Vertíðarlok að sumri

Jæja kominn miður ágúst og flotlínan komin á stokka og bíður eftir næsta sumri. Í ágúst höfum við verið að veiða restina af þorskkvótanum hjá Hjalta vini mínum skólabróður úr Stýrimannaskólanum en hann náði ekki að klára kvótann í vor á skakinu svo við samfiskuðum síðustu tonnin 12 tonn + bónusinn sem er 30% svo þetta voru um 16 tonn sem við veiddum núna í ágúst í þremur ferðum + ýsa,grálúða og hlýri. Annars hefur sumarið gengið þokkalega við náðum að öngla upp 70 tonn eða 69,6 tonn af ýsu á flotlínuna í julí.

 

 

Tókum 3 túra eftir þorsk til fylla upp í 30% ferskfiskordningen sem er hrein bónus á kvótann hjá okkur.

 

En þorskkvótinn sem við höfum er of lítil en einn 9-10 m kvóti í dag í þorski er 37 tonn svo þetta er dálítið púsluspil til að geta gert út allt árið en ferskfiskordningen hjálpar okkur mikið að meiga vera með 30 % þorsk í hverri viku af heildarafla sem er ekki kvótabundið gerir það að verkum að í staðinn fyrir hafa verkefni fyrir bátinn í 2 mánuði náum við að gera út á einn kvóti í ca 7-8 mánuði. Ýsuveiði hefur nánast verið frjáls og ufsa heimildir eru mjög rúmar en þetta getur verið svolítið púsluspil og sérstaklega þegar ferskfiskordningen er ekki byrjuð en 30% koma ekki fyrr en 15 july hvert ár.

 

 

Hún byrjar reyndar 15 april með 10%. Í vetur þegar ýsuveiðin er góð er einnig hætta á að fá of mikinn þorsk, við lendum í því í vetur að þorsk % var of há svo við urðum að hætta til að klára ekki kvótann og var það frekar sárt. Ég held samt sem áður að ég vilji hafa þetta svona heldur en að taka upp leigukvótakerfi eins og er á Íslandi.

 

Nú erum við á leiðinni með Jakob í slipp er ætlunin að skipta út gluggum og aðeins að laga bátinn hér og þar en við höfum klímt við leka glugga frá fyrsta degi eins höfum við verið að glíma við leka í vélarrúmi og í kojur en nú erum við sem sagt á leiðinni til Nordmek í Veteralen og þeir ætla skipta út gluggum og svo var hugmyndin að plasta bátinn hér og þar gera bátinn klárann fyrir haust og vetrarvertíðina. Eins ætlum við að láta Nogva kíkja á ljósavélina sem hefur verið biluð síðan í Mars á þessu ári vél sem hefur verið keyrð kannski 100 tíma, en það gengur mjög illa að fá vélina gangfæra vélin er í ábyrgð en svo viðrist þeir sem seldu mér vélina heima á Íslandi séu ekkert annað en Netverslun sem getur litla sem enga þjónustu veitt.

Sumar nr 8 i Båtsfjord

Eftir grálúðukvótinn var tekinn var flotlínan tekin af stokkum og byrjuðum við krækja makríll á krókana.

En Satt og segja var byrjunin ekki beisin ýsan var ekki byrjuð að lyfta sér neitt að ráði frá botni. Á meðan lítið var um að vera á flotlínunni hjálpaði ég Svani að sigla Minibanken upp til Båtsfjord. En hann hafði lofað systir sinni að taka ungdomskvotan sem hún mátti fiska. Gekk ferðin hjá okkur vel vorum við rétt tæpa 3 sólarhringa á leiðinni. Þegar upp eftir var komið var vormlínan lögð og þau systkinin byrjuðu að róa og við á Jakob fórum að eltast við ýsuna.

 

 

Minibanken sem hann Svanur keypti sér í vetur.

 

 

 

 

 

 

 

 

 

Jóna Krista ánægð með árangurinn er ungdómskvótinn kominn í lestina í þremur sjóferðum með 3 bala. En hér í Noregi er ungu fólki frá 12 til 25 ára leyft að fiska fyrir 50 þúsund norskar ca 730 þúsund íslenskar yfir sumarið og nýttu þau systkinin þetta í ár.

 

 

 

 

 

 

 

 

Flotlínan hefur verið erfið í sumar mikið leiting keyrt fram og tilbaka frá Vardö til Mehamn en við höfum þó alltaf fundið eitthvað til leggja á nema einu sinni en þá tókum við linuna með okkur aftur í land. Svo það má segja að flotlínan sé byrjuð en þetta er 8 sumarið sem ég fleyti hérna í Austur Finnmörku yfir sumarið og sjöunda sumarið sem fjölskyldan er hérna með mér svo yngstu krakkarnir þekkja varla annað en Båtsfjord yfir sumarið.

 

 

Hér er þó flotlínu lóð upp úr þessum punktum fengum við ca 6 tonn.

