eftir sveitafélögum og heimahöfnum reyndar eru allskonar möguleikar sem hægt er að leika sér með, bera saman inn á þessari siðu svona svipðað og aflafréttir hjá Gísla Reynis. Þegar við skoðum okkar sveitafélag Meløy þá eru við á Jakob í 4 sæti yfir aflabrögð á árinu hingað til yfir báta í bolfiski. Held viö munum ekki ná toppsætunum en þar tróna Einar Erlend og Meløyfjord reyndar mikið stærri bátar með mikið meiri kvóta. Í þriðja sæti er svo Polarhav ( þar sem undiritaður var nú skipstjóri í nokkur ár) hann er líka þó nokkuð mikið  stærri en Jakob.

 

 

Topplisti yfir okkar sveitafélag Jakob í 4 sæti. dálítið langt í toppinn í tonnum held við náum ekki að klára það í ár.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Í ár höfum við verið í drift í ca 5 mánuði höfum farið 43 róðra. Stærsti túrinn 12,4 tonn sá lakasti 554 kg ( voru þá fiska ungdomskvota fyrir Jona Krista ). Hef ekki tekið saman hver aflabrögð eru pr krók en þetta er slatti af krókum sem er búið að beita nokkur bretti af markríll, síld og loðnu verið keypt.

 

 

Sumarfrí og Kosningar

Já við erum búin að vera í sumarfríi síðan 2. ágúst en þá var síðasti róðurinn hjá okkur feðginum.

Eftir það fórum við með Jakob í slipp hjá Barentsskips Service þar sem báturinn var lagfærður og málaður upp á nýtt.

Jakob stendur ennþá upp í slippnum nýmálaður með nýja skrúfu og tilbúinn í haustvertíðina. En planið er að halda norður á bóginn í lok vikunnar.

 

Annars er mjög stór dagur hjá mér í dag því hér í Noregi er kosið til alþingis í dag Stortinget eins og við norðmenn segjum. Eru þetta fyrstu kosningarnar sem ég hef kosningarrétt Í Noregi frá því ég flutti frá Landi tækifæranna.

Við þessi tímabót rifjast upp að sjálfsögðu þegar ég nýtti kosningarrétts í fyrsta skipti 1991 þá 18 ára gamall við alþingiskosningar á Íslandi. þá voru aðalmennirnir í kosningunum Davíð nokkur Oddsson og Jón Baldvin Hannibalsson Viðeyjarstjórnin. Þar voru líka Steingrímur Hermannsson og Ólafur Ragnar Grímsson. Ég get alveg upplýst það hér og nú að ég var einn af þeim 1.562 sem greiddu atkvæði til Framsóknarflokksins í Vestfjarðarkjördæmi.

Ég var alinn upp á framsóknarheimili þar sem verslað var helst í Kaupfélaginu og eldsneyti keypt hjá Olíufélaginu hf ( Esso ). Faðir minn var mjög virkur í Framsóknarflokknum og voru á mínum uppvaxtarárum alþingismenn flokksins Í Vestfjarðarkjördæmi tíðir gestir á heimilinu þó sérstaklega fyrir kosningar. Ég man sérstaklega vel eftir því þegar Ólafur Þ Þórðarson og Steingrímur Hermannsson komu í heimsókn til okkar. Ég man að Steingrími þóttu lærisneiðar í raspi steiktar upp úr smjéri með soðnum kartöflum mjög góðar og ég man sérstaklega eftir því þegar hann hrósaði móður minni sérstaklega fyrir sneiðarnar. Einu sinni var móðir mín með kjötsúpu og Ólafur lýsti henni sem himneskri. Á þessum árum stóð einmitt þetta upp úr en ekki  pólitíksar umræður hjá okkur systkinum enda ekki  komin með kosningarvit á þessum árum. 

Þegar ég kýs í fyrsta skipti 1991 er Steingrímur Hermannsson búinn að flytja sig í Reykjavíkur kjördæmið og Ólafur Þ Þórðarson orðinn oddviti flokksins í kjördæminu. 1991 má kannski segja að ég hafi verið kominn með kosningarvit þarna eða það hélt ég allavega, Ólaf var ég að sjálfsögðu búinn að þekkja alla mína barnæsku kom því ekkert annað til greina en gefa honum mitt atkvæði enda var Ólafur stórmerkilegur maður og að mínu mati flottur stjórnmálamaður.

1995 er kosið aftur til aþingis og þá kýs ég öðru sinni þá nýútskrifaður úr Stýrimannaskólanum þetta voru að mörg leiti skrýtnir tímar Bíldudalsmyndin mín var löskuð Fiskvinnslan á Bíldudal hafði orðið gjaldþrota þarna árið 1993 svo það voru umbrotatímar í þorpinu og ekkert var líkt eins og það var áður. Ólafur Þ hættur og í staðinn kominn hjá framsóknarmönnum Gunnlaugur nokkur Sigmundsson ( já pabbi Sigmunds nokkurns Gunnlaugssonar) Framsóknarflokkurinn valdi Gunnlaug í staðinn fyrir Pétur Bjarnason sem hafði verið varaþingmaður flokksins var mikill styr og leiðindi í kringum það mál allt saman og Pétur klauf sig út og stofnaði Vestfjarðarlistann. Í þessum kosningum kaus ég sem sagt aftur framsóknarflokkinn var einn af 1086 kjósendum sem kusum hann í Vestfjarðarkjördæmi í þessum kosningum. Þessar kosningar er kannski mest minnistæðar að Jóhanna nokkur Sigurðardóttir klauf sig út úr alþýðuflokknum og stofnaði Þjóðvaka eftir hafa tapað fyrir Jóni Baldvin Hanibalsyni um formanninn í Alþýðuflokknum. Gunnlaugur fékk einnig gott í gogginn hjá mömmu eins og fyrirrennara hans.

1999 er kosið enn og aftur og miklar breytingar í Framsóknarflokknum kominn alþýðubandalagsmaðurinn Kristinn H Gunnarsson kominn í forsvarið og fyrsta sætið hans. Alþýðuflokkurinn og Alþýðubandalagið búin að sameinast undir merkjum Samfylkingunnar held að kvennalistinn hafi einnig farið þá leið. Einnig verða Vinstri Grænir til. Svo kemur á sjónarsviðið nýr flokkur sem hét Frjálslyndi flokkurinn eiginlega saman safn að ónægju röddum úr mörgum flokkum. Þegar þarna er komið við sögu hafði ég kosið í tveimur kosningum þ.e.a.s Framsóknarflokkinn þarna er ég kominn með fjölskyldu og mín tryggðarbönd við Framsóknarflokkinn að rofna. Ég hafði verið flokksbundinn en þegar þarna var komið sagði ég mig úr þeim ágæta flokki og hef verið óflokksbundinn síðan. Ég ætla ekki að gefa upp hvaða stjórnmálaafl ég kaus 1999 en þið meigið alveg giska.

Það að Alþýðuflokkurinn og Alþýðubandalagið skildu nú heyra sögunni til var nokkuð sérstakt en þessir tveir flokkar áttu kannski smá part í mér þrátt fyrir allt framsóknaruppeldið því afar mínir voru stuðningsmenn þessara tveggja flokka. Afi minn Kristinn og Afi minn Kristinn já þeir hétu sömu nöfnum. Annar bjó á Bíldudal og hinn í Reykjavík. Afi á Bíldudal var krati og afi minn í Reykjavík allaballi. Þegar ég var að alast upp á Bíldudal var talað um þar væru búsettir 3 kratar á Bíldudal en þeir voru allavega 4 og afi minn var einn af þeim. Báðir þeir flokkar sem kenndir voru við alþýðu er nú þeir tveir flokkar sem kannski börðust kannski fyrst og fremst fyrir alþýðunni og er það mér hulin ráðgáta hvers vegna þeir höfðu ekki meira fylgi meðal landsmanna.

2003 er enn og aftur kosið Þegar hér er við komið við sögu er ég orðinn mjög frjálslyndur og mjög ósáttur við þá stefnu sem kvótakerfið og fleira tengt því hafði tekið. Þá einnig búið að leggja niður Vestfjarðakjördæmi og komið eitt stórt kjördæmi frá Hvalfirði Vestur og norður að Eyjafirði kallað Norðvestur kjördæmi var ég einn af 2.666 íbúum þessa stóra en ekki svo fjölmenna sem kaus Frjálslynda Flokkinn.

En var kosið 2007 Ég hélt mig á sömu bylgju og kaus Guðjón Arnar Kristjánsson og félaga. Þeir voru á svipuðu róli og 2003. En komin var ákveðin þreyta í þetta og Allaballinn Kristinn H Gunnarsson sem síðan gerðist framsóknarmaður var orðinn mjög frjálslyndur sem sagt hættur að vera framsóknarmaður ekki var hann nú lengi frálslyndur enda liðaðist flokkurinn í sundur 

Hrunið kom árið 2008 og þá urðu straumhvörf í stjórnmálunum líka. Búsáhaldarbyltingin. Boðað var nýrra kosninga 2009 25. apríl og en kaus Jón Páll og nú kaus hann ekki Framsókn eða Frjálsynda flokkinn nei 2009 ákvað ég kjósa VG eða Vinstri hreyfinguna grænt framboð var einn af 4018 öðrum sem kaus VG þennan örlagaríka apríldag. VG var orðinn næst stærsti flokkurinn í kjördæminu og munaði bara 19 atkvæðum á VG og sjálfum Sjálfstæðisflokknum sem hafði svo lengi sem ég mundi eftir mér verið laaangstærsti flokkurinn fyrir vestan. 2009 var einnig svo kölluð Borgarahreyfing í framboði flokkur sem varð til úr Búsáhaldarhreyfingunni

Næstu kosningar sem ég kaus í var árið 2013 þá var nú vöndu að ráða en þá voru komin ansi mörg ný framboð svona ykkur að segja var ég á þessum tímapunkti orðinn mjög fráhverfur íslandi hafði starfað meira og minna í Noregi síðan 2009 svo ég bara kaus til að kjósa. Er ástæðulaust að gefa upp hvaða framboð ég kaus 27. apríl 2013 en ég get sagt það ég kaus ekki svokallað fjórflokk VG,Framsókn, Sjálfstæðisflokkinn eða Samfylkingu gaf öllum þessum framboðum frí.