Svona er vil maður hafa þetta lóð frá 30 til 60 fm 

 

 

 

 

 

 

 

 

Þetta er nú mikilvægur partur af balalínu beitingarskúrinn og hér beita þær á fullu flotlínuna sem 3,5 mm venjuleg lína rauð og gul á litinn. 

 

 

 

 

 

 

 

 

Enda er þetta áttunda sumarið sem þau eru hér. Ég man aldrei eftir svona fáum bátum sem róa með flotlínu eins og í ár. Bæði hefur covid og að síðustu tvo ár hafa verið frekar erfið á þessum veiðiskap.

 

 

Ýsan er komin í lestina ég held við séum búin að öngla upp um 35 tonn í júli af ýsu og voru 6 tonn í endaðann juní eftir grálúðuna en það hefur verið mikill tími að leita allt upp í 16 tíma í einu róðri. Þegar ástandið er þannig verður þetta frekar endasleppt þar sem fer mikið meiri tími að leita en heldur en að leggja og draga.

 

 

 

Flotlína á sumrin er hefðbundin vertíðar veiðiskapur sem aðallega hefur verið stundað af bátum frá Lofoten. Er hefðbundið að þeir byrjuðu að koma hingað austur eftir eftir Jónsmessuna og voru hér fram í September var venjan fjölskyldunar fylgdu með svo margir ungir Lofoten strákar og stelpur byrjuðu hér ung að beita og vinna í kringum þetta, margir urðu eftir hér fundu sér Samastelpur eða Samastrák og í fiskiþorpunum eins og Berlevag og Batsfjord er flestir með rætur til Lofoten.

Í Lofoten er mjög mikil línuhefð svipað og fyrir vestan í gamla daga tildæmis í Lofoten kom fyrsta segulnaglalínan sem þeir gerður sjálfir löngu áður en Mustad byrjaði framleiða slíka línu og löngu áður en við Íslendingar vissum hvað það var. Lofoten línan er líka komin frá þeim að nota nylon línu en hún kom ekki til að góðu þegar var algjör ördeyða í Lofoten í milli 1960-1970 ekki öruggur á ártalinu en sem sagt menn fóru að prufa sig með að nota nylon línu. Vefja krókum á línuna og beita og þeir sáu að þessi aðferð af meiri fisk svo þróaðist þetta og farið var framleiða þessa línu í Sir lanka.

Í dag er nylon lína mjög vinsæl hérna og mikið notuð af trilluflotanum og fiskar alveg ótrúlega vel. Mér finnst þetta skemmtilegt veiðarfæri. Nú færðu svona línu frá 1,6 mm upp í 3,5 mm. og allavega uppsett þ.e.a.s hvað langt á milli króka en algengjast er í kringum 2 m á milli króka.

Það er dálítil kúnst að beita þessa línu en það lærist eins og annað en andóf er mjög mikilvægt línan má aldrei glæja fram þá snýst upp á hana og hún hringast ekki eins og verður þar aðleiðandi algjör martröð að beita. 

Læt þetta vera gott að sinni frá Båtsfjord æi 17 stiga hita.

Sjaldan er ein báran stök

Stundum er erfitt taka rétta ákvörðun, en vonandi með hverri rangri lærir maður fækka þeim röngu. Ég ekki hefði aldrei farið út í að smíða nýjan bát ef ég hefði vitað alla þá erfiðleika sem það hefur kostað.

Ég hafði aldrei látið smíða fyrir mig nýjan bát áður og sú ranga ákvörðun sem ég tók var að hafa ekki ráðfært mig við aðila sem höfðu látið smíða og ekki minnst hafa ekki ráðfært mig við annan bátasmið. En það var ekki gert og meðal annars vegna þess hefur þetta ár sem ég hef haft nýja Jakob verið frekar beiskt og súrt, og tekið mjög á andlegu hliðina. En vonandi fer nú sjá fyrir endann á þessu öllu saman og við getum farið aðhorfa fram á veginn og einbeita okkur að því sem tilgangurinn var með að láta smíða nýjan bát reyna fá í soðið.

Við urðum að hætta eldast við ýsu í vetur því að vara alltof mikill þorskur með og saxaðist vel á þann litla þorskkvóta sem við höfum á þessum drottins ári 2020. Eftir það vara hugmyndin að láta gera við bátinn skipta um glugga og fleira sem er nauðsynlegt að gera en þá kom corona og allt stoppaði einhvers staðar hef ég séð ritað að sjladan er ein báran stök og það á svo sannanlega við í þessu tilviki þau eru nokkur brotin sem hefur dunið yfir okkur í þessu basli.

Eftir það corona lokaði öllu ákváðum við að reyna okkur við grásleppuveiðar og var Jakob útbúinn að til þess, en veiðin var arfaslök og mikil ótíð svo allavega þá vertíð var ekki róið til fjár.