Aftur voru svo kosningar 2016 þegar svokölluð Panama skjöl láku út sem varð til þess að Sigmundur Davíð Gunnlaugsson jú jú sonur Gunnlaugs Sigmundssonar sem ég kaus árið 1995 þá ungur og ferskur sem formaður Framsóknarflokksins hafði komið inn sem stromsveipur í kosningunm 2013 og myndað ríkisstjórn með Sjálfstæðisflokknum og var hann sjálfur forsætisráðherra varð segja af sér og kosningum var flýtt. Ég kaus og í þessum kosningum kaus ég Pírata 

2017  Var kosið enn og aftur í þessum Kosningum var ég alveg búinn að missa jarðbindingu við íslenska Póltík en ég kaus þó hjá Sýslumanninum á Patreksfirði utankjörstaða. Í þessum kosningum ákvað ég að nota ákveðna tækni sem Laddi notaði í einu áramótaskaupinu þegar hann var segja veðurfréttir svo kallað happa og glappa aðferðina, ég lokaði augunum og tók upp einn stimpill og stimplaði kjörseðillinn veit ekki hvort einhver stýrði mér í réttann stimpill.

2019 gerðist ég norskur ríkisborgari og þar aðleiðandi missti ég kosningarréttinn minn á Íslandi. Ég kaus í 9 alþingskosningum, ég tel nú að mitt atkvæði hafa skipt máli því öll atkvæði teljast jafnt óháð öllu því er mikilvægt að mæta á körstað og taka afstöðu og kjósa léleg kosningarþáttaka er versti óvinurinn í lýðræðisríki í kosningunum 2017 var kjörsóknin 81,2 %. 18,8 % kusu ekki notuðu ekki sinn lýðræðislegarétt aðeins einn flokkur fékk fleiri atkvæði en þeir sem kusu ekki.

 

En sem sagt er ég að kjósa í dag í 10 sinn til alþingiskosninga nú í fyrsta sinn í Noregi og í þetta sinn kaus ég rétt kannski í fyrsta sinn síðan 1991 hver veit ég vona það allavega. aðeins fleiri á kjörskrá en í gamla Vestfjarðarkjördæminu enginn alþingismaður hefur komið í heimsókn og fengið lærissneiðar eða kjötsúpu hjá Sólrúnu en ég var þó á sama kaffihúsi og Jonas Gahr Störe formaður AP Arbeidspartiet á Laugardaginn var Ap ég reyndi að senda honum hugskeyti því allt bendir til þess að hann verði næsti Forsætisráðherra okkar hérna í Noregi.    

 

 

 

Styttist i sumarfrí og slipp

Núna er rétt rumlega ein vika eftir af júlímánuði. Þann 7 júli var síðasti banklínutúrinn hjá okkur en þá fór mannskapurinn í frí fyrir utan mig. Reyndar vorum við mestpartinn tveir í sumar rérum með 50 bala og náðum 2 til 3 róðrum í viku. Við vorum að róa langt út 70 til 85 mílur frá landi eða frá Makkaur sem er nesið að austanverðu í mynni Båtsfjord. Svo hver róður tók nánast tvo sólarhringa 44 til 46 tímar þar af voru 16 tímar í stím og svo á sumrin er nauðsynlegt að taka langa baujuvakt því þorskurinn er lengi að taka við sér best er að það komi smá ýsa fyrst og jabli á krókunum þá kemur þorskurinn og hlýrinn á eftir og taka línuna , þorskurinn er glaður í smá ýsu.

 

Mynd af olex plotternum þarna er farið styttast í fjörðinn.

 

 

 

 

 

 

 

 

 

Eins og áður sagði gekk þetta snurðulaust í sumar fegnum fínt veður og þokkalegt fiskerí 150 til 200 kg á balann en við notum 360 króka bala ( örugglega búin að minnast á það oft). Var aflinn að jafnaði 40 til 50% ýsa sem við vorum mjög ánægðir með því ferskfiskordningen er komin í gang sem leyfir okkur að hafa allt að 30% af þroski á viku sem ekki reiknast til kvóta reiknast það af öllum fiski svo ef við náum að blanda aflann með öðrum tegundum náum við að drýgja þorskkvótann þannig að nú þegar við tökum sumarfrí eigum við eftir 14 tonn af okkar kvóta og tæp 8 tonn af samfiskkvótanum frá Unni Samt er um við í dag búnir að veiða yfir 80 tonn af þorski en kvótinn okkar með samfiskkvótanum er 74 tonn.

 

Jakob klár til löndunar eftir banklínutúr en hérna er það kallap banklína þegar róið er út á fiskibankana frá landinu

 

 

 

 

 

 

 

 

 

Í öllum körum eftir velheppnaðann banklínutúr austur á hryggi milli Sölebanken og Tiddlybanken ca 80 mílur út í hafi, 

 

 

 

 

 

 

 

 

Þannig eftir 7 júlí kom dóttir nr 3 Jóna Krista Jónsdóttir um borð og við byrjuðum að veiða ungdomskvótann sem hún hefur rétt á en hér í konungsríkinu hefur ungt fólk rétt á að veiða fyrir 50.000 norskar krónur frá 14 júni til og með 7 águst má nota öll veiðarfæri föst veiðarfæri þ.e.a.s línu,net,gildur og svo má vera með skakrúllur. Við settum vormlínu í hafið 2 bala en eingöngu er leyfilegt að vera með 300 króka samtals. Lögðum við 3 sinnum til að ná þessum afla fengum 1100 kg 1200 kg og svo 700 kg í síðasta skiptið Vorum við á hrygg hérna úti svo kallaður 12 milna hryggur og í suðurkantinum á honum var fínt fiskeri 400 til 600 kg á balann að fínum þorski. Þetta er þriðja árið sem hún Jóna nýtir ungdómskvótann og svo í ár kom hún uppeftir með kærasta sinn sem fiskaði sinn ungdomskvóta með Svani á Minibanken svo báðir fjölskyldubátarnir voru uppteknir fiska ungdomskvóta í júli þegar allir aðrir norðmenn taka fellesferie eða sameignarfrí eftir beini þýðingu. 

 

Jóna Krista klár í slaginn 

 

 

 

 

 

 

 

 

 

Þegar við Jóna klárðum ungdomskvótann byrjuðum við á botnlínu reyna veiða ýsu og bland, en veður hefur ekki verið um á sitt besta svo aðeins einn róður er í boks en hann gaf 4,7 tonn af bolfiski mest ýsu og 34 kg af kóngakrabba. Já nú meigum við veiða allt að 3% af kóngakrabba í ferð sem kemur sér mjög vel fyrir þar sem krabbinn er mjög mikill skaðvaldur fyrir okkur línusjómenn étur upp beituna og fiskinn. 

Í ár er ævvintýralegt verð á krabbanum 340 kr fyrir kg  sem myndi gera rétt rúmar 5000 kr íslenskar krónur á kg svo þeir sem búa hér austur frá og fá krabba sitja á góðri gull námu en kvótinn til fiskimanna í krabbanum er 2,1 tonn sem flestir taka á einni viku hérna. Skrýtið að við séum ekki löngu flutt í Båtsfjord varanlega en viå erum búsett í Nordland og höfum því ekki rétt á krabbakvóta hérna austur frá þó svo ég er ca 190 til 200 daga hér á ári að veiða bolfisk en svona eru nú reglunar.

 

Áhafnir á Jakob og Minibanken í sumar fyrir utan undirritaðann sem tók myndina.

Sólrún og Svanur eru á Minibanken og ég og Jóna á Jakob. Þetta er sjöunda sumarið okkar í Båtsfjord. Smá statikk unga fólkið hefur eytt 37% af öllum sumrum hér. Staðið í beitngu og verið á sjónum öll þessi sumur

 

 

 

 

 

 

 

 

Fyrir þessi 34 kg fegnum við næstum því 10.000 norskar krónur en það sem dróg niður verðið af þessum 34 kg voru 7 kg skadd krabbi sem vantaði á klær og fyrir hann fegnum við bara 150 kr norskar á hvert kg sem er nú kannski ekki svo slæmt miðað við keiluna en fyrir hana fáum við 5 kr 

Já eins og fyrirsögnin segir styttist i slipp og svo sumarfrí hjá undirrituðum. Já í fyrstu vikunni ágúst er planið að hífa bátinn á þurrt hjá Barents skipservice skipta um skrúfu og öxull + venjulegt viðhald. Eftir það er planið fara heim og taka lítið sumarfrí sem fellst í því að skipta um þak á húsinu okkar í Reipå svo er planið að byrja aftur 15 september hér með haustvertíðina vonandi kemur þorskkvótinn til duga til jóla svo við náum að klára árið með stæll

 

Grálúðan að baki

Þegar þetta er skrifað degi fyrir þjóðhátíðardag íslendinga, erum við búnir með kvótann í grálúðu reyndar komið tvær vikur siðan við kláruðum á morgun. Eftir að grálúðan kláraðist höfum við verið að róa með botnlínu austur undir grensu s.s að landhelgi rússanna.

 

Við þurftum 5 ferðir til taka grálúðukvótann en í ár tókum við kvótann í svo kallaðri bananaholu en fyrir utan holuna e hryggur sem er líkur banana í útlíti. Í ár beitum við loðnu sem veidd var við íslandsstrendur eigum við ekki segja hún hafi verið íslensk allavega með íslenskar rætur. Loðnan kom sér vel vegna þess að grálúðan hérna í ausutr finnmörku líkar loðna. 

Lagasti túrinn með lúðu var 3,7 tonn og sá besti 7 tonn í þeim túr komust við í mál með kvótann og gott betur urðum við að skilja eftir 13 bala sem  dróg Wikerøy fyrir okkur á þessa 13 bala fengu þeir 2 tonn af lúðu svo ef við hefðum dergið allt hefðum við endað með 9 tonn af lúðu. Grálúðukvótinn í ár hjá okkur var 20 tonn við fórum 2,4 tonn fram yfir kvótann, svo það varð inndraging eða sem sagt 2,4 tonn gerð upptæk af stjórnvöldum svo fáum við 20% af verðmætinu til baka.