 

En við fengum þó nóg af grásleppu á hjallinn og slatta af rauðmaga sem við settum í reyk, höfum við verið að reyna fá norðmenn til að borða þessa dásemd með frekar takmörkuðum árangri ég held rétt og slétt að norðmenn séu barasta mjög matvandir.

 

 

 

 

 

 

 

 

 

Eftir grásleppuna var haldið á grálúðuna upphaflega var planið að vera í Røst og landa hjá John Greger en á síðustu metrunum hættu þeir við að kaupa grálúðu ár og tókum við þá djörfu ákvörðun að fara bara heim til Batsfjord og fara þaðan á Tromsoflaket en svo nefnist fiskibankinn sem liggur norður frá Tromso allaleið til Bjarnarey ( ekki Bjarnarey í Vestmannaeyjaklasanum).

 

 

 

 

 

Þetta er dálítið stím frá Batsfjord eða um það bil 30 tímar hvorra leið. eða um 290 sjómílur. Erum við búnir með eina sjöferð þangað og skilaði hún okkur 10,5 tonnum þar af 10,1 tonn með grálúðu. Eftir þá ferð kíktum við út í Bananaholuna en það er smá hola æut æur Sölebanken og Nordkappbanken þar sem dýpi er 190 til 202 fm og þar heldur grálúða sig og þar er best að beita með loðnu þá er hægt að fá um 100 kg á balann með lúðu en þar sem það hefur verið alveg ómögulegt að fá loðnu síðustu tvo ár er erfitt að stunda holuna því þorskur sem meðalfi eykst alveg gríðarlega mikið fer alveg upp í 70% af aflanum. En við erum sem sagt á leiðinni til Batsfjord úr holunni með ca 6,5 tonn þar af gráluða 2,5 og þorskur um 3 tonn rest mix ýsa, hlýri og skata.

Langt á milli

Mikið gengið á og mikið gerst síðan síðasta blogg var skrifað. Við á Jakob kláruðum vertíðina náðum að fiska um 80 tonn í febrúar 30 tonn af þorski og 50 tonn af ýsu. Þar sem minnkaði mikið af þoskkvótanum var ákveðið taka frí til að gera við bátinn en þá kom Korona svo Jakob hefur verið bundinn við bryggju síðan 1 mars. Stærsti róðurinn var 12,6 tonn á 40 bala en sá lakasti 7,0 tonn á 50 bala.

 

 

Jakob með 11,3 tonn á 42 bala 70% ýsa.

 

 

 

 

 

 

 

 

 

Við fórum 10 róðra frá 20 janúar til 29 febrúar en það voru margir bræludagarnir hjá okkur þessa vertíðina.

 

 

Hér erum við með 12,3 tonn á 50 bala. Þarna vorum við frekar óheppnir því 8 tonn af aflanum var þorskur og setti plönin sem við vorum búnir laga úr skorðum veiddum þorsk sem við ætluðum að nota í þrjá róðra.

 

 

 

 

 

 

 

Í Apríl fórum við feðgar með Minibanken bátinn hans Svans Þórs til Lofoten nánar til Röst og beitum vormlinu með rækju vorum við 14 daga þar úti og fengum við 6 landlegu daga vegna veðurs. Við fórum 7 róðra með 3 bala en hver bali er með 240 króka svo við rérum með 720 króka. Stærsti róðurinn var 2,7 tonn eða 900 kg á hvern bala eða 3,75 kg á hvern beitann krók. Minnsti róðurinn var 1100 kg eða 366 kg á balann sem gerir 1,52 kg á hvern beitann krók. Meðaltalið á vertíðinni var 723 kg á balann eða 3 kg á hvern beitann krók. Við beitum línuna sjálfir og beitum við rækju frá Íslensku Útflutingsmiðstöðinni og var hún veidd af Taurus. Ég beiti 2 bala og Svanur einn. Við höfðum 2 stubba með 3 bölum. En vormlínan er látinn standa yfir nótt þar sem henni er fleyt frá botni við vorum að fleyta henni 3 til 10 fm eftir dýpi og lóðningum.

 

Svanur Þór skipper og eigandi af Minibanken N-208-ME

 

 

 

 

 

 

 

 

 

 

Minibanken við bryggju í Röst við þessa bryggju höfðum við fast bryggjupláss og beitngarskúra með íbúð upp svo það var stutt að fara beita 

 

 

 

 

 

 

 

 

Þarna er skipstjórinn á Jakob og undirirtaður að leggja línuna í Röst allt klárt hjá kallinum

 

 

 

 

 

Lestin full á Minibanken eftir góðann róður með 3 bala.

 

 

 

 

Eftir að við komum heim frá Röst laugardag fyrir páska byrjaði ég að útbúa Jakob til grásleppuveiða og í dag 20.04 erum við loksins tilbúnir til halda til veiða er planið að steina niður netin á morgun þó svo að engir steinar séu notaðir lengur. En var þetta svolítið púsluspil en verður mikið auðveldara á næsta ári. Svo á miðvikudaginn reikna ég með að við getum farið og lagt netin og allavega fengið fyrir kostnaði.

Netaspilið komið um borð og niðurleggjarinn.

Sjaldan er ein báran stök

Stundum er sagt ekki er ein báran stök. Og það á sko 100% við hjá mér núna með nýja Jakob. Þvílík vandræði og erfiðleikar sem ég hef átt í síðan við fengum þennan glæsilega bát afhendann 7. Júni 2019. Þetta virðist engann enda ætla taka. Við höfum komist í 25 róðra síðan bátur var afhendur báturinn hefur verið á verkstæði í 84 daga, og því miður ekki allt búið ennþá, þegar þetta er skrifað liggur fyrir að báturinn þarf á nýrri klössun að halda, sem mun taka að öllu líkindum minnst 30 daga eða meira. Eftir að við fengum bátinn úr síðasta hafrí í lok nóvember rérum við til 16 desember við náðum að öngla upp kvótann en tapið samt gríðarlegt fyrir áhöfn og útgerð haustið 2019.

 

Vegna þessa er reksturinn hjá okkur orðinn mjög þungur fyrst og fremst við getum ekki notað atvinnutækið okkar til afla tekna. Uppsafnaðir sjóðir eru löngu þurrir bæði vegna mikilar seinkunnar á afhendingu á bátnum og svo hefur báturinn meira og minna verið á verkstæði síðan hann var afhendur að gera við bátinn.

Við ætlum ekki að leggja ár í bát strax þó svo áralagið hafi ekki verið fallegt. Þegar þessi orð eru skrifuð liggjum við í Båtsfjord við erum búnir að fara einn róður frá áramótum en við komum hingað norður eftir 15 janúar. Ágætt fiskeri var í þessum fyrsta róðri eða 11,3 tonn og þar af var ýsa 8 tonn svo þetta var góður róður.

 

 

Hér er Jakob með 11,3 tonn 

 

 

 

 

 

Á landleiðinni fengum við leka með glugga stjórnborðsmegin sem gerði það að verkum að sjóvatn átti greiða leið í rafeindabúnað fyrir siglingartæki sem svo varð til þess að algjört blackout varð hjá okkur þegar við áttum eftir 12 sjm í Makkaur, eina siglingartækið sem virkaði fyrir utan kompásinn var radar svo höfðum við dýptarmælir veður var svo sem þokkalegt svona kaldafýla fra SV.

Svo það var frekar súrsæt stemming þegar loksins báturinn var komin upp til Båtsfjord rétt eftir miðnættið aðfaranótt laugardagsins.

Síðan þá höfum við haft viðgerðarmenn um borð alla vikuna hefur rafeindavirki verið um borð og svo þegar brælunni slotaði var farið í það að taka út gluggann og þétta hann upp á nýtt og já það hefur verið bræla nánast alla vikuna sem gerði það að verkum að ekki var hægt að fara í gluggann fyrr en í gær fimmtudag og nú erum við að bíða eftir því að sikaflesxið taki sig já við misstum einn róður útaf þessu en bara einn þar sem var nánast bræla alla vikuna allavega fyrir okkur.

Eftir þetta með gluggann er alveg ljóst að báturinn má einu sinni enn fara í klössun já nýr báturinn en eftir að sjá fráganginn á þessum glugga er nokkuð ljóst að allir gluggarnir þurfa úr bátnum ,eins þarf að komast fyrir leka sem er að pirra okkur í lúkar svo 2020 ætlar að heilsa okkur svipað og allt árið 2019 var.

 

En lítið annað hægt gera en taka þessu .

 

 

 

 

 

 

 

Glugginn kominn úr og svo settum við hann aftur í með miklu sikaflexi og því sem til þurfti. Við urðum að byggja upp hornin því sá eða sú sem skar út fyrir gluggunum hefur ekki verið flinkur/flink með stingsög ég hefði getað gert þetta betur. En þetta var gert á Akranes þar sem skrokkurinn var gerður á sínum tíma

 

 

 

 

 

 

 

 

 

 

 

 

En nú kemur það jákvæða Svanur Thor Jonsson hefur fjárfest í bátnum Minibanken frá Sund í Lofoten er þetta 10 metra langur Viksund bátur með ályfirbyggingu. Svanur kaupir bátinn af Svein Johansen frá Sund sem var góður vinur okkar feðga en því miður féll sá ágæti maður frá núna í byrjun Janúar 75 ára gamall en hann hafði glímt við krabbamein 2019. Svanur þurfti að sækja um leyfi frá Fylkesmannen i Nordland til kaupa fiskibát af því strákurinn var ekki orðinn 18 ára. Fylkesmannen samþykkti svo kaupin í gær svo nú stefnir í að ég verði háseti hjá Svani hans fyrstu Lofoten vertíð.