Jakob á landleið með tæp 11 tonn síðasti túrinn á grálúðunni þetta árið 

 

 

 

 

 

 

Að taka gráluðuna hérna norður frá hefur þann kost að þú færð mikinn meðafla í þorski, ýsu og hlýra að veiða hann í djúpköntunum fáum við aðeins grálúðu. Dýpið í holunni er um 200 fm og lítil straumur og leirbotn svo mjög gott að draga línu þar en á móti kemur er minna fiskeri á bala en í djúpköntunum

 

Eiginlega kjaft fullt kar af grálúðu

 

 

 

 

 

 

 

 

Já eftir grálúðuna höfum við verið að veiða þorsk og ýsu gengið alveg þokkalega, við erum að veiða kvótann sem tilheyrir Unni F-31-M sem Hjalti Sigurðsson skólabróðir minn á  það er kallað að samfiska hérna. Á Jakob er einn 9-10 m kvóti á bátum sem hafa kvota undir 11m er eingöngu heimild að hafa einn kvóta síðan í til legg er heimild að samfiska einn kvóta og það er það sem við erum gera núna. Bátar sem hafa kvóta yfir 11m meiga hinsvegar eiga allt að 5 kvóta.

Eigum við eftir ca 22 tonn af kvótanum sem tilheyrir Unni svo eigum við 15 tonn eftir á Jakob. Samt er skrýtin staða hérna að þorskveiðarnar hjá minni bátum hafa gengið illa þetta árið bæði vont tíð og svo koma fiskurinn ekki til Lofoten í ár svo það stefnir í fríar veiðar í þorski hjá minna flotanum í haust. 

Nú fer styttast í árlegt þrælahald hjá fjölskyldinnu hérna en hvert sumar síðustu 7 sumur hefur fjölskyldan komið og tekið þátt í rekstrinum á sjó og í landi hefur yngsta dóttirn meiri segja kallað sig beitingarþræll hjá pabba. Í sumar verður reksturinn léttari nú liggur fyrir að fiska á Minibanken og taka ungdomskvoten fyrir dótturina en hér fær ungst fólk möguleika til prufa sig á sjónum og fær veiða,landa og selja afla  fyrir 50.000 norskar krónur. Jóna Krista gerði þetta með stæl í fyrra sumar fékk lánað bátinn hjá bróður sínum eða leigði hann með áhöfn. Mér er ekki kunnugt um leiguskilmálana milli systkinanna hyerðu þó að þau voru eitthvað diskutera hver ætti að borga olíuna.

 

   

Blogg apríl Maí

Mars var ekkert betri veðurfarslega en feb. Við gerðum 4 róðra í mars, við ætluðum að róa til 20 mars, en veður hamlaði því. Þess vegna settum við stefnuna heim á leið til Reipå fótboltafiskurinn var næst á dagskrá.

Heim til Reipå komum við Í lok mars og netin tekin um borð en að sjálfsögðu kom páskahret með alvöru sunnan brælu og ölduhæð svo við urðum að bara taka því með ró. Við settum svo netin eftir páska.

 

 

 

 

 

 

 

Í skömmu máli varð þessi gráslembuvertíð fíaskó lítið var að slembu og mikið af henni var hryngt þ.e.a.s búin að hrygna. Við fengum þó nokkrar á hjallinn og svo gátum við kveikt upp í reykkofanum fyrir rauðmagann.

Við reyndum við ýsu einnig en á vorin gengur ýsa hér inn til að hrygna og þá er oft góð netaveiði en í ár urðum við ekki varir við ýsu að neinu ráði svo ekki urðu þessar vertíðir til fjárs. Við fengum þó ýsu á hjallinn og svo gerði þessu fínu norðanátt með kulda svo við fegnum fínann þurrk á ýsuna svo við erum velbyrg með góðgæti.

 

 

 

 

 

Ekki bara varð léleg veiði heldur hrundið verðið niður úr öllu. Í fyrra fengum við kr. 17.000. norskar ( 238.000 kr íslenskar) fyrir saltaða tunnu. Í ár byrjuðu þeir í Svíþjóð að bjóða mér kr. 8.200 norskar svo bara féll verðið bara og féll vegna mikllar veiði á Eldfjallaeyjunni og mikils framboðs af ódýrum hrognum þaðan þegar við hættum var verðið komið niður fyrir kr 6000 íslenskar.

 

Góðgæti af hjallinum

 

 

 

 

 

 

 

 

 

Við drógum sem sagt upp settum rennuna og spilið aftur um borð og gerðum klárt til línuveiða svo sigldi svo  Svanur  Jakob upp í Båtsfjord, ég gerðist bara sófaútgerðarmaðurinn á meðan. Var þetta fyrsta ferðin sem Svanur var skipstjóri þessa leið en hann hefur margoft sigld hana held hann hafi farið sýna fyrstu ferð Reipå til Bátsfjord 10 ára gamall á fyrsta Jakob og síðan þá farið margar ferður upp og niður. Ferðin hjá honum og Pitor gekk mjög vel voru þeir rétt rúma tvo sólarhringa upp eftir.

Nú tekur við reyna við grálúðu og þorsk en við höfum komist yfir auka þorskkvóta og svo kemur ferskfiskordingen frá og með 18 maí með 20% þorskbónus og svo í byrjun júlí verður það aukið til 30%.

Ég er enn heima en strákarnir hafa verið að róa Minibanken núna undanfarið, en við setjum stefnuna svo til hafs á Jakob á laugardaginn. 