 

Nýjasta í útgerðarsögu fjölskyldunnar Minibanken sem Svanur Þór Jónsson hefur fest kaup á

Lausir úr slipp

Og komnir í gang eftir tæpar 6 vikur. Já Jakob var sjósettur 22. nóvember og eftir prufukeyrslu og ítarlega skoðun vorum við útskrifaðir. Balarnir voru svo teknir um borð Laugardaginn 24.nóvember og haldið til veiða. 

 

Jakob í Löfte á leiðinni til hafs

 

 

 

 

 

 

 

 

 

 

 

Á þessari viku höfum við gert 3 róðra tvo með 50 bölum og einn stubb með 30 bölum, fiskeri hefur verið þokkalegt 130-190 kg á balanum og helmingur ýsa. Við náðum í síðustu vikuna á ferskfiskordningen sem þýtti bónus fyrir okkur í staðinn fyrir að tæp 10 tonn af þorski hefðu farið í kvóta þá fóru 4 þannig að við eigum núna eftir 16 tonn án þessa bónus hefðum við átt 10 tonn eftir svo það er eftir miklu að slægjast í þessu og því er það sárt að hafa misst úr nánast allt haustið vegna þessara misstaka sem voru gerð i niðursetninguna á vélinni.

 

Verið að draga í síðustu veiðiferð.

 

 

 

 

 

 

 

 

Nú er bræla og bræluspá en Polarlægðir er að dúka upp hérna fram og til baka svo spáin breytist ört mikið á milli veðurspáa. En eins og spáin er komust við kannski á mánudaginn. 

 

 

Polarlægð eða polarlavtrykk útaf Austur Finnmark. Polarlægð er litlar staðbundar lægðir sem myndast þegar kald heimskautaloft kemur yfir heitann sjó þær geta verið mjög öflugar og yfirleitt vont veður í kringum þær. Þessar lægðir uppgvötuðust í kringum 1960 á gervihnattamyndum. Þessar lægðir finnast og eru kröftugastar í Barentshafinu, Japanhafinu, Norska hafinu og Alskabukta. Þær geta staðið frá 6 tímum upp í nokkra daga. En oft byrja þær myndast en verða svo ekki af öflugum lægðum þess vegna getur veðurspðin verið mjög misvísandi þegar um Polarlægð er um ræða. 

Búið að skrúfa saman samt enn í slipp

Nú er unnið við að setja saman í Jakob N-5-G, Nýr gír kominn og nýr öxul. Búið að setja nýjan öxull í bátinn og koma gír fyrir og á föstudaginn unnum við að rétta af vél og gír við öxul. Ekki búið ennþá hefur tekið tíma en ég er vongóður að það hafist á morgun en þá er klára dæmið og koma okkur á hafið svo við getum farið að byrja að fiska. Það er ca eins dags vinna eftir þegar búið er stilla vél og öxullinn saman, síðan er sjósetning og prufusigling og mæla aftur hvort ekki allt sé ekki alveg örugglega í lagi.

 

Þetta hefur gengið mikið rólegra en ég reiknaði með en ég var svo bjartsýnn að við Barents Skipsservice myndi klára þetta fyrir helgi, en það gerðist ekki. Slippurinn hafði frekar hægt um sig í koma þessu saman og tildæmis var ekki mikið unnið um borð á miðvikudaginn og bara einn að vinna á fimmtudaginn og föstudaginn og fékkst enginn til að vinna yfir helgina. Ég hastaði mig við þá á miðvikudaginn var eiginlega kominn með nóg svo ég ætla rétt að vona þetta klárist um miðja vikuna.

Ferskfiskordningen var lengt til 29. Nóvember svo ef við fáum bátinn um miðja viku náum við í síðustu vikuna og svo höldum við áfram og klárum kvótann fyrir áramót.

Það hefur verið gott fiskerí þessa vertíðina hjá flestum sem róa héðan í haust mikið betri en í fyrra á sama tíma meiri þorskur og ýsa og verðin eru hærri svo afkoman betri hjá flestum. Við vonum að við fáum góðann endir á 2019 og náum hífa upp aflaverðmætið svo við getum keypt okkur allavega nýja sokka fyrir jólin.

 

Samherjamálið er meira segja rætt hér í Båtsfjord og menn hafa sterkar skoðanir á því þó sérstaklega er þáttur DNB og peningaþvætti sem liggur mönnum á bjrósti sem er kannski skiljanlegt þar sem það snýr beint að norðmönnum. Og þessi almenna umræða hvernig stórfyrirtæki eru hætt að koma með gjaldeyrin heim þegar búið er að selja afrakstur af nýtingu auðlinda heldur er rjómanum fleytt ofan að og hann geymdur í skattaskjólsparadísum.

Nú þekki ég ekki til Í Noregi hvernig þetta var áður fyrir en við þekkjum alveg hvernig þetta var heima á íslandi þegar „sjávarútvegurinn“ var rekinn með botnlausu tapi og hver gengisfelling á fætur annari, en þá skaffaði sjávarútvegurinn eina gjaldeyrin sem þjóðin hafði og því var hagkvæmt stýra þessu. Allur gjaldeyrir skilaði sér heim en á móti var Sjávarútvegurinn núllstilltur og Sambandið og svokallaður Kolkrabbi skiptu svo öllu á milli sín. Þrátt fyrir það var hægt að byggja upp þá innviði sem þjóðin ennþá þekkir sem í dag eru reyndar molna undan þjóðinni.

Síðan breytist þetta sjávarútvegurinn einkavæddur í gegnum kvótakerfið og sjávarútvegurinn fer að blómstra þá byrjar græðgin menn að hætta koma með gjaldeyrin heim heldur ákveða geyma hann í skattaparadísum, gjaldeyrin fyrir afrakstur af nýtingu auðlindinni skilar sér ekki til Íslands. Þetta bara sýnir sig í gegnum útflutingsfyrirtækið Sæmark og nýlegann dóm gagnvart útgerðarmanni á Hellissandi, þar var greinilega útflutningsfyrirtæki sem aðstoðaði sýna viðskiptamenn að geyma hluta af söluhagnaði afurða í Skattaskjólsparadísum.

En best hætta þessum bakþönkum.

Þetta ár farið í vaskinn. ( En ekki það næsta )

Þetta ár farið í vaskinn. Útgerðarlega séð ekkert hefur gengið upp og núna höfum við mátt bíða eftir nýjum gír frá Ítalíu í 14 daga ferðalag sem átti taka 3 hámark 4 daga með DHL express.

 

 

Nýi gírinn loksins kominn í hús eftir allann þvælinginn

 

 

 

 

 

 

 

 

 

 

 

 

Það versta fyrir okkur er að svokölluð ferskfiskordning fiskast upp á hverjum degi og við getum ekki tekið þátt en ferskfiskordningen hefur gert gæfumuninn fyrir okkar útgerð undanfarin ár.

Af heildarkvótanum í þorski eru tekin 15.000.- tonn af þorski sem eru notuð í þetta verkfæri, hugsun á bak við þetta er fá upp fisk allt árið í Noregi ekki bara á svokallaðri Lofoten Vertíð. Í ár byrjað i ferskfiskordningen 15 apríl með 10% þorskbónus, 15 júlí var það aukið í 30%. Þetta virkar þannig að þú getur verið með svo og mikinn þorsk í aflanum sem ekki fer í kvóta, þetta er reiknað út á viku til viku. Sem sagt ef þú fiskar 10 tonn á viku meðan bónusinn er 10% færðu eitt tonn í bónus í þorski segjum sem sé af þessum 10 tonnum sé 7 tonn þorskur þá fer 6 tonn af kvótanum. Og þegar bónusinn verður 30% færu 4 tonn af kvóta.

Þetta hefur verið til auka mjög veiðar á þorski og ýsu á haustin bátar geyma hluta af kvótanum sínum og velja veiða hann á haustin sem verðut til þess að það kemur mikið magn af fiski á land á haustin sem áður voru nánast dauð yfirleitt er miklu hærra verð á fiski á haustin heldur en á vertíðinni. Þetta verður líka til þess að veiðist meira af ýsu og öðrum tegundum sem annars myndu ekki veiðast.

Nú er svo komið að meðan við höfum legið bilaðir hefur verið nánast hægt róa upp á hvern einasta dag og verið mjög gott fiskerí svo nú er aðeins eftir ca 1.300 tonn af ferskfiskordningen og fiskast ca 6-700 tonn á viku svo það er hámark eftir ca tvær vikur af ordningen. Svo þegar við komum í gang verður lítið eftir og við náum ekki drýgja kvótann eins og við vorum búnir að plana gera áætlun um. Á síðasta hausti náðum við að tvöfalda úthlutað kvóta sem sagt veiða um 90 tonn af þorski á einn 9 m þorskkvóta. Í ár hefur það ekki gengið eins vel við vegna þess að báturinn hefur verið meira og minna á þurru landi og eins og þetta lítur út í dag verður þetta max 50 tonn sem við náum að veiða svo er stór munur og tekjulega er þetta bara stór skellur sem verður kannski erfitt er að kyngja.

Þessir 14 dagar hjá DHL verða okkur mjög dýrir sem og allt klúðrið sem búið er að gera varðandi bátinn, nú erum við búnir að missa úr einn mánuð og allavega ein vika þangað til við verðum tilbúnir til veiða.

Til kóróna ruglið þá kom í ljós við skoðun á öxlinum að hann var boginn, mjög sennilega eða nánast örugglega, því Frydenbö í Öksfjord ráku bátinn niður þegar þeir tóku bátinn upp í ágúst og við það hefur öxullinn bognað. Svo það kemur bara ný orusta í fangið á manni þegar þeirri fyrri er lokið.

Boginn skrúfuöxull ætti ekki vera mikið mál finna öxulstál henda því í rennibekk málið dautt en þannig var það nú alls ekki við fengum að vita það væri 3-4 vikna afgreiðslufrestur á nýjum öxli hér í konungsríkinu Noregi.