Við erum búin að flytja fyrirtækið til Reipå þar sem við búum og höfum við fengið nýtt fiskinr á bátinn við vorum með N-5-G nýja númerið verður N-15-ME 

 

 

Kominn mars og enn bræla

Já mars heilsaði okkur með brælu fyrst frá vestri svo Norðvestur og endaði í hreinni norðanátt. Við erum verða frekar pirraðir á þessari brælutíð.

 

Við vorum stoppaðir af eins og ég greindi frá í síðasta bloggi og þegar við máttum fara á sjóinn var komin bræla með nístingskulda svo það var bara halda sér innandyra og telja oft upp á tíu. Við fengum sem sagt stopp í rúma viku og við náðum að loka mánuðinum með tveimur róðrum þann 26. feb og 27 feb en þá skutumst við út milli lægða. 

 

Við fiskuðum 54 tonn í febrúar í 7 róðrum svona miðað við aðstæður verðum við bara vera sáttir en því miður fyrir okkur hefið fiskverðið bara fallið og fallið og fengum við nú á mánudaginn 16 norskar krónur pr kg  fyrir þorskinn hefur lækkað um 6 krónur frá því í janúar og 8 krónur miðað við sama tíma fyrir ári síðan, fiskkaupendur segja þetta sé allt covid að kenna. Ég var taka saman meðalverðið á milli ára í fyrra vorum við með meðalverð upp á 16,58 kr á hvert landað kg  í janúar og feb annað er heldur betur upp á teningnum í ár meðalverð hjá okkur núna er 12,5 kr sem sagt 4 krónur niður á einu ári reiknað yfir í íslenskar krónur er þetta verðfall upp á 60 krónur. Ég er löngu hættur að hugsa í íslenskum krónum enda enginn tilgangur með því lengur mína tekjur og gjöld eru öll í norskum krónum og hafa verið lengi. 

 

Þeir bátar sem við miðum okkur mest við hérna í Båtsfjord eru Myreng Fisk og Frøya svo eru stærri bátar eins og Martin Wikerøy og Ingvaldsson, Myreng Fisk fiskaði 57 tonn í feb og Frøya fiskaåi 69 tonn svo vorum við með 54 tonn. Svo við vorum í þriðja sæti af þremur  Svo eru fleiri bátar í okkar stærð sem voru fyrir neðan okkur eins og Sundsbuen, Solheim, Bjørkåsbuen, Vassana, Sunna Dis og Kristina K.

Við verðum að vona að mars verði okkur hliðhollari veðurfarslega en ég veit eftir reynslu að veiðin verður lakari í mars komin loðna og þá fer fiskurinn að fúlsa við beitunni, var planið að vera að svo lengi við fáum ýsu, svo er planið að fara á grásleppuna og prufa með net eftir löngu og ufsa í april og svo upp eftir aftur eftir 18 maí á línuna.

 

Ánægðir með gæðin á fiskinum við löndum en hér er þorskurinn -0,2 gráður við löndun

 

 

 

 

 

 

 

 

 

Og ýsan -0,3 gráður en mjög mikilvægt er að kæla fiskinn hratt niður og ef við náum að halda honum við núll gráðurnar eykst ferskleikinn um marga daga. Ýsa er einnig frekar viðkæmur fiskur viðkvæmur fiskur þegar kemur að losi á holdi 

 

 

 

 

 

 

 

 

 

Annað markvert sem gerðist í Feb er að við hjónin keyptum út SNU ( Sjofossen Næringsutvikling) í Jakobsen Fisk AS, en SNU átti 49% í fyrirtækinu. SNU er fjárfestingarfélag í eigu sveitafélagsins þar sem fyrirtækið er skráð. Síðasta ár hefur verið mjög stormasamt í fyrirtækinu og eigeindur ekki sammála um hvað eiginlega var og er best fyrir Jakobsen Fisk AS og það verður bara segjast eins og er að SNU hefur ekki verið samvinnuþýtt ekki viljað taka þátt í tapinu og tjóninu sem fyrirtækið varð fyrir vegna allar gallanna sem voru vegna smíði Jakobs. Svo þetta varð lendingin við keyptum SNU út fyrir alltaf háa summu svona er þetta stundum en það er alveg á hreinu ég er enginn Hábeinn úr Andrés Andarblöðunum.

 

Þó að ég sé enginn Hábeinn er bjart framundan og ekkert annað en að anda með nefinu og horfa fram á veginn 

Í Febrúar er enn vetur

Febrúar byrjaði eins og Janúar endaði austanátt og norðaustanátt greinilega en vetur, svo það var lítið um róðra framan af. Við náðum okkur í tvo róðra fyrstu vikuna  svo var aftur bræla en svo komust við á sjóinn 11 feb og náðum í 3 róðra og þá voru við stoppaðir af fiskverkunin kjaftfull af fiski og vantaði flutningarbíla til að flytja fiskinn og verðið hrapaði hratt niður. Svo við misstum tvo róðra vegna þess.

Þegar hann lægði í síðustu viku þá hafði fiskeríð tekið sig upp loðnurak komið á miðin og þá fer þorskurinn á flak og ýsan kemur og fer að taka krókana grimmt svo síðustu róðra hefur verið 200-350 kg á balann hjá flotanum mest stór og flott ýsa, þetta hefur valdið fyrrgreindu kaos í landi og nú er stopp fram á mánudaginn 22. Feb og þá spáir hann bara drullu brælu svo lífið er ekker einfalt í dag frekar en aðra daga hver sagði þetta ætti að vera auðvelt enginn en þetta er alltaf jafn skemmtilegt að fiska vel og koma með fullann bát að landi það gefur þessu striti meiningu.

Á myndinni er Jakob með 12,3 tonn

 

Við náðum okkur í 3 góða róðra núna eins og áður sagði fengum okkur tæp 30 tonn í þessum þremur róður á 40 bala besti róðurinn 12,3 tonn síðan 9,5 og svo kom búmm túrinn í gær 7,8 tonn en kallinn veðjaði á rangann hest í gær eða lagði helminginn af línunni á vitlausa stað vitlaust dýpi.

 

Við erum bara nokkuð ánægðir með þennan árangur ýsan var -0,1 gráða við löndun 

 

 

 

 

 

 

 

 

 

 

 

 

Þorskurinn var 0,1 gráða.

 

 

 

 

 

Það eru komnir 5 róðrar í feb og komið 41 tonn en það neikvæða er verðið nú hefur þorskur fallið hjá okkur frá 22 kr niður í 17,31 síðan í byrjun janúar og ýsuverðið fallið frá 13,5 til 10 kr á milli ára. Svo það eru miklir peningar fyrir skuldsetta útgerð með nýjan bát sem nánast hefur þurft að endursmíða. Það þýðir ekkert að leggja árar í bát þó á móti blási, eins og einhver sagði þetta græjast allt saman á lögninni.

 

Löndun í gær Borgarplastkörin standa sig vel og kæla aflann vel niður 

 

 

 

 

 

 

 

 

 

Við höfum svo inn á milli verið að endurnýja innréttingar í lúkar en þær voru meira og minna ónýtar eftir sjóinn sem fékk að leika lausum hala þar vegna þess við höfðum leka inn í bátinn með bryggjulista sem og við fundum 2-3 göt sem áttu alls ekki að vera svo virðist með góðra vina hjálp að við séum búnir að komast fyrir lekann og uppbygging nr 3 getur hafist.

 

gömlu innréttingarnar farnar og komnar á haugana svo þetta lítur dálítið fokheld út núna

 

 

 

 

 

 

 

 

Báturinn er að verða mjög góður og flottur enda búið að henda slatta tímum og peningum í bátinn til að gera hann góðann. Maður lærir af vitleysunni og ef ég einhvern tímann skal láta byggja nýjann bát aftur verður ekki farin svona styttri fjallabaksleið sem lýtur út fyrir vera jafngreiðfær og beina brautin, þegar upp var staðið var hún full af óvæntum brekkum og holum sem gerði styttri leiðina mikið lengri og erfiðari en upphaflega stóð til

Javel !

2021 byrjaði svo vel hjá okkur strákunum, en einhvern veginn samt gufaði janúar bara upp. Áhöfnin kom til Noregs frá Póllandi þann 11 janúar og auðvita var annar þeirra jákvæður með covid og var settur í 12 daga einangrun hinn greindist neikvæður en mátti fara í 10 daga sóttkví frá því hann fékk neikvæða sýni nr tvo hér í Båtsfjord þann 13 janúar, Þeir voru lausir nú 24 janúar og þá komu veðurguðinir með austan átt sem er blásið síðan og blæs enn.

 

Það er búið nú í rúma viku, lægð sem er úti Noregshafi hefur nánst verið kjurr og blásið austan hérna hjá okkur svo norðanátt yfir Ísland svona er staðan og eftir veðurkortinu verður þetta ástand fram á sunnudaginn

Við feðgar fórum einn róður á Jakob áður en austanáttin kom fyrir alvöru með 35 bala og fengum 8,3 tonn sem er einni aflinn sem er kominn á land í janúar. Já sjómennskan já sjómennskan er ekkert grín.

 

 

 

 

 

 

Svanur hefur verið að prufa sig aðeins með Minibanken en eru fáir dagar verið til að vera á trillunni eða sjarken eins og nojarinn kallar trilluna. Komnir eru tveir róðrar á Minibanken í janúar.

Nú er bara vona að febrúar verið okkur hliðhollari þ.e.a.s veðurguðirnir strákarnir eru lausir úr sóttkví og sprækir að byrja róa og reyna þéna einhverja peninga. Ekki veitir af eins og maðurinn sagði.

 

 

 

 

 

 

 

 

 

 

 

En mjög sennilega munum við fá mikið minna fyrir fiskinn í ár en 2020 svo annar í covid ætlar ekki að vera okkurhliðhollur , fiskverð hefur lækkað mikið hérna síðustu vikurnar og þegar vertíðin fer að tikka inn fyrir fullt um mánaðarmótin feb/mars í Lofoten er ég hræddur um við fáum verð fyrir fiskinn sem við höfum ekki séð í langann tíma en lítið gera við því nema bíta í skjaldarendur og puðast áfram því það er nokkuð ljóst maður þénar ekkert upp á landi eða við bryggju því það hef ég prufað mikið síðustu misserin.

Nógur snjór er hjá okkur eins og þessi mynd ad Svani og Bensanum sýna þó hún se hálfpartinn á hvolfi

Nýtt ár nýjir möguleikar

Eftir kærkomið jólafrí þar sem meðal annars var spilað Útvegsspilið þar sem gamlir taktar voru rifjaðir upp, settum við stefnuna norður eftir þann 3 janúar ekki var siglt heldur var brunað eftir E6 á Bensanum keyrður reyndar suður á honum einnig fyrir jól. Þetta var bara rétt rúmlega 1200 km rúntur hvorra leið heldur styttra en hjá Benna Magg hann hefur 2000 km sem hann rúllar á milli.

Við vorum komnir á mánudagskvöldið 04/01 eftir hafa stoppað í Storslett i Norður Troms yfir nóttina borðum hádegisverð í Karasjok á samsískum veitingarstað samt bauð hann bara upp á norskann skyndibitamat og lapkaus sem kannski samískskur réttur.

 

 

 

 

 

 

 

 

 

Strax þegar upp eftir var komið var byrjað á því að skipta um ljósavél í Jakob gamla Nanni vélin sem átti nú ekki vera svo gömul tekin út og ný Nanni sett í staðinn, reyndar aðeins stærri og alveg ný.

 

 

Nýja ljósavélin 9,6kw og framleidd sama ár og hún er keypt á ekki eins og með þá gömlu sem var keypt sem ný í 2019 en var framleidd árið 2011.

 

 

 

 

 

 

 

 

Svanur Þór kom með mér upp eftir og var planið að prufa einnig Minibanken á miðvikudaginn settum við vormlínu hérna í kantinn. En veður hefur verið vont svo við höfum ekki ennþá getað farið og dregið.

Jakob verður klár á morgun úr ljósavélaskiptum, þá getum við byrjað árið 2021 á honum, áhöfnin kemur svo þann 13 janúar til Båtsfjord þeir þurfa svo að fara í 7 daga sóttkví ef þeir eru neikvæðir annars 10 daga. Þeir koma frá Póllandi þar sem covid er víst mjög mikið krasserandi , en þeir höfðu skýr skilaboð frá útgerðinni og mér að halda sig heima og ekki vera á einu djammi svo er bara sjá hvort þeir hafa gert það.

 

 

Vélin komin á sinn stað og á helgina höfum við notað til plasta luguna aftur yfir og gera klárt til næstu sjóferðar.

 

 

 

 

 

 

 

 

En það eru blikur á lofti í sölu á fiski svo það geti verið að 2021 verði erfitt allavega í byrjun. Ferskfisk markaðurinn er veikur og þolir ekki mikið magn og í ofan álag er víst miklir birgðir af saltfiski og Ítalíuskreið óselt og vertíð handan við hornið, svo nú er byrjað tala um verðfall og jafnvel að margir munu ekki geta keypt fisk í vetur. Við verðum að vona það besta.

Verkunin sem við löndum hjá Båtsfjordbruket er meira hefðbundið frystihús svo þeir geta fyrst og sent ferskt svo eiga eigendurnir einnig stóra fiskubolluverksmiðju í Lofoten og þangað fer frá þeim ca 12-15 tonn af ýsuflökum á viku. Svo þeir eru ekki alveg eins svartmálaðir og flestir sem eru skrifa sjávarútvegsblöðin þessa dagana.

En við lítum bjartir á árið og var planið að gera betur 2020.Kvótinn hefur farið upp nú erum við með ca 44 tonn af þorski 360 tonn af ýsu og 190 tonn af ufsa svo verður sennilega ýsan frjáls þegar líður á árið eins og í 2020 en ýsukvótinn er mjög stór og hefur ekki náðst undanfarin ár.

Ferskfiskordningen byrjar svo 18 maí með 20% bónus í þorsk iá vikubasis en ferskfiskordningen er mjög mikilvæg fyrir okkur ef hún væri ekki til staðar væri erfitt að gera Jakob út á ársgrundvelli. Í fyrra náðum við að tvöfalda þorskkvótann okkar í gegnum ferskfiskordningen en þá höfðum við 36 tonn af þorski í kvóta en fiskuðum rétt yfir 70 tonn.

Þegar við tökum með í reikinginn hvað við vorum mikið frá veiðum vegna endurbóta á bátnum erum við bara nokkuð sáttir við niðurstöðuna við náðum rekstrinum loksins réttum megin við núllið og yfirdrátturinn á reikningum var bara horfinn núna um áramótin, þetta var sérstaklega ánægjulegt eftir mjög þungt ár 2019 þegar var bullandi tap á rekstrinum og hlutaféið nánast farið og við hjónin máttum inn með stórann hluta af okkar sparifé inn í reksturinn í byrjun 2020.

En sem betur fer 2019 búið og 2020 svo er bara horfa fram veginn og vera bjartsýnn, svartsýni og alltaf vera horfa í baksýnisspegillinn er skilar bara engu. Jakob og áhöfn er klár í vetrarvertíðina 2021, 7-9-13 . Jakob búinn að fá nýja glugga, nýja ljósavél og aðrar beturbætur.

 

Við byrjum sem sagt með hækkandi sól og fullir af bjartsýni