En til gera langa sögu stutta eftir mikinn hama gang fundum við Renniverkstæði í Bodö sem gat tekið verkið af sér í einum grænum og í þessum skrifuðu orðum er verið að renna nýjan öxull þar, má segja þetta sé fyrsta flax sem við fáum í sambandi við allt þetta svo nú teljum við að ógæfuhlutanum er loksins lokið og nýr og betri kafli sé að byrja.

Nóg af þessu svartsýnisrausi þýðir ekkert spóla í sömu hjólförunum alla daga. Ég hlustaði á morgunpredikuna á þriðjudagsmorguninn á P1 hjá NRK sama og rás 1 hjá RUV. Og var þessi predikun mjög góð, meðal annars sem Presturinn sagði: Einn dag komum við öll til að deyja en aðra daga lifum við. Þetta segir eiginlega allt sem segja þarf við skulum njóta lífsins meðan við lifum. Lifa lífinu lifandi, það sem er búið er búið nú horfum við fram á veginn.

Nýsmíðin hefur snúist í andhverfu sína !

Það sem átti vera gleði og spenningur að fá nýjan bát, en raunin hefur verið önnur nýibáturinn búinn að vera meira á verkstæði en í notkun. Í síðasta bloggi vorum við að leggja í hann frá Øksfjord þar sem báturinn hafði verið í 5 vikur í allskonar verkefnum það stærsta var byggja flottank vegna stöðugleika og svo var hitt og þetta sem mátti laga.

 

Ekki Oft sem hægt er mynda bátinn á floti en hér liggjum við og bíðum eftir að vera dregnir í slippinn

 

 

 

 

 

 

 

 

 

 

 

 

 

Í Øksfjord uppgvötaðist að mótorpúðarnir sem halda vél og gír voru ónýtir voru slitnir og vél og gír höfðu þá skekkst og myndað spennu milli öxuls og gírs það þurfti að beita afli til snúa skrúfunni svo skakkt var draslið.

 

 

Hér sjáum við gömlu mótorpúðana eftir ca 900 tíma 

 

 

 

 

 

 

 

 

Þetta var lagað eða svo héldum við allavega og við héldum til Båtsfjord og byrjuðum að róa, róðranir í þetta skipti urðu þrír en þá dundi yfir næsta áfall Öxullinn í gírnum hreinlega brotnaði sem varð til þess að við urðum vélarvana 6 sjómílur norður af Batsfjord. Reidar Von Koss ( sem er bjögunarskipið hérna) kom og bjargaði okkur en gott var í sjóinn alveg logn sem er ekki oft á þessum slóðum á þessum árstíma.

 

 

 

 

 

 

Sennilega hefur einhver mótorpúði gefið sig mjög fljótlega eftir sjósetningu og við siglt frá ‘island til Noregs með vélina jafnvel skakka svo það vakna margar spurningar upp varðandi þetta allt saman. Svona mistök eru eiginlega ófyrrgefanleg maður getur fyrrgefið að notaðir eru svartar rær og skrúfur í staðinn fyrir rústfríar, að menn gleymi að setja límkitti undir bolta göt sem er verið að loka en þetta sjálf niðursetningin á vélinni pumpan hjartað í bátnum er eiginlega rothögg.

 

Hér sjáum við hvernig þetta hefur brotnað öxullinn kubbast í sundur við leguna.

 

 

 

 

 

 

 

 

 

 

Ég játa alveg góðfúslega að þetta síðasta högg var nánast rothögg það var ekki mikið eldsneyti eftir á tanknum hjá mér þessa nótt þegar við biðum eftir björgun. Lítil fugl hvíslaði að mér nú væri nóg komið og ég skildi bara hreinlega gefast upp. Öll orkan sem ég hef þurft að nota á þessu herrans ári 2019 í allt annað en ég ætlaði mér hefur reynst mér þungt maður áttar sig ekki á því fyrr en maður upplifar svona hvað svona basl og tekur á.

 

 

Gírinn á leiðinni úr bátnum eftir ca 950 tíma 

 

 

 

 

 

 

 

 

 

En í stuttu máli var ekki hægt að gefast upp ég er nú þannig alinn upp og svo Aston Villa fan og við gefumst ekki upp og Sólrún konan mín sem þekkir mig bara nokkuð vel stóð við bakið á mér og bara smá hvatning á facebook frá vinum hefur verið dýrmæt. Ég hef ákveðið að horfum á björtu hliðarnar það er alltaf hægt skipta um ein gír sem er bara járnstykki smíðað á Ítalíu það urðu engin slys á fólki þú veist aldrei hvenær svona getur gerst, að missa vélarafl til sjós er aldrei skemmtilegt og oft hefur það gerst við miklu verri aðstæður og jafnvel líf tapast.

 

2019 hefur reynst Jakobsen Fisk AS þungt félagið er búið að vera nánast tekjulaust síðan á haustmánuðum 2018, nýji báturinn átti vera tilbúinn 1 janúar 2019 en við fengum hann ekki formlega afhentann fyrr en 16-17 júní 2019 og síðan við fengum hann afhentann höfum við getað róið í 6 vikur svo það þarf engann íslenskann hagfræðing til sjá það að þetta er búið reynast okkur mjög þungt og minnkað ískygilega í buddunni okkar í Gildeskal Sparebank. Tapaðar tekjur er ekki hægt þéna en vonandi verður hægt að lokum skapa nýjar tekjur sem munu koma bæði mér og félaginu til góða

 

Jakob Liggur núna við Barents Skipsservice hérna inn í firði eins og við i Båtsfjord segjum og bíður eftir nýjum gír, nýjum mótorpúðum, nýjum ásþétti og vonandi nýrri skrúfu Skrúfuöxull fer í rennibekk strax eftir helgi hvort hann sé ekki alveg örugglega beinn, ef allt gengur upp getum við byrjað setja saman i næstu viku nema gírinn sem er á leiðinni er týndur en vonandi finnst hann. Svo ef allt fer eftir bjartsýnistu mönnum gæti báturinn verið kominn á flot 6 til 8 Nóvember en þá eigum við eftir ca 6 vikur til að klára árið með stæl.

 

 

Við eigum eftir ca 20 tonn af þorski og svo við komum til reyna blanda þetta með ýsu og nýta svokallaða ferskfiskordning en við fáum 30% bónus á þorskkvótann núna fyrir landa honum til vinnslu á þessum árstíma. Svo það er grátlegt að tapa þessum vikum núna. Gróflega hef ég reiknað við séum búnir að missa nú þegar um 6 róðra síðan óhappið gerðist og ef við tökum fiskerið hjá Ingvaldsson og Myreng Fisk en þar höfum við haldið okkur er hreint tap ca 900.000.- norskar krónur ca 13,5 mil íslenskar krónur.

Haustblogg

Eftir frekar tíðindalítið sumar kemur blogg, Við tókum við nýjum bát í júni 2019 ( átti vera tilbúinn í janúar svo mars 2019). Frá Stykkishólmi sigldum við til Bíldudals og náðum í búslóðina okkar en við fjölskyldan seldum húsið okkar á Bíldudal í sumar.

 

Eftir sólarhringsstopp sigldum við svo áleiðis til Noregs fengum við skínadi veður fyrir utan á Faxaflóanum var fræsingur og síðustu 10-12 tímann þegar við nálguðumst Færeyjar fengum við á okkur Norðaustan skítabrælu. Við tókum gott stopp í Torshavn enda ákváðu við að vera ekkert að stressa okkur og það fór vel um okkur í miðbæ Þórshavnar eins og við skildum segja.

 

 

 

 

 

 

Eftir gott stopp í Torshavn settum við stefnuna á Noreg á Fosnavaag bæ fyrir sunnan Alasund veður var frekar leiðinlegt fyrstu klukkutímana en þegar við nálguðumst Hjaltlandseyjar vorum þó ca 70-80 sjómílur norðan við eyjarnar fór að hægja og fengum við fínt veður upp að norsku ströndinni og svo upp alla ströndina en endastöðin í þessu ferðalagi var Batsfjord.

 

 

 

 

 

 

 

Þar gerðum við út í sumar eins og síðustu 6 sumur sama mynstur Svanur á Sjónum og þær mæðgur í beitingarskúrunum gekk sumarið svona þokkalega við fórum 17 róðra en um miðjan ágúst var farið með nýja bátinn til Öksfjord fyrir sunnan Hammerfest í slipp hjá nýji báturinn mátti í slipp og það var nóg sum þurfti að gera sem hefur svona haft blendnar tilfinningar er alltaf gaman að taka á móti nýjum bát en þegar báturinn virkar ekki og hvert óhappið kemur fram eins og domino kubbar í frjálsu falli verður þetta mjög erfitt en það þýðir ekkert að leggja árar í borð heldur verður maður að róa á móti strauminum og vona fljótlega komi fallaskipti svo straumurinn fari fljóta með manni í staðinn fyrir á móti.

 

Fiskeri var gott stærsti róðurinn var 10,5 tonn af grálúðu og þorski en sá minnsti tæp 800 kg af ýsu, Við rérum yfirleitt með 42 bala í sumar nema á grálúðunni þá fórum við með 60 bala, minnsti róðurinn var reyndar á 16 bala um 50 kg á balann. Á morgun mánudag á Jakob loksins að fara niður eftir rúmar 5 vikur á verkstæði í þetta skipti við verðum trúa því að nú verði allt í lagi. Þá er planið að fara upp Batsfjord og reyna öngla upp einhvern fisk.

 

 

 

 

 

 

 

 

 

 

 

 

 

 

Í slipp í Øksfjord beðið eftir báturinn fari á flot